ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 27
| Isai | Kapingam | 27:1 | I-di laangi deelaa, Dimaadua ga-hai-hegau gi ono mogobuna mo tulumanu dauwa daaligi dangada belee daaligi ‘Leviathan’, di manu dragon huaidu e-hulihuli ge haga-bigabiga, mo e-daaligi di manu damanaiee dela e-noho i-lodo di moana. | |
| Isai | Kapingam | 27:2 | I-di laangi deelaa, gei Dimaadua ga-helekai i dana hadagee hagatenetene dangada boloo, | |
| Isai | Kapingam | 27:3 | “Au e-daumada ge haga-magalillili di-maa i-nia madagoaa huogodoo. Au e-hagaloohi di-maa i-di boo mo-di aa, bolo gi-de hagahuaidu di-maa go tangada. | |
| Isai | Kapingam | 27:4 | Au ga-hagalee hagawelewele labelaa gi-di hadagee waini. Maa nei bolo gu-iai nia laagau duduia be nia geinga duduia e-tomo-aga i-lodo, gei Au ga-daagi gi-daha gaa-dudu nia maa. | |
| Isai | Kapingam | 27:5 | Maa nia hagadaumee o agu daangada ga-hiihai bolo au gi-abaaba-ina ginaadou, digaula gi-heia nadau noho-baba mai gi-di-Au. Uaa, heia nadau noho-baba mai gi-di-Au.” | |
| Isai | Kapingam | 27:6 | I-nia laangi ga-lloomoi, di madawaawa o Israel ala go-di hagadili ni Jacob, ga-hagatolo ono aga be-di laagau, gaa-huwa ga-moholoholo, gei ono huwa ga-hagahonu henuailala. | |
| Isai | Kapingam | 27:7 | Dimaadua digi hagaduadua kono Israel be dana hai ne-hagaduadua nia hagadaumee o Israel gii-kono, be digi mmade dogologo nia daangada Israel be nia daangada o ono hagadaumee. | |
| Isai | Kapingam | 27:8 | Dimaadua gu-hagaduadua ana daangada mai dana hagau digaula gi-daha mo nadau henua. Mee ne-lahi digaula gi-daha gi-di madangi gono hagahalauwa mai baahi-dua. | |
| Isai | Kapingam | 27:9 | Gei nia hala o digau Israel ga-dumaalia ginai i-di madagoaa hua nia hadu o-nia gowaa dudu tigidaumaha gaa-mama gi-ligiligi-loo gii-hai be nia gohu dogolia, nia gowaa dudu tigidaumaha lolo-kala gaa-hai gi-daha, gei nia ada god Asherah ga-hagalee. | |
| Isai | Kapingam | 27:10 | Di waahale nogo duuli gu-mooho gi-lala, gu-diiagi be di anggowaa lodo-geinga. Guu-hai di gowaa e-noho-ai nia kau, di gowaa e-miami ge hagamolooloo-ai digaula. | |
| Isai | Kapingam | 27:11 | Nia manga o-nia laagau guu-mae gu-hadihadi, gei nia ahina gu-hagabudu nia maa e-hai nia dohomu. Idimaa nia daangada gu-de-iloo nia mee, God dela ne-hai digaula, hagalee aloho gei hagalee dumaalia gi digaula. | |
| Isai | Kapingam | 27:12 | I-di laangi deelaa, God ga-hagabudu ana daangada dagidahi mai Euphrates gaa-tugi-loo i tagageinga o Egypt gadoo be di hili nia palaawaa gi-daha mo ono gili. | |