II CHRONICLES
Chapter 30
II C | LinVB | 30:1 | Ezekia atindi bantoma o Israel mpe o Yuda mobimba ; atindeli mpe ba-Efraim na ba-Manase minkanda mpo ’te baya o Tempelo ya Yawe o Yeruzalem kosepela eyenga ya Pasika ya Yawe, Nzambe wa Israel. | |
II C | LinVB | 30:2 | Mokonzi, bakomanda mpe bato banso bayokani ’te bakosepela eyenga ya Pasika eye o sanza ya ibale ; | |
II C | LinVB | 30:3 | bakokaki kosepela yango te o eleko etindami, mpo banganga Nzambe baye bamisantisaki bakokaki te, mpe bato banso bakomaki o Yeruzalem naino te. | |
II C | LinVB | 30:5 | ’te babenga bato banso o Israel mobimba, banda Berseba tee Dan, baya kosepela eyenga ya Pasika ya Yawe, Nzambe wa Israel, o Yeruzalem, mpo bato baike basepelaki eyenga te lokola etindami o Minkanda Misantu. | |
II C | LinVB | 30:6 | Bantoma bakei bongo na minkanda mikomami na mokonzi mpe na bankumu o Israel mpe o Yuda mobimba mpo ’te bayebisa banso maloba maye ma mokonzi : « Bana ba Israel, bozongela Yawe Nzambe wa Abarama, wa Izaka mpe wa Israel. Akozongela bino bato botikali mpe bobiki o maboko ma bakonzi ba Asur. | |
II C | LinVB | 30:7 | Bozala lokola batata na bandeko ba bino te, baye baboyaki kotosa Yawe Nzambe wa bankoko ba bango ; yango wana Yawe akabaki bango o maboko ma banguna, baye babebisaki mokili lokola bozali komono. | |
II C | LinVB | 30:8 | Sikawa bolakisa motó makasi te lokola batata ba bino. Botandela Yawe maboko, boyaka o ndako esantu eye asantisaki seko ; bosalela Yawe Nzambe wa bino mpe akotika koyokela bino nkanda enene. | |
II C | LinVB | 30:9 | Ya solo, bobele soko bino bozongeli Yawe, bato baye bakangaki bandeko na bana ba biso o boombo, ndebakoki koyokela bango mawa mpe kozongisa bango o mokili moye, mpo Yawe Nzambe wa bino azali nta ngolu mpe bolamu ; akobombela bino lisusu elongi ya ye te, soko bozongeli ye. » | |
II C | LinVB | 30:10 | Bantoma bakei o engumba yoko yoko, bakatisi mikili mya Efraim, Manase na Zabulon, nzokande bato baseki mpe batioli bango. | |
II C | LinVB | 30:11 | Kasi bato basusu ba Aser, ba Manase mpe ba Zabulon bamikitisi mpe bayei o Yeruzalem. | |
II C | LinVB | 30:12 | O mokili mwa Yuda Nzambe abongisi mitema mya bato ; mpe banso motema moko babandi kosala lokola mokonzi na bankumu batindaki, mpe lokola Yawe alobaki. | |
II C | LinVB | 30:13 | Bato baike basangani o Yeruzalem o sanza ya ibale mpo ya kosepela eyenga ya Mampa mazangi nkisi ; bato bazalaki mingi mpenza. | |
II C | LinVB | 30:14 | Babandi koboma bitumbelo binso bizalaki o Yeruzalem na mpe altare ya mpaka ya malasi ; babwaki yango o lobwaku la Kedron. | |
II C | LinVB | 30:15 | Babonzi libonza lya Pasika o mokolo mwa zomi na minei mwa sanza ya ibale. Banganga Nzambe na ba-Levi bayoki nsoni mpe noki bamipetoli mpo ’te bameme mabonza ma kotumba o Tempelo ya Yawe. | |
II C | LinVB | 30:16 | Na nsima bakei o esika ya bango ya mosala, basali lokola Moze, moto wa Nzambe, atindaka bango. Banganga Nzambe basopi makila maye ba-Levi bapesi bango, | |
II C | LinVB | 30:17 | zambi bato baike ba lisanga bamipetolaki te, mpe ba-Levi basengeli koboma miboma mya Pasika o esika ya baye bazalaki motema peto te mpo ya koboma myango o miso ma Yawe. | |
II C | LinVB | 30:18 | Bato basusu, mingi mpenza epai ya Efraim, Manase, Izakar na Zabulon, bamipetolaki te ; baliaki Pasika, ata basalaki te lokola etindami o Minkanda misantu. Kasi Ezekia asambeli mpo ya bango mpe alobi : « Nzambe oyo azali malamu, alimbisa lisumu | |
II C | LinVB | 30:19 | lya bato banso bamipesi mpo ya koluka Yawe, Nzambe wa bankoko ba bango, ata bazali na motema peto te lokola etindami o makambo masantu. » | |
II C | LinVB | 30:21 | Bana ba Israel baye bazalaki o Yeruzalem, basepeli na esengo enene eyenga ya Mampa mazangi nkisi mikolo nsambo mobimba. Ba-Levi na banganga Nzambe bazalaki koye-mbela Yawe mikolo mina na nguya ya bango inso. | |
II C | LinVB | 30:22 | Maloba ma Ezekia makoteli mitema mya ba-Levi banso ; baye bandimi Yawe na motema esengo, bakobi kosepela eyenga mikolo nsambo mobimba ; babonzi miboma mya bondeko, mpe bakumisi Yawe Nzambe wa bankoko ba bango. | |
II C | LinVB | 30:23 | Na nsima bato banso ba lisanga bayokani ’te bakokoba kosepela eyenga, mpe basepeli lisusu mikolo nsambo na esengo enene. | |
II C | LinVB | 30:24 | Ezekia, mokonzi wa Yuda, akabelaki bato ngombe babali nkoto yoko na mpata nkoto nsambo ; bankumu mpe bapesaki ngombe babali nkoto yoko na mpata nkoto zomi. Banganga Nzambe baike bamipetoli. | |
II C | LinVB | 30:25 | Ba-Yuda bazalaki kosepela elongo na banganga Nzambe mpe na ba-Levi, na bato banso bautaki o Israel, na bampaya bautaki o Israel mpe baye bafandi o Yuda. | |
II C | LinVB | 30:26 | Esengo enene ezalaki o Yeruzalem ; banda mikolo mya Salomo, mwana wa Davidi, mokonzi wa Israel, bamoni naino likambo lya lolenge lona o Yeruzalem te. | |