ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 55
| Isai | Kapingam | 55:1 | Dimaadua e-helekai boloo, “Goodou huogodoo ala gu-hieinu, goodou lloomoi, e-inu nia wai aanei! Goodou ala godou bahihadu e-hui godou meegai ai, goodou lloomoi e-hui godou palaawaa e-gai! Lloomoi e-hui godou waini mono milugu, ma deai ono hui ai. | |
| Isai | Kapingam | 55:2 | Goodou e-aha ala e-hai-hegau gi godou bahihadu gi-nia mee ono hadinga adu gi goodou ai? Goodou e-aha ala e-hai-hegau gi godou hui, gei goodou e-hiigai hua igolo? Goodou hagalongo-mai gi-di-Au, ge heia agu mee ala e-helekai-iei Au, gei goodou ga-tenetene gi godou hagadilinga meegai humalia huogodoo. | |
| Isai | Kapingam | 55:3 | “Agu daangada-nei, goodou hagalongo-mai gi-di-Au, ge lloomoi gi-di-Au. Lloomoi gi-di-Au gei goodou ga-mouli! Au gaa-hai dagu hagababa dela e-hana-hua beelaa gi goodou, ga-gowadu gi goodou nia maluagina ala ne-hagababa ko-Au gi David. | |
| Isai | Kapingam | 55:4 | Au ne-hai a-mee di tagi aamua o-nia henua llauehe, gei Au ne-haga-modongoohia ogu mahi ang-gi digaula mai i mee. | |
| Isai | Kapingam | 55:5 | Dolomeenei, gei goodou ga-haga-gahi-mai nia henua llauehe mai i-daha ala nogo de-iloo-ginaadou goodou, gei dolomeenei gei digaula ga-limalima-hua ga-lloomoi bolo ginaadou gi-madalia goe. Au dela go Dimaadua di-godou God, go di God Dabuaahia o Israel, gaa-hai nia mee aanei huogodoo gii-kila, Au ga-hagalaamua mo-di haga-madamada goodou.” | |
| Isai | Kapingam | 55:7 | Digau huaidu gii-huli gi-daha mo nadau mouli huaidu, gei gi-huluhia nadau hagabaubau. Digaula gii-huli gi Dimaadua go tadau God, Mee tangada aloho ge e-limalima dana dumaalia. | |
| Isai | Kapingam | 55:8 | Dimaadua e-helekai boloo, “Agu hagamamaanadu la-hagalee hai be godou hagamamaanadu, gei ogu hangaahai le e-hai-gee mo godou hangaahai. | |
| Isai | Kapingam | 55:9 | Ogu hangaahai mo agu hagamamaanadu le e-mogowaa-loo i-bahi-i-nua i godou hagamamaanadu, be-di langi dela e-mogowaa-loo i-bahi-i-nua i henuailala. | |
| Isai | Kapingam | 55:10 | “Agu helekai le e-hai be nia uwa mono ‘snow’ ala e-lloo-ia i-di langi gi henuailala belee haga-magalillili nia hagadili gii-tomo gii-huwa ono lii e-dogi gii-huwa labelaa e-gai. | |
| Isai | Kapingam | 55:11 | Malaa, nia helekai ala e-helekai-iei Au, la-hagalee hai-gee mo dagu hai dela ne-haganoho-ai. Nia maa e-kila huogodoo be agu mee ala ne-helekai bolo e-hai. | |
| Isai | Kapingam | 55:12 | “Goodou ga-hagatanga gi-daha mo Babylon i-lodo di tenetene, gei goodou gaa-dagi gi-daha mo-di waahale deelaa i-di aumaalia. Nia gonduu mono gowaa nnoonua gaa-moogo i nadau dadaahili, gei nia laagau ga-wwolowwolo i di-nadau tenetene. | |
| Isai | Kapingam | 55:13 | Nia laagau-‘pine’ ga-tomo-aga i-nia gowaa ala e-tomo-ai nia laagau huaidu dolomeenei, gei nia laagau-‘myrtle’ ga-tomo-aga i-nia gowaa ala e-tomo-ai nia laagau duduia. Deenei la-go di haga-modongoohia dono hagaodi ai, ge e-haga-langahia agu mee ala ne-hai ko-Au, dela go Dimaadua.” | |