MATTHEW
Chapter 4
Matt | LinVB | 4:3 | Mosénginyi abelémí mpé alobí na yě : « Sókó ozalí Mwána wa Nzámbe, lobá na mabángá maye ’te mábóngwana mámpa. » | |
Matt | LinVB | 4:4 | Kasi Yézu azóngísí : « Ekomámí ’te : Moto akobíka bobélé na mámpa té, kasi na maloba mánso makobimaka o monoko mwa Nzámbe. » | |
Matt | LinVB | 4:6 | mpé alobí na yě : « Sókó ozalí Mwána wa Nzámbe, ómíbwáka o nsé, zambí ekomámí ’te : Akopésa bǎnzelú ba yě etíndá mpô ya yŏ, mpé bakomeme yŏ o mabóko, mpô ’te ótúta lokolo na libángá té. » | |
Matt | LinVB | 4:8 | Zábolo akeí na yě mpé o nsóngé ya ngómbá esándá mpenzá, alakísí yě mikili mínso mya nsé ná nkémbo ya myangó, | |
Matt | LinVB | 4:10 | Yézu alobí na yě : « Longwá Sátana, zambí ekomámí ’te : Okokúmbamela Mokonzi Nzámbe wa yŏ, okokúmisa bobélé Yě mŏkó. » | |
Matt | LinVB | 4:13 | Atíkí Nazaréte mpé akeí kofánda o Kafárnaum, pene na etíma, o ndelo ya mikili mya Zabulon na Neftali, | |
Matt | LinVB | 4:15 | Bato ba mikili mya Zabulon na Neftali, o nzelá ya mbú, o ngámbo ya Yordáne, o Galiléa ya bapagáno ! | |
Matt | LinVB | 4:16 | Bato bazalákí o molílí bamóní mwínda monéne ; mói motánélí baye bafándí o mbóka ya bawá. | |
Matt | LinVB | 4:17 | Bandá ntángo êná Yézu abandí kotéya bato mpé koloba : « Bóbóngola mitéma, zambí Bokonzi bwa Likoló bokómí penepene. » | |
Matt | LinVB | 4:18 | Yézu alekí penepene na etíma ya Galiléa. Amóní bandeko bábalé, Simóni, óyo bakobyángaka Pétro, na Andréa ndeko wa yě, bazalákí kobwáka monyámá o mái ; bazalákí babomi mbísi. | |
Matt | LinVB | 4:21 | Atámbólí lisúsu mwâ moké, amóní bandeko basúsu bábalé, Yakóbo mwána wa Zebedéo, mpé ndeko wa yě Yoáne. Bazalákí o bwáto, na tatá wa bangó Zebedéo, kobongisa minyámá ; abyángí bangó. | |
Matt | LinVB | 4:23 | Yézu atámbólí o Galiléa mobimba, atéyí bato o sinagóga ya bangó, asangélí bangó Nsango Elámu ya Bokonzi mpé abíkísí bato bazalákí na bokono mpé na mpási. | |
Matt | LinVB | 4:24 | Nsango ya yě etámbólí o mokili mobimba mwa Síria. Bazalákí koyéla yě bato bánso bazalákí na bokono tŏ na mpási ndéngé na ndéngé, baye bazalákí na zábolo o nzóto tŏ na bokono bwa bonsíngá tŏ babúkáná makolo. Yézu abíkísí bangó. | |