Site uses cookies to provide basic functionality.

OK
ACTS
Prev Up Next
Chapter 11
Acts TpiKJPB 11:1  ¶ Na ol aposel na ol brata husat i stap long Judia i harim long ol man i no Ju i bin kisim tok bilong God tu.
Acts TpiKJPB 11:2  Na taim Pita i kamap long Jerusalem, ol husat i bilong lain bilong katim skin i pait strong wantaim em,
Acts TpiKJPB 11:3  I spik, Yu bin go long ol man i no katim skin, na yu bin kaikai wantaim ol.
Acts TpiKJPB 11:4  Tasol Pita i stori long dispela samting i stat long stat bilong en, na kolim gut dispela, long bihainim taim bilong en, i go long ol, i spik,
Acts TpiKJPB 11:5  Mi stap long biktaun bilong Jopa na beten. Na insait long driman samting mi lukim wanpela driman samting, Wanpela laplap samting i kam daun, olsem em i bin wanpela bikpela sitbet, ol i lusim long heven i kam daun isi isi long fopela kona bilong en. Na em i kam, yes, long mi.
Acts TpiKJPB 11:6  Taim mi bin pasim strong tupela ai bilong mi strong long dispela, mi tingim na skelim, na mi lukim ol animal i gat fopela lek bilong dispela graun, na ol wail animal, na ol samting i wokabaut long bel, na ol pisin bilong skai.
Acts TpiKJPB 11:7  Na mi harim wanpela nek i spik long mi, Kirap, Pita, kilim i dai na kaikai.
Acts TpiKJPB 11:8  Tasol mi tok, I no olsem, Bikpela. Long wanem, i no gat wanpela samting nating o samting i no klin i bin go insait long maus bilong mi wanpela taim.
Acts TpiKJPB 11:9  Tasol dispela nek i bekim tok long mi gen long heven, Wanem samting God i bin klinim, yu no ken kolim dispela wanpela samting nating.
Acts TpiKJPB 11:10  Na ol i wokim dispela tripela taim. Na ol i pulim olgeta i go antap gen long heven.
Acts TpiKJPB 11:11  Na, lukim, wantu i gat tripela man pinis i kam long haus we mi stap, ol i salim long Sisaria i kam long mi.
Acts TpiKJPB 11:12  Na Spirit i tokim mi long go wantaim ol, na mi no ken gat tupela tingting long wanpela samting. Na moa tu dispela sikispela brata i go wantaim mi, na mipela i go insait long haus bilong dispela man.
Acts TpiKJPB 11:13  Na em i soim mipela long em i bin lukim wanpela ensel insait long haus bilong em olsem wanem, husat i sanap na tokim em, Salim ol man i go long Jopa, na singautim Saimon, husat narapela nem bilong em em Pita,
Acts TpiKJPB 11:14  Husat bai tokim yu long ol toktok, we God bai kisim bek yu na olgeta hauslain bilong yu long ol.
Acts TpiKJPB 11:15  Na taim mi stat long toktok, Holi Spirit i pundaun antap long ol, olsem em i pundaun antap long yumi long stat.
Acts TpiKJPB 11:16  Nau mi tingim gen tok bilong Bikpela, olsem long em i tok, Em i tru long Jon i baptaisim ol man wantaim wara, tasol yupela bai kisim baptais wantaim Holi Spirit.
Acts TpiKJPB 11:17  Bikos nau God i givim ol dispela wankain presen olsem em i bin givim long yumi, husat i bilip long Bikpela Jisas Kraist, mi wanem samting, long mi ken sanap strong na birua long God?
Acts TpiKJPB 11:18  Taim ol i harim ol dispela samting, ol i pasim ol maus bilong ol, na givim glori long God, i spik, Nau God i bin givim long ol man i no Ju tu pasin bilong tanim bel i go long laip.
Acts TpiKJPB 11:19  ¶ Nau ol husat i bruk nabaut ausait long dispela taim bilong kisim hevi i kirap long sait bilong Stiven i wokim wokabaut i go longwe inap long Fenis, na Saipras, na Antiok, na ol i no autim tok long ol arapela, long ol Ju tasol.
Acts TpiKJPB 11:20  Na sampela bilong ol em ol man bilong Saipras na Sairini, husat, taim ol i kam long Antiok, i toktok long ol lain Gris, na autim tok long Bikpela Jisas.
Acts TpiKJPB 11:21  Na han bilong Bikpela i stap wantaim ol. Na bikpela namba bilong ol man i bilip, na tanim i go long Bikpela.
Acts TpiKJPB 11:22  Nau nius bilong ol dispela samting i kam long ol ia bilong dispela sios i stap long Jerusalem. Na ol i salim Banabas i go, inap long em i ken go longwe inap long Antiok.
Acts TpiKJPB 11:23  Husat, taim em i kam, na i bin lukim marimari bilong God, em i amamas, na strongim bel bilong ol olgeta, inap long, wantaim tingting bel i wokim, ol i ken holimpas strong Bikpela.
Acts TpiKJPB 11:24  Long wanem, em i wanpela gutpela man, na pulap long Holi Spirit na long bilip tru. Na God i skruim planti manmeri long lain bilong Bikpela.
Acts TpiKJPB 11:26  Na taim em i bin painim em pinis, em i bringim em long Antiok. Na em i kamap olsem, long wanpela yia olgeta ol i bungim ol yet wantaim sios, na skulim planti manmeri. Na ol i kolim ol disaipel ol Kristen pastaim long Antiok.
Acts TpiKJPB 11:27  ¶ Na long ol dispela de ol profet i lusim Jerusalem i kam long Antiok.
Acts TpiKJPB 11:28  Na wanpela bilong ol i sanap, husat nem bilong em em Agabas, na mekim klia long Spirit long bai i ken gat wanpela bikpela taim bagarap long olgeta hap bilong dispela graun. Dispela i kamap olsem long ol de bilong Klaudias Sisa.
Acts TpiKJPB 11:29  Nau ol disaipel, olgeta wan wan man bilong bihainim strong bilong em, i pasim tok wantaim em yet long salim helpim long ol brata husat i stap long Judia.
Acts TpiKJPB 11:30  Dispela tu ol i mekim, na salim dispela long ol lapun hetman long ol han bilong Banabas na Sol.