ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 25
| Isai | Kapingam | 25:1 | Dimaadua, Kooe go dogu God, au ga-hagalaamua Goe, ge hagaamu do ingoo. Goe ne-hai au mee hagagoboina huoloo, gu-hagagila-aga modudahi nia mee ala ne-haganoho Kooe mai taamada. | |
| Isai | Kapingam | 25:2 | Goe guu-hai nia waahale gi-mooho, gu-oho nadau abaaba duuli. Nia hale king ala ne-hau go madau hagadaumee gu-hagalee gaa-hana-hua beelaa. | |
| Isai | Kapingam | 25:3 | Digau o nnenua maaloo ga-hagaamu Goe, nia waahale o-nia henua hagamuamua mouli huaidu ga-mmaadagu i-di Goe. | |
| Isai | Kapingam | 25:4 | Digau hagaloale mo digau nadau hagamaamaa ai ga-lloo-adu gi-di-Goe ga-hai-mee gi-di aumaalia i-di madagoaa haingadaa. Goe e-abaaba digaula gi-daha mo-di madangi gono, e-hagamalu digaula i-di welengina. Idimaa nia hagadaumee hagamuamua ga-dauwa be di madangi damana o-di magalillili, | |
| Isai | Kapingam | 25:5 | be di welengina maaloo i-lodo henua maangoo. Gei Goe, meenei Dimaadua, gu-hagakila nia wwolowwolo o madau hagadaumee, guu-hai digaula gii-noho deemuu, gadoo be di gololangi e-hagamagalillili dana laangi welengina. | |
| Isai | Kapingam | 25:6 | I-kinei, i-hongo di Gonduu Zion, Yihowah, di Gowaa Aamua, ga-hagatogomaalia dana hagamiami gi-nia henua llauehe huogodoo o henuailala, go tagamiami meegai kaedahi humalia mono waini kaedahi kala. | |
| Isai | Kapingam | 25:7 | I-hongo di gonduu deenei, Mee ga-limalima di daa gi-daha nia gololangi haga-manawa-gee ala e-deheedehee i-hongo nia henua huogodoo. | |
| Isai | Kapingam | 25:8 | Tagi go Yihowah gaa-oho di made gaa-hana hua beelaa. Mee ga-omo nia halidangi o-nia daangada huogodoo, ga-daa gi-daha di haga-langaadia o ana daangada i-nia gowaa huogodoo henuailala. Aanei nnelekai Dimaadua. | |
| Isai | Kapingam | 25:9 | Di madagoaa nia mee aalaa ga-kila-aga, nia daangada huogodoo ga-helekai, “Go Mee go tadau God! Gidaadou gu-hagadagadagagee gi Mee, gei Mee gu-haga-dagaloaha gidaadou. Go Mee go Dimaadua. Gidaadou gu-hagadagadagagee gi Mee, dolomeenei gidaadou gu-tenetene huoloo idimaa Mee ne-haga-dagaloaha gidaadou.” | |
| Isai | Kapingam | 25:10 | Dimaadua ga-benebene hagahumalia di Gonduu Zion, gei nia daangada o Moab ga-dagadagahi gi-lala, gadoo be nia geinga maangoo e-dagadagahi gi-lodo nia gulugulua hagauwwou. | |
| Isai | Kapingam | 25:11 | Digaula e-holoholo nadau lima gi-daha be digau e-hagamada e-kau, gei God ga-haga-langaadia digaula, nadau lima ga-maanu, ga-abuabulu. | |