Site uses cookies to provide basic functionality.

OK
PROVERBS
Prev Up Next
Chapter 19
Prov Aleppo 19:1    טוב-רש הולך בתמו—    מעקש שפתיו והוא כסיל
Prov Aleppo 19:2    גם בלא-דעת נפש לא-טוב    ואץ ברגלים חוטא
Prov Aleppo 19:3    אולת אדם תסלף דרכו    ועל-יהוה יזעף לבו
Prov Aleppo 19:4    הון—יסיף רעים רבים    ודל מרעהו יפרד
Prov Aleppo 19:5    עד שקרים לא ינקה    ויפיח כזבים לא ימלט
Prov Aleppo 19:6    רבים יחלו פני-נדיב    וכל-הרע לאיש מתן
Prov Aleppo 19:7    כל אחי-רש שנאהו—    אף כי מרעהו רחקו ממנומרדף אמרים    לא- (לו-) המה
Prov Aleppo 19:8    קנה-לב אהב נפשו    שמר תבונה למצא-טוב
Prov Aleppo 19:9    עד שקרים לא ינקה    ויפיח כזבים יאבד
Prov Aleppo 19:10    לא-נאוה לכסיל תענוג    אף כי-לעבד משל בשרים
Prov Aleppo 19:11    שכל אדם האריך אפו    ותפארתו עבר על-פשע
Prov Aleppo 19:12    נהם ככפיר זעף מלך    וכטל על-עשב רצונו
Prov Aleppo 19:13    הות לאביו בן כסיל    ודלף טרד מדיני אשה
Prov Aleppo 19:14    בית והון נחלת אבות    ומיהוה אשה משכלת
Prov Aleppo 19:15    עצלה תפיל תרדמה    ונפש רמיה תרעב
Prov Aleppo 19:16    שמר מצוה שמר נפשו    בוזה דרכיו יומת (ימות)
Prov Aleppo 19:17    מלוה יהוה חונן דל    וגמלו ישלם-לו
Prov Aleppo 19:18    יסר בנך כי-יש תקוה    ואל-המיתו אל-תשא נפשך
Prov Aleppo 19:19    גרל- (גדל-) חמה נשא ענש    כי אם-תציל ועוד תוסף
Prov Aleppo 19:20    שמע עצה וקבל מוסר—    למען תחכם באחריתך
Prov Aleppo 19:21    רבות מחשבות בלב-איש    ועצת יהוה היא תקום
Prov Aleppo 19:22    תאות אדם חסדו    וטוב-רש מאיש כזב
Prov Aleppo 19:23    יראת יהוה לחיים    ושבע ילין בל-יפקד רע
Prov Aleppo 19:24    טמן עצל ידו בצלחת    גם-אל-פיהו לא ישיבנה
Prov Aleppo 19:25    לץ תכה ופתי יערם    והוכיח לנבון יבין דעת
Prov Aleppo 19:26    משדד-אב יבריח אם—    בן מביש ומחפיר
Prov Aleppo 19:27    חדל-בני לשמע מוסר    לשגות מאמרי-דעת
Prov Aleppo 19:28    עד בליעל יליץ משפט    ופי רשעים יבלע-און
Prov Aleppo 19:29    נכונו ללצים שפטים    ומהלמות לגו כסילים