JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 21
| Jere | Kapingam | 21:1 | Zedekiah, di king o Judah, ga-hagau-mai gi-di-au Passhur, tama ni Malchiah, mo tangada hai-mee-dabu go Zephaniah, tama ni Maaseiah. Meemaa ga-helekai-mai, | |
| Jere | Kapingam | 21:2 | “Goe dumaalia-mai gi-heia di-madau dangidangi deenei ang-gi Dimaadua, idimaa Nebuchadnezzar, di king o Babylonia, mo dana llongo-dauwa gu-haganiga di waahale. Holongo gei Dimaadua ga-hai-mai dahi mogobuna gi gidaadou bolo gii-mee di-dugu Nebuchadnezzar.” | |
| Jere | Kapingam | 21:3 | Gei Dimaadua ga-helekai-mai bolo au gi-helekai gi nia daangada ala ne-hagau-mai gi-di-au, | |
| Jere | Kapingam | 21:4 | bolo gi-helekai gi Zedekiah bolo Dimaadua, go di God o Israel, gu-helekai, “Zedekiah, Au ga-haga-magedaa au gau-dauwa ala e-dauwa gi-di king o Babylonia mo ana gau-dauwa. Au ga-hagabae gi-nua nia goloo-dauwa o au gau-dauwa i tungaalodo di waahale. | |
| Jere | Kapingam | 21:5 | Au gaa-hai dagu dauwa adu gi-di-goe i ogu mahi huogodoo, mai i ogu hagawelewele huogodoo. | |
| Jere | Kapingam | 21:6 | Au ga-hagammaa gi-daha nia mee huogodoo ala i-lodo di waahale deenei, nia daangada mono manu ga-mmade-hua i-di tau-magi huaidu. | |
| Jere | Kapingam | 21:7 | Gei goe mo au gau aamua mo digau ala gaa-dubu i tauwa deelaa, mo i tau-magamaga damana, mo i tau-magi huaidu, Au gaa-wanga goodou gi-di King Nebuchadnezzar mo godou hagadaumee ala e-hiihai e-daaligi goodou. Nebuchadnezzar ga-daaligi goodou, gei hagalee e-dumaalia be e-aloho gi dahi dangada i goodou. Ma ko-au go Dimaadua ne-helekai.” | |
| Jere | Kapingam | 21:8 | Dimaadua ga-helekai-mai bolo au gi-helekai gi-nia daangada huogodoo, “Hagalongo! Ko-Au go Dimaadua deenei e-dugu-adu gi goodou gi-hilihilia di ala dela e-hana gi-di mouli mo-di ala dela e-hana gi-di made. | |
| Jere | Kapingam | 21:9 | Tangada dela gaa-noho i-lodo di waahale gaa-made i tauwa, tau-magamaga damana be tau-magi huaidu. Gei tangada dela ga-ulu gi-daha gaa-dangi tumaalia gi digau o Babylonia ala e-hai di-nadau dauwa gi-di waahale, ia hagalee e-made, mee ga-dagaloaha ga-mouli. | |
| Jere | Kapingam | 21:10 | Au guu-lawa i dagu haganoho i ogu lodo bolo Au gaa-oho di waahale deenei, deai tumaalia e-hai ai. Au ga-dumaalia gi-di king o Babylonia gi-duungia huogodoo. Ma ko-Au go Dimaadua deenei e-helekai.” | |
| Jere | Kapingam | 21:11 | Dimaadua ga-helekai-mai bolo au gi-hagailoo-ina gi-di madawaawa o-nia king o Judah ala go di madawaawa David. “Hagalongo, ko-Au go Dimaadua deenei ga-helekai. Goodou gi-hagadina gi-humalia, di tonu e-hai gi i-golo i-nia laangi huogodoo. Goodou gi-benabena-ina nia daangada ala gu-halahalau go nia daangada. Maa goodou ga-hagalee e-hai beenei, di hala dela e-hai go goodou gaa-hidi-iei Au ga-hagawelewele ga-ulaula gadoo be-di ahi dela e-deemee di-diinai. | |
| Jere | Kapingam | 21:12 | Dimaadua ga-helekai-mai bolo au gi-hagailoo-ina gi-di madawaawa o-nia king o Judah ala go di madawaawa David. “Hagalongo, ko-Au go Dimaadua deenei ga-helekai. Goodou gi-hagadina gi-humalia, di tonu e-hai gi i-golo i-nia laangi huogodoo. Goodou gi-benabena-ina nia daangada ala gu-halahalau go nia daangada. Maa goodou ga-hagalee e-hai beenei, di hala dela e-hai go goodou gaa-hidi-iei Au ga-hagawelewele ga-ulaula gadoo be-di ahi dela e-deemee di-diinai. | |
| Jere | Kapingam | 21:13 | “Kooe, Jerusalem, goe e-noho i-di gowaa mugi-nua i-hongo nia gowaa maalama, gadoo be-di hadugalaa dela e-duu-aga i-lodo di gowaa baba. Gei Au ga-heebagi hai-baahi adu gi-di-goe. Goe e-hagababa bolo deai di-mee e-mee di-heebagi adu gi-di-goe be e-oho dau abaaba ai. | |