JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 41
| Jere | Kapingam | 41:1 | I-di hidu malama o-di ngadau deelaa, Ishmael, tama-daane Nethaniah, dono damana madua go Elishama, tangada ni-di madawaawa o-di king, gei mee tangada labelaa aamua ni-di king, gaa-hana gi Mizpah mo ana daane dilongoholu bolo e-heetugi gi gobinaa Gedaliah. I-di madagoaa dela nogo miami-iei digaula, | |
| Jere | Kapingam | 41:2 | gei Ishmael mo ana daane dilongoholu ga-dahi-aga nadau hulumanu, ga-daaligi Gedaliah gii-made. | |
| Jere | Kapingam | 41:3 | Ishmael gu-daaligi labelaa digau Israel huogodoo ala nogo noho i-baahi o Gedalia i Mizpah mo digau-dauwa o Babylonia labelaa ala nogo noho i-golo. | |
| Jere | Kapingam | 41:4 | Hooaga luada dono daiaa, i-mua nia daangada digi iloo bolo Gedaliah la-gu-daaligi gii-made, | |
| Jere | Kapingam | 41:5 | nia daane e-huowalu ga-loomoi i Shechem, Shiloh, mo Samaria. Digaula guu-dahi nadau ngudu, hahaahi nadau goloo, ge gu-teletele nadau gili. Digaula e-kae nadau golee-laagau mo nadau ‘incense’ belee tigidaumaha i-lodo di Hale Daumaha. | |
| Jere | Kapingam | 41:6 | Ishmael ga-dangidangi mo-di hana gi-daha mo Mizpah belee heetugi gi digaula. I dono dau-adu gi digaula, gei mee ga-helekai, “Goodou lloomoi gi-gidee goodou Gedaliah.” | |
| Jere | Kapingam | 41:7 | I-di-nadau dau-adu gi-lodo di waahale, Ishmael mo ana daane ga-daaligi digaula, gaa-kili nnuaidina digaula gi-lodo di monowai geli. | |
| Jere | Kapingam | 41:8 | Malaa, nia daane dilongoholu i-lodo di hagabuulinga dangada deelaa, ga-helekai gi Ishmael, “Hudee daaligidia gimaadou! Madau ‘barley’, lolo-olib, mono mee maangala ‘honey’ e-dugu hagammuni i-lodo madau hadagee.” Gei mee digi daaligi digaula. | |
| Jere | Kapingam | 41:9 | Di monowai geli dela ne-kili ginai nnuaidina o digau ala ne-daaligi go mee, deelaa di monowai damana dela ne-geli go di king Asa, i-di madagoaa Baasha, di king o Israel, nogo heebagi gi mee. Ishmael gaa-haa di monowai deelaa gi nnuaidina o-nia daane aalaa. | |
| Jere | Kapingam | 41:10 | Gei mee ga-lawalawa nia dama-ahina o-di king, mo nia daangada ala ne-dubu i Mizpah ala ne-dugu go tagi-dauwa go Nebuzaradan gi-lala di madamada humalia o Gedaliah. Ishmael ga-lawalawa digaula gaa-lahi gi tenua go Ammon. | |
| Jere | Kapingam | 41:11 | Johanan mo nia dagi-dauwa huogodoo ala e-madalia a-mee gaa-longo di-mee huaidu dela ne-hai go Ishmael. | |
| Jere | Kapingam | 41:12 | Digaula gaa-hula ga-waluwalu-adu a-mee mo ana gau-dauwa, gaa-kumu digaula i-baahi di monowai damana i Gibeon. | |
| Jere | Kapingam | 41:13 | Di madagoaa-hua digau ala ne-lawalawa go Ishmael ga-gidee-ginaadou Johanan mo ana gau-dauwa, digaula gu-tenetene huoloo, | |
| Jere | Kapingam | 41:15 | Gei Ishmael mo ana gau dogowalu gaa-llele gi-daha mo Johanan, gaa-llele gi tenua go Ammon. | |
| Jere | Kapingam | 41:16 | Johanan mo ana dagi-dauwa gaa-lahi nia daangada ala ne-lawalawa go Ishmael gi-daha mo Mizpah i-muli dana daaligi Gedaliah, ala go nia gau-dauwa, nia ahina, nia dama mo nia daane-‘eunuch’. | |
| Jere | Kapingam | 41:17 | Gei digaula gu-mmaadagu huoloo i digau Babylonia, idimaa Ishmael gu-daaligi Gedaliah, dela ne-dugu go di king o Babylonia belee hai di gobinaa o tenua deelaa. Gei digaula gaa-hula gi Egypt, belee llele gi-daha mo digau o Babylonia. I-di-nadau hula, gei digaula ga-hagamolooloo i Chimham dela e-hoohoo gi Bethlehem. | |
| Jere | Kapingam | 41:18 | Gei digaula gu-mmaadagu huoloo i digau Babylonia, idimaa Ishmael gu-daaligi Gedaliah, dela ne-dugu go di king o Babylonia belee hai di gobinaa o tenua deelaa. Gei digaula gaa-hula gi Egypt, belee llele gi-daha mo digau o Babylonia. I-di-nadau hula, gei digaula ga-hagamolooloo i Chimham dela e-hoohoo gi Bethlehem. | |