ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 52
| Isai | Kapingam | 52:1 | Jerusalem, goe gi-maaloo ge gi-aamua labelaa! Di Waahale Dabuaahia o Dimaadua, haga-ulu-ina goe gi-nia goloo ala madamada! Digau ala e-noho i-lodo di bouli hagalee e-ulu gi-lodo o bontai labelaa. | |
| Isai | Kapingam | 52:2 | Jerusalem, badubadu-ina goe gi-mehede! Duu gi-nua gi-daha mo nia gelegele, noho gi-hongo do lohongo aamua! Wwede-ina nia daula baalanga ala nogo lawalawa goodou, goodou go digau Zion ala guu-kumi! | |
| Isai | Kapingam | 52:3 | Di Tagi go Yihowah e-helekai gi ana daangada, “Di-godou madagoaa nogo hai nia hege, nia bahihadu e-hui goodou ai, gei dela hogi di hai nia mee e-hui goodou gi-maahede ai. | |
| Isai | Kapingam | 52:4 | Di-godou madagoaa ne-hula-iei goodou gaa-noho i Egypt be digau mai i-daha, goodou ne-bida hula-hua i godou hiihai. Gei digau Assyria guu-lahi goodou gi-daha, deai nadau bahihadu ne-hui goodou ai. | |
| Isai | Kapingam | 52:5 | Gei i-lodo Babylonia dolomeenei, goodou guu-hai digau gu-lawalawa labelaa, ge hagalee di-mee ne-hui-adu gi goodou ai, gadoo be-di hai dela nogo hai i-mua. Digau ala e-dagi goodou le e-hagaamu ginaadou ge e-helehelekai hagahuaidu, ge e-haga-balumee Au i-nia madagoaa huogodoo. | |
| Isai | Kapingam | 52:6 | I-lodo di madagoaa dela gaa-dae-mai, goodou ga-haga-modongoohia bolo Au go God dela nogo helekai-adu gi goodou.” | |
| Isai | Kapingam | 52:7 | E-madamada huoloo i tadau gidee-gidaadou tangada kae-hegau i dono hanimoi laa-hongo nia gonduu e-gaamai dana longo humalia, di longo o-di aumaalia. Mee e-haga-iloo di aali ge e-helekai gi Zion boloo, “Di-godou God la di king!” | |
| Isai | Kapingam | 52:8 | Digau ala e-hagaloohi di waahale e-wwolowwolo, e-wwolowwolo i-di gowaa e-dahi i-di tenetene. Digaula e-gidee i nadau golomada di hanimoi gi-muli o Dimaadua gi Zion. | |
| Isai | Kapingam | 52:9 | Goodou gi-wwolowwolo mo-di tenetene, goodou go digau Jerusalem dela ne-mooho! Dimaadua ga-daa-mai dono waahale, ga-haga-manawa lamalia ana daangada. | |
| Isai | Kapingam | 52:10 | Dimaadua ga-hai-hegau gi ono mogobuna dabuaahia. Mee ga-hagamouli ana daangada, gei henuailala hagatau ga-gidee di mee deenei. | |
| Isai | Kapingam | 52:11 | Heia goodou gi-hagatanga gi-daha mo Babylon, goodou huogodoo ala e-dagidagi nia goloo daumaha o-di Hale Daumaha. Hudee bilibili gi-nia goloo haga-milimilia. Heia goodou gii-dabu ge gi-hagatanga gi-daha. | |
| Isai | Kapingam | 52:12 | Tolongo nei, gei goodou hudee hula hagalimalima, goodou hudee hagamada bolo e-llele hagammuni. Dimaadua dela go di-godou God gaa-dagi goodou, ga-madamada humalia i goodou i godou gili. | |
| Isai | Kapingam | 52:13 | Dimaadua e-helekai boloo, “Dagu Dangada Hai-hegau gaa-donu i ana hegau. Mee ga-aamua huoloo. | |
| Isai | Kapingam | 52:14 | Digau dogologowaahee gu-homouli huoloo i di-nadau mmada gi Mee. Mee gu-hai-gee dono huaidina dela gu-hagalee mmada ginai be tangada. | |