JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 43
| Jere | Kapingam | 43:1 | Deenei di hagaodi o agu helekai ala ne-helekai gi nia daangada huogodoo i-nia mee a Dimaadua, go di-nadau God ala ne-helekai-mai gi-di-au bolo au gi-hagi-anga gi digaula. | |
| Jere | Kapingam | 43:2 | Azariah, tama-daane Hoshaiah, mo Johanan tama-daane Kareah, mo digau hagamuamua huogodoo ala i-golo, ga-helekai-mai gi-di-au, “Goe e-dilikai. Dimaadua, go tadau God, digi hagau-ina-mai goe gi-helekai-mai gi gimaadou bolo hudee hula gi Egypt. | |
| Jere | Kapingam | 43:3 | Baruch, tama-daane Neriah, ne-aago goe bolo gi-hai-baahi-mai gi gimaadou, bolo digau o Babylonia nadau mogobuna i madau nua, e-mee di-daaligi gimaadou, be e-lahi gimaadou gi Babylonia.” | |
| Jere | Kapingam | 43:4 | Johanan, nia dagi buini-dauwa, mo nia daangada huogodoo ala i-golo, gu-hagalee e-hiihai e-haga-gila-aga nia helekai o Dimaadua bolo digaula gi noho-hua i tenua go Judah. | |
| Jere | Kapingam | 43:5 | Johanan mo nia dagi buini-dauwa gaa-lahi digau huogodoo ala ne-dubu i Judah gi Egypt, mo digau hogi ala ne-diiagi nadau henua ala ne-hagabagi ginai digaula, ga-lloomoi labelaa gi di-nadau henua: | |
| Jere | Kapingam | 43:6 | ala go nia daane, nia ahina, nia dama-giigi, mo nia dama-ahina di king. Digaula guu-lahi digau huogodoo ala ne-dugu go Nebuzaradan, tagi di llongo-dauwa Babylonia, gi-baahi o Gedaliah, ngaadahi mo au mo Baruch. | |
| Jere | Kapingam | 43:7 | Digaula digi hagalongo gi-nia helekai a Dimaadua, gu-hula-hua gi Egypt, guu-dau-adu-loo gi Tahpanhes. | |
| Jere | Kapingam | 43:9 | “Gaamai au hadugalaa llauehe, danu-mia i-lala di gowaa baba i-mua di bontai dela e-ulu-adu gi-di hale oobidi i-lodo di waahale deenei. Heia hunu gau Israel gi-gidee-ginaadou dau mee dela e-hai. | |
| Jere | Kapingam | 43:10 | Gei goe ga-helekai gi digaula bolo ko-Au, go Dimaadua di Gowaa Aamua, go di God o Israel, ga-laha-mai dagu dangada hai-hegau go Nebuchadnezzar, di king o Babylonia gi kinei i Egypt, ga-haganoho dono lohongo king i-hongo nia hadugalaa ala ne-danu kooe, ga-hagaduu-aga dana hale-laa aamua nonua. | |
| Jere | Kapingam | 43:11 | Nebuchadnezzar ga-haneia ga-hagamagedaa Egypt. Digau ala bolo e-mmade i-di magi, la-gaa-mmade i-di magi. Digau ala bolo e-lawalawa gaa-lahi, la-ga-lawalawa gaa-lahi, mo digau ala bolo e-mmade i tauwa, la-gaa-mmade i tauwa. | |
| Jere | Kapingam | 43:12 | Au gaa-dudu nia hale daumaha o-nia balu-god o Egypt, gei di king o Babylonia gaa-dudu nia ada-god digaula, be gaa-kae nia maa gi-daha mo tenua deenei. E-hai gadoo be-di hagaloohi siibi dela ma-ga-haga-madammaa nia gudu gi-daha mo dono gahu, dela gadoo di hai o-di king Babylonia ma-ga-haga-madammaa tenua Egypt, gaa-lawa gaa-hana i-nia madamada o dono aali. | |