JUDGES
Chapter 7
Judg | LinVB | 7:1 | Na ntongontongo Yerubaal, ye nde Gedeon, na bato ba ye banso balongwi wana mpe bakei kopika nganda o En-Karod. Nganda ya ba-Madian ezalaki o Nordi ya bango, o esobe penepene na ngomba More. | |
Judg | LinVB | 7:2 | Yawe alobi na Gedeon : « Bato ba yo baleki mingi mpo ’te nakaba ba-Madian o maboko ma bango. Mbele ba-Israel bakomikumisa esika ’te bapesa ngai lokumu mpe bakoloba : Tobiki na bokasi bwa biso moko ! | |
Judg | LinVB | 7:3 | Bongo sakola maloba maye o matoi ma bato : Soko moto abangi mpe alengi, azonga o mboka mpe alongwa o ngomba Gelboe. » Bato nkoto ntuku ibale na ibale bazongi o mboka ; etikali se bato nkoto zomi. | |
Judg | LinVB | 7:4 | Yawe alobi na Gedeon : « Bato baleki naino mingi. Kita na bango o libongo lya mai, kuna ngai moko nakomeka bango. Soko nalobi : Moto oyo akende na yo, akokende na yo. Mpe soko nalobi : Moto oyo akende na yo te, akokende na yo te. » | |
Judg | LinVB | 7:5 | Gedeon akiti na bango epai ya mai, mpe Yawe alobi na ye : « Bato banso bakolete mai na lolemu lokola mbwa, tia bango epai yoko. Baye bakofukama o mabolongo mpo ya komele, tia bango epai esusu. » | |
Judg | LinVB | 7:6 | Bato batii maboko penepene na monoko mpe baleti mai bongo, bazalaki nkama isato. Bato basusu banso bafukami o mabolongo. | |
Judg | LinVB | 7:7 | Bongo Yawe alobi na Gedeon : « Nakobikisa bino na bato baye nkama isato baleti mai na lolemu, mpe nakokaba ba-Madian o maboko ma bino. Bato basusu banso bazonga o mboka. » | |
Judg | LinVB | 7:8 | Bato baye nkama isato bakamati mbeki ya mai na mindule mya baninga. Na nsima Gedeon azongisi ba-Israel basusu banso o mboka ya bango. Aponi se bato nkama isato. Nganda ya ba-Madian ezalaki o liboso, o esobe. | |
Judg | LinVB | 7:9 | Na butu Yawe alobi na Gedeon : « Teleme, kende kobunda na bato ba nganda, mpamba te, nakabi bango o maboko ma yo. | |
Judg | LinVB | 7:11 | Eyoki yo kuna makambo nini bazali kosolola, okozwa mpiko ya sika na mpe nguya ya kobunda na bango. » Akei na mosaleli wa ye Pura mpe akomi o esika basoda bazalaki kokengele nganda. | |
Judg | LinVB | 7:12 | Ba-Madian na ba-Amalek na bato ba Esti batandani o esobe. Bazalaki mingi lokola mapalela ; moto moko akoki kotanga kamela ya bango te, izalaki mingi lokola zelo o libongo lya mbu. | |
Judg | LinVB | 7:13 | Ekomi Gedeon o esika ena, moto moko azalaki kosolola ndoto ya ye na moninga. Alobi : « Nalotoki ndoto : Namoni limpa lizali kozolongana o nganda ya ba-Madian, likei kotuta ema yoko ; bongo ema ekwei mpe ebulungani. » | |
Judg | LinVB | 7:14 | Moninga wa ye azongisi : « Ekoki kozala bobele mopanga mwa Gedeon, mwana wa Yoas, moto wa Israel. Nzambe akabaki Madian na basoda ba ye banso o maboko ma ye. » | |
Judg | LinVB | 7:15 | Eyoki Gedeon lisolo lya ndoto mpe ndimbola bapesi, afukami o nse. Azongi noki o nganda ya Israel, alobi : « Boteleme, zambi Yawe akabi nganda ya Madian o maboko ma bino ! » | |
Judg | LinVB | 7:16 | Gedeon akaboli bato ba ye nkama isato mangomba masato ; apesi bango mindule na mbeki izalaki mpamba, na mpe bisungi mpo ya kotia o mbeki. | |
Judg | LinVB | 7:17 | Alobi na bango : « Botala epai ngai nakozala mpe bosala lokola ngai nakosala. Soko nakomi penepene na nganda, bino bosala se lokola ngai nakosala. | |
Judg | LinVB | 7:18 | Ngai na bato ba ngai tokobete mindule, bino mpe bobete mindule zongazonga na nganda mpe boganga : Mpo ya Yawe mpe mpo ya Gedeon ! » | |
Judg | LinVB | 7:19 | Gedeon na bato monkama bazalaki na ye, bakomi pene na nganda o kati ya butu, o ntango bakengeli balongwi mpe batii bato ba sika. Babeti mindule mpe babuki mbeki izalaki o maboko ma bango. | |
Judg | LinVB | 7:20 | O mangomba masato bato babeti mindule mpe babuki mbeki ; na loboko la mwasi basimbi bisungi, na loboko la mobali bakamati mindule mpo ya kobete. Bagangi : « Mopanga mpo ya Yawe mpe mpo ya Gedeon ! » | |
Judg | LinVB | 7:21 | Batikali nye, moto na moto o esika ya ye zongazonga na nganda. Basoda ba nganda ya Madian babandi kopota mbangu, koganga makasi mpe kokima. | |
Judg | LinVB | 7:22 | Awa bato nkama isato bazalaki kobete mindule, Yawe asali ’te o nganda bato banso bakoma kozokisana na mopanga. Banso bakimi tee o Bet-a-Sita, epai ya Sartan, tee o libongo lya Abel-Meola penepene na Tabat. | |
Judg | LinVB | 7:23 | Ba-Israel ba Neftali, ba Aser mpe ba Manase mobimba basangani mpe balandi ba-Madian. | |
Judg | LinVB | 7:24 | Gedeon atindi bantoma o ngomba inso ya Efraim na maloba maye : « Bokita ngomba mpe bokutana na ba-Madian. Bowela maziba manso ma mai liboso lya bango, tee o Bet-Bara mpe o Yordane. » Bato banso ba Efraim basangani mpe baweli maziba ma mai tee o Bet-Bara mpe o Yordane. | |