JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 8
| Jere | Kapingam | 8:1 | “I-di madagoaa deelaa, nia iwi o-nia king mo digau aamua o Judah, mo nia iwi o digau hai-mee-dabu mono soukohp, mo nia iwi o digau huogodoo ala e-noho i Jerusalem gaa-geli-aga gi-daha mo nadau daalunga. | |
| Jere | Kapingam | 8:2 | Gei digaula hagalee hagabudu-mai nia maa gaa-danu, nia iwi digaula gaa-hai gadoo be nia duudae ala e-malae i-hongo nia gelegele. Nia iwi aalaa e-mmoe-hua beelaa gaa-dii ginai di laa, di malama, mono heduu, nia hagadilinga mee aanei ala ne-hiihai ginai ge ne-hege ginai digaula, ala ne-daudali go digaula ge ne-daumaha ginai. | |
| Jere | Kapingam | 8:3 | Gei digau o tenua huaidu deenei ala ga-mouli, go digau ala gaa-noho i-nia gowaa ala ne-haga-bagi ginai digaula ko-Au, gei digaula ga-hiihai gi-di made i-hongo di-nadau mouli. Ko-au go Yihowah di Gowaa Aamua ne-helekai.” | |
| Jere | Kapingam | 8:4 | Dimaadua ga-helekai-mai bolo au gi-hagi-anga-ina gi ana daangada boloo, “E-hai behee, maa tangada gaa-hinga gi-lala, mee hagalee e-duu i-nua labelaa? Maa tangada gaa-ngala dono ala dela e-hana-ai, mee hagalee e-huli gi-muli gi-di ala e-donu? | |
| Jere | Kapingam | 8:5 | Malaa, e-hai behee, goodou go agu daangada, goodou e-aha ala guu-huli gi-daha mo Au, gu-hagalee e-huli-mai? Goodou gu-llawe gi godou balu-ieidu, gu-hagalee e-hiihai di-huli-mai gi-di-Au. | |
| Jere | Kapingam | 8:6 | Au gu-hagalongo haga-humalia, gei goodou hagalee e-helekai donu. Tangada i goodou ne-huli dono manawa i ana haihai huaidu ai. Deai tangada i goodou ne-heeu, ‘Ma nia huaidu-aha ala ne-hai ko-au?’ Huogodoo ala hua e-hai go nadau hiihai, e-hai gadoo be-di hoodo dela e-lele gi tauwa. | |
| Jere | Kapingam | 8:7 | Di maduge e-iloo-ia di madagoaa dela e-hana-ieia gi dono gowaa. Nnagadilinga manu-mamaangi aanei go nia mwuroi, lomilomi mo-nia ‘thrush’ e-iloo-ginaadou di madagoaa dela e-hula-ai gi nadau gowaa nogo noho-ai. Gei goodou go agu daangada, e-de-iloo-e-goodou agu haganoho ala ne-dugu-adu ko-Au gi goodou. | |
| Jere | Kapingam | 8:8 | Goodou e-aha ala e-helekai bolo goodou e-kabemee ge e-iloo-e-goodou agu haganoho? Goodou mmada, digau tilikai la-ne-huli nnaganoho. | |
| Jere | Kapingam | 8:9 | Godou gau kabemee gu-langaadia, nadau hagamaanadu gu-hinihini, gei digaula gu-paagege. Digaula guu-kili gi-daha agu helekai. Di kabemee behee dela i-baahi digaula dolomeenei? | |
| Jere | Kapingam | 8:10 | Deenei-laa, Au gaa-wanga nia hadagee digaula gi-hai-mee ginai nnuai daangada, mo nadau lodo gi nnuai daane. Digau huogodoo, aamua mo lligi, e-hagamada e-haga-maluagina ginaadou gi nadau hai-hegau gaiaa. Nia soukohp mo digau hai-mee-dabu hogi e-halahalau nia daangada. | |
| Jere | Kapingam | 8:11 | Digaula e-helekai bolo nia magibala o agu daangada la nia mee hua ne-oloia. Gei digaula e-helekai boloo, ‘Nia mee huogodoo gu-humalia.’ Gei nia mee huogodoo la-digi humalia. | |
| Jere | Kapingam | 8:12 | Goodou go agu daangada, e-hai behee? Goodou hagalee e-langaadia i-di godou hai nia mee gulugulua aanei? Deeai, goodou hagalee e-langaadia, gei goodou hogi e-de-iloo-e-goodou di tee. Malaa, deenei gaa-hidi-ai goodou gaa-too gadoo be digau ala i-golo guu-too. I dogu madagoaa ma-ga-hagaduadua goodou, deenei dela go di-godou hagaodi. Ma ko-Au go Dimaadua ne-helekai. | |
| Jere | Kapingam | 8:13 | “Au ne-hiihai e-hagabudu-mai agu daangada gadoo be tangada dela e-hadi nia huwa o dana hadagee. Gei-ogo digaula e-ala gadoo be-di laagau-‘grape’ dela ono huwa ai, mo-di laagau-‘fig’ dela ono huwa ai, mo nia lau o-nia maa guu-mae gi-lala, gaa-hidi-iei Au gaa-wanga tenua la-gi digau hua-gee gi-hai-henua ginai.” | |
| Jere | Kapingam | 8:14 | Nia daangada a God ga-heeu, “Gidaadou e-aha ala hagalee e-ngalungalua? Gidaadou gaa-llele gi-lodo di waahale dela gu-abaaba mau-dangihi, ga-mmade-laa i-golo. Dimaadua go tadau God gu-haga-halauwa gidaadou bolo gii-mmade. Mee gu-gaamai ana poisin gi-inumia go gidaadou, idimaa gidaadou ne-hai di huaidu e-hai baahi gi Mee. | |
| Jere | Kapingam | 8:15 | Gidaadou guu-noho talitali di madagoaa di noho di aumaalia mo-di madagoaa hagahili magi, malaa gu-deai di hai ai. Di haingadaa-hua damana deenei gu-dau-mai. | |
| Jere | Kapingam | 8:16 | Tadau hagadaumee la-gu-dau-mai i-di guongo Dan. Gidaadou gu-longono nia lee dogidogi o-nia hoodo digaula. Tenua hagatau gu-polepole i-nia lee o-nia hoodo digaula. Tadau hagadaumee la-gu-lloomoi e-oho tadau henua mo ono hagahonu huogodoo, mo tadau waahale mo digau o-di waahale.” | |
| Jere | Kapingam | 8:17 | Dimaadua ga-helekai, “Goodou mmada! Au ga-hagau-adu agu gihaa lodo-geinga gi godou baahi, nia gihaa poisin ala e-deemee di-haga-gaidala, ga-gadigadi goodou.” | |
| Jere | Kapingam | 8:19 | Hagalongo! Au gu-longono-eau nia lee o agu daangada ala e-wwolowwolo i-lodo tenua i-nia gowaa huogodoo boloo, “E-hai behee? Dimaadua la-gu-hagalee i Zion? Di King o Zion la-gu-hagalee noho i-golo?” Dimaadua go di-nadau King ga-helekai, “Goodou e-aha ala e-hai Au gi-hagawelewele gi godou hai-daumaha gi godou balu-ieidu, mo godou palapala gi-lala i-mua nia balu-god o digau tuadimee ala ono hadinga ai?” | |
| Jere | Kapingam | 8:20 | Nia daangada e-wwolowwolo boloo, “Di madagoaa mahanahana gu-doo gi-daha, di madagoaa di hadi o taugai guu-lawa, gei gidaadou digi hagamouli.” | |
| Jere | Kapingam | 8:21 | Ogu lodo gu-mooho, idimaa agu daangada la-gu-mooho. Au e-dangi huoloo, au e-manawa-gee huoloo. | |