ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 33
| Isai | TpiKJPB | 33:1 | ¶ Yu husat i kisim ol kago bilong pait bilong ol arapela na ol i no bin kisim ol kago bilong pait bilong yu, na yu hait na stilim ol samting na ol i no bin hait na stilim ol samting bilong yu, yu mas lukaut! Taim yu bai lusim pasin bilong kisim ol kago bilong pait bilong ol arapela, sampela lain bai kam na kisim ol kago bilong pait bilong yu. Na taim yu no mekim moa pasin bilong hait na stilim ol samting bilong ol arapela, ol bai mekim pasin bilong hait na stilim ol samting bilong yu. | |
| Isai | TpiKJPB | 33:2 | O BIKPELA, soim marimari long mipela. Mipela i bin wetim Yu. Long olgeta wan wan moning Yu mas i stap han bilong ol. Na tu Yu mas i stap man bilong kisim bek mipela long taim bilong hevi. | |
| Isai | TpiKJPB | 33:3 | Taim dispela lain i harim nois bilong bikpela pairap, ol i bin ranawe. Taim Yu litimapim Yu yet, ol kantri i bin bruk nabaut. | |
| Isai | TpiKJPB | 33:4 | Na bai yupela i bungim ol samting birua i bin holim olsem bungim bilong katapila. Em bai ran i go long ol dispela olsem ol grasop i ran i go nabaut nabaut. | |
| Isai | TpiKJPB | 33:5 | BIKPELA em i antap tru, long wanem Em i stap long ples i antap tru. Em i bin pulapim Saion long stretpela kot na stretpela pasin. | |
| Isai | TpiKJPB | 33:6 | Na save tru na save na strong bilong kisim bek, ol bai stap as ston bilong ol taim bilong yu. Pret long BIKPELA em i samting bilong em i dia tumas. | |
| Isai | TpiKJPB | 33:7 | Harim, ol man i no pret bilong ol bai sanap ausait na singaut. Ol mausman bilong daunim pait bai krai sori nogut tru. | |
| Isai | TpiKJPB | 33:8 | Ol bikpela rot bai bagarap na ol dripman i no kam i go. Em i bin brukim kontrak, na em i bin tingim ol biktaun i samting nating, na em i no tingting tumas long wanpela man. | |
| Isai | TpiKJPB | 33:9 | Dispela graun i krai sori na pilim sik nogut tru. Lebanon i sem na ol i bin katim na daunim ol diwai bilong em. Saron em i olsem hap i no gat man na Basan na Karmel i seksek bilong lusim ol kaikai bilong ol. | |
| Isai | TpiKJPB | 33:10 | BIKPELA i tok olsem, Bai Mi kirap nau. Bai ol i litimapim Mi nau. Nau Mi mas apim Mi yet. | |
| Isai | TpiKJPB | 33:11 | Yupela bai karim pipia bilong wit. Yupela bai karim ol liklik hap bilong stik bilong wit. Win bilong yupela i stap olsem paia na dispela bai pinisim yupela. | |
| Isai | TpiKJPB | 33:12 | Na dispela lain bai i sap olsem taim ol i kukim laim. Ol bai kuk long paia olsem rop i gat nil ol i bin katim pastaim. | |
| Isai | TpiKJPB | 33:13 | ¶ Yupela husat i stap longwe, yupela i mas harim ol samting Mi bin mekim. Na yupela husat i stap klostu, yupela i mas luksave long strong bilong Mi. | |
| Isai | TpiKJPB | 33:14 | Ol sinman i stap long Saion ol i pret. Pasin bilong pret i bin kamap kwiktaim long ol man bilong tupela maus. Husat namel long yumi bai stap wantaim dispela paia i save bagarapim ol samting? Husat namel long yumi bai stap wantaim paia i kukim yumi oltaim oltaim? | |
| Isai | TpiKJPB | 33:15 | Tasol man i wokabaut long stretpela pasin na em i mekim stretpela toktok, em man i tingim mani i kam long givim hevi long narapela em i samting nating. Em i mekim ol han bilong em i seksek long i no ken holim mani bilong man i laik grisim em. Em i pasim ol ia bilong em long harim tok long blut. Na em i pasim ol ai bilong em long lukim ol samting nogut. | |
| Isai | TpiKJPB | 33:16 | Bai em i stap long ples i antap tru, na ples bilong lukautim em bai stap strongpela hap bilong ol bikpela ston. Wanpela bai givim bret long em na bai em i gat wara olgeta taim. | |
| Isai | TpiKJPB | 33:17 | Tupela ai bilong yu bai lukim dispela king i stap naispela tru. Ol bai lukim dispela hap graun i stap longwe tru. | |
| Isai | TpiKJPB | 33:18 | Bel bilong yu bai tingting strong long bikpela pret. Saveman bilong rait i stap we? Man bilong kisim ol samting i stap we? Man bilong kaunim ol taua i stap we? | |
| Isai | TpiKJPB | 33:19 | Bai yu no lukim dispela lain i pretim ol arapela, em lain toktok bilong ol i daunbilo tru inap long yu no inap harim na yu no inap save long kranki tokples bilong ol. | |
| Isai | TpiKJPB | 33:20 | Lukluk long Saion, dispela biktaun bilong yumi wokim ol holi bung long em. Tupela ai bilong yu bai lukim Jerusalem i stap ples i no gat planti nois. Em i olsem haus sel ol i no inap rausim na ol i no inap tekewe wanpela liklik pos bilong em, na tu ol i no inap brukim wanpela baklain bilong em. | |
| Isai | TpiKJPB | 33:21 | Tasol long dispela ples BIKPELA i pulap long glori bai stap long yumi olsem hap i gat ol bikpela wara riva na ol liklik wara. I no gat wanpela sip i gat planti pul, o bikpela na strongpela sip bai i kam long dispela hap. | |
| Isai | TpiKJPB | 33:22 | Long wanem BIKPELA em i jas bilong yumi, na BIKPELA em i givim ol lo long yumi, na BIKPELA em i king bilong yumi. Em bai kisim bek yumi. | |
| Isai | TpiKJPB | 33:23 | Ol baklain long sip bilong yu i lus. Ol i no inap strongim pos bilong ol long holim sel na ol i no inap apim sel. Long dispela taim ol i tilim planti samting ol i bin kisim long pait. Ol lek nogut i kisim dispela samting. | |