I KINGS
Chapter 18
| I Ki | Aleppo | 18:1 | ויהי ימים רבים ודבר יהוה היה אל אליהו בשנה השלישית לאמר לך הראה אל אחאב ואתנה מטר על פני האדמה | |
| I Ki | Aleppo | 18:4 | ויהי בהכרית איזבל את נביאי יהוה ויקח עבדיהו מאה נביאים ויחביאם חמשים איש במערה וכלכלם לחם ומים | |
| I Ki | Aleppo | 18:5 | ויאמר אחאב אל עבדיהו לך בארץ אל כל מעיני המים ואל כל הנחלים אולי נמצא חציר ונחיה סוס ופרד ולוא נכרית מהבהמה | |
| I Ki | Aleppo | 18:10 | חי יהוה אלהיך אם יש גוי וממלכה אשר לא שלח אדני שם לבקשך ואמרו אין והשביע את הממלכה ואת הגוי כי לא ימצאכה | |
| I Ki | Aleppo | 18:12 | והיה אני אלך מאתך ורוח יהוה ישאך על אשר לא אדע ובאתי להגיד לאחאב ולא ימצאך והרגני ועבדך ירא את יהוה מנערי | |
| I Ki | Aleppo | 18:13 | הלא הגד לאדני את אשר עשיתי בהרג איזבל את נביאי יהוה ואחבא מנביאי יהוה מאה איש חמשים חמשים איש במערה ואכלכלם לחם ומים | |
| I Ki | Aleppo | 18:19 | ועתה שלח קבץ אלי את כל ישראל—אל הר הכרמל ואת נביאי הבעל ארבע מאות וחמשים ונביאי האשרה ארבע מאות אכלי שלחן איזבל | |
| I Ki | Aleppo | 18:21 | ויגש אליהו אל כל העם ויאמר עד מתי אתם פסחים על שתי הסעפים—אם יהוה האלהים לכו אחריו ואם הבעל לכו אחריו ולא ענו העם אתו דבר | |
| I Ki | Aleppo | 18:23 | ויתנו לנו שנים פרים ויבחרו להם הפר האחד וינתחהו וישימו על העצים ואש לא ישימו ואני אעשה את הפר האחד ונתתי על העצים ואש לא אשים | |
| I Ki | Aleppo | 18:24 | וקראתם בשם אלהיכם ואני אקרא בשם יהוה והיה האלהים אשר יענה באש הוא האלהים ויען כל העם ויאמרו טוב הדבר | |
| I Ki | Aleppo | 18:25 | ויאמר אליהו לנביאי הבעל בחרו לכם הפר האחד ועשו ראשנה כי אתם הרבים וקראו בשם אלהיכם ואש לא תשימו | |
| I Ki | Aleppo | 18:26 | ויקחו את הפר אשר נתן להם ויעשו ויקראו בשם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשר עשה | |
| I Ki | Aleppo | 18:27 | ויהי בצהרים ויהתל בהם אליהו ויאמר קראו בקול גדול כי אלהים הוא—כי שיח וכי שיג לו וכי דרך לו אולי ישן הוא ויקץ | |
| I Ki | Aleppo | 18:31 | ויקח אליהו שתים עשרה אבנים כמספר שבטי בני יעקב—אשר היה דבר יהוה אליו לאמר ישראל יהיה שמך | |
| I Ki | Aleppo | 18:34 | ויאמר מלאו ארבעה כדים מים ויצקו על העלה ועל העצים ויאמר שנו וישנו ויאמר שלשו וישלשו | |
| I Ki | Aleppo | 18:36 | ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך (ובדברך) עשיתי את כל הדברים האלה | |
| I Ki | Aleppo | 18:40 | ויאמר אליהו להם תפשו את נביאי הבעל איש אל ימלט מהם—ויתפשום ויורדם אליהו אל נחל קישון וישחטם שם | |
| I Ki | Aleppo | 18:44 | ויהי בשבעית ויאמר הנה עב קטנה ככף איש עלה מים ויאמר עלה אמר אל אחאב אסר ורד ולא יעצרכה הגשם | |