ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 38
| Isai | TpiKJPB | 38:1 | ¶ Long ol dispela de Hesekaia i stap sik inap long em i laik i dai pinis. Na Aisea, dispela profet em i pikinini man bilong Emos, em i kam long em na tokim em, BIKPELA i tok olsem, Yu mas redim haus na ol samting bilong yu. Long wanem bai yu dai pinis na yu no inap stap laip. | |
| Isai | TpiKJPB | 38:2 | Long dispela taim Hesekaia i tanim pes bilong em i go long banis bilong haus. Na em i beten long BIKPELA. | |
| Isai | TpiKJPB | 38:3 | Na em i tok, O BIKPELA, mi askim Yu long daun pasin long tingim gen nau long mi bin wokabaut long pes bilong Yu long pasin i tru na long bel i inap tru, na mi bin mekim dispela samting i stap gutpela long ai bilong Yu. Na Hesekaia i krai planti. | |
| Isai | TpiKJPB | 38:5 | Go na tokim Hesekaia, BIKPELA na God bilong Devit, tumbuna papa bilong yu, Em i tok olsem, Mi bin harim beten bilong yu na Mi bin lukim ol aiwara bilong yu. Harim, bai mi bungim 15-pela moa krismas long ol de bilong yu. | |
| Isai | TpiKJPB | 38:6 | Na bai Mi kisim bek yu na dispela biktaun long han bilong king bilong Asiria. Na bai Mi sambai bilong helpim dispela biktaun. | |
| Isai | TpiKJPB | 38:7 | Na dispela bai stap wanpela mak i go long yu i kam long BIKPELA, bai BIKPELA i mekim dispela samting Em i bin toktok long em. | |
| Isai | TpiKJPB | 38:8 | Harim, bai Mi bringim gen i go bek tenpela mak tewel bilong san i stap long klok i yusim san na em i bilong Ehas. Olsem na san i go bek tenpela mak bihain long em i winim dispela mak. | |
| Isai | TpiKJPB | 38:9 | ¶ Dispela em i wanem samting Hesekaia king bilong Juda i bin raitim taim em i bin i stap sik na em i bin winim sik bilong em. | |
| Isai | TpiKJPB | 38:10 | Mi bin tok taim BIKPELA i katim bilong rausim ol de bilong mi, Bai mi go long ol dua bilong banis bilong matmat. Em i no larim mi kisim ol yia bilong laip bilong mi i stap yet. | |
| Isai | TpiKJPB | 38:11 | Mi bin tok, Bai mi no lukim BIKPELA, yes em BIKPELA long taim mi stap laip long graun. Bai mi no lukim moa man wantaim ol manmeri i stap long dispela graun. | |
| Isai | TpiKJPB | 38:12 | Taim bilong mi i go pinis na em i go longwe long mi olsem haus sel bilong wasman bilong ol sipsip. Mi bin katim na rausim laip bilong mi olsem wanpela i katim tret taim em i wokim klos. Em bai rausim mi long bikpela sik. Long de yes inap long nait bai Yu pinisim mi. | |
| Isai | TpiKJPB | 38:13 | Mi bin tingting inap long moning olsem, olsem wanpela laion olsem tasol bai Em i brukim olgeta bun bilong mi. Long de inap long nait bai Yu pinisim mi. | |
| Isai | TpiKJPB | 38:14 | Olsem pisin kren o pisin swalo, olsem tasol mi bin mekim nois. Mi bin krai sori olsem pisin balus. Ol ai bilong mi i laik bagarap long lukluk i go antap. O BIKPELA, mi kisim hevi, Yu mas helpim mi. | |
| Isai | TpiKJPB | 38:15 | Bai mi tok wanem? Em i bin toktok long mi na tu Em yet i bin mekim dispela. Bai mi wokabaut isi long olgeta yia bilong mi long pasin bilong tewel bilong mi i holim kros. | |
| Isai | TpiKJPB | 38:16 | O BIKPELA, ol man i stap laip long ol dispela samting, na laip bilong spirit bilong mi i stap long olgeta bilong ol dispela samting. Olsem bai Yu oraitim mi na mekim mi stap laip. | |
| Isai | TpiKJPB | 38:17 | Harim, mi bin senisim bel isi i kamap bikpela pasin bilong bel i holim kros. Tasol, long laikim tru bilong Yu long tewel bilong mi, Yu bin kisim bek em long dispela bikpela hul bilong bagarap olgeta. Long wanem Yu bin tromoi olgeta sin bilong mi bihain long baksait bilong Yu. | |
| Isai | TpiKJPB | 38:18 | Long wanem matmat i no inap litimapim nem bilong Yu. Dai pinis i no inap wok long litimapim Yu. Ol husat i go daun long dispela bikpela hul, ol i no inap wet long kisim tok tru bilong Yu. | |
| Isai | TpiKJPB | 38:19 | Wanpela i stap laip, wanpela i stap laip, em bai litimapim nem bilong Yu olsem mi mekim long dispela de. Papa bai givim save long ol pikinini long tok tru bilong Yu. | |
| Isai | TpiKJPB | 38:20 | BIKPELA i bin stap redi long kisim bek mi. Olsem na bai mipela i singim ol song bilong mi wantaim ol gita samting long olgeta de bilong laip bilong mipela long haus bilong BIKPELA. | |
| Isai | TpiKJPB | 38:21 | Long wanem Aisea i bin tok, Larim ol i kisim wanpela bung bilong ol fik, na putim dispela long i stap plasta long dispela buk na bai em i kamap orait gen. | |