JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 28
| Jere | Kapingam | 28:1 | I-lodo hua di ngadau deelaa, i-di lima malama o-di haa ngadau di madagoaa di King Zedekiah, Hananiah, tama-daane Azzur, soukohp mai di waahale Gibeon, ne-helekai-mai gi-di-au i-lodo di Hale Daumaha. Mee ne-helekai-mai gi-di-au i-mua nia gau hai-mee-dabu mo digau dogologo | |
| Jere | Kapingam | 28:2 | bolo Dimaadua di Gowaa Aamua, dela go di God o Israel gu-helekai boloo, “Au gu-oho nia mogobuna o-di king o Babylonia. | |
| Jere | Kapingam | 28:3 | I-lodo nia ngadau e-lua, gei Au ga-gaamai nia goloo hagalabagau huogodoo o-di Hale Daumaha ala ne-kae go di King Nebuchadnezzar gi Babylonia. | |
| Jere | Kapingam | 28:4 | Gei Au ga-laha-mai labelaa di king o Judah go Jehoiachin, tama-daane a Jehoiakim, mo digau huogodoo o Judah ala ne-lahi gi Babylonia. Uaa, Au gaa-oho nia mogobuna o-di king o Babylonia. Ma ko-Au go Dimaadua ne-helekai.” | |
| Jere | Kapingam | 28:5 | Gei au ga-helekai-adu gi Hananiah i-mua digau hai-mee-dabu mo digau huogodoo ala e-tuu-mai i-lodo di Hale Daumaha, | |
| Jere | Kapingam | 28:6 | “E-humalia! Au e-hiihai bolo Dimaadua ga-haga-gila-aga au helekai, ga-gaamai gi-muli nia goloo hagalabagau huogodoo ala ne-kae gi Babylonia, mo nia daangada huogodoo ala ne-lahi galabudi. | |
| Jere | Kapingam | 28:7 | Hagalongo-malaa gi agu helekai ala gaa-hai-adu gi-di-goe mo digau huogodoo aanei. | |
| Jere | Kapingam | 28:8 | Nia soukohp ala nogo hai nadau helekai kokohp i-mua, i-mua tau madagoaa, digaula ne-kokohp bolo tauwa, tau-magamaga, mo tau-magi huaidu ga-dau-mai gi-nia henua e-logo mo nnenua aamua ala i-golo. | |
| Jere | Kapingam | 28:9 | Gei gidaadou ga-iloo bolo soukohp dela e-kokohp di noho di aumaalia la soukohp e-donu dela ne-hagau mai i-baahi o Dimaadua, maa nnelekai kokohp a-maa la-ga-kila-aga.” | |
| Jere | Kapingam | 28:10 | Nomuli-hua, gei Hananiah gaa-daa di mee aamo dela i-hongo dogu uwa, gaa-oho gi-daha. | |
| Jere | Kapingam | 28:11 | Gei mee ga-helekai-aga i-mua nia daangada huogodoo aalaa bolo Dimaadua gu-helekai boloo, “Deenei dagu hai dela e-oho-ai di-mee aamo a-di King Nebuchadnezzar dela guu-wanga gi-hongo nia uwa o-nia henua huogodoo. Gei Mee gaa-hai di-mee deenei i-lodo nia ngadau e-lua.” Gei au ga-hagatanga gaa-hana. | |
| Jere | Kapingam | 28:13 | bolo au gii-hana gi-helekai gi Hananiah, “Dimaadua gu-helekai, holongo goe e-mee di-oho di-mee aamo dela ne-hai gi-nia laagau, gei Mee gaa-hai dana mee aamo e-hai gi-nia baalanga e-pono di lohongo o-di mee aamo laagau. | |
| Jere | Kapingam | 28:14 | Dimaadua di Gowaa Aamua, dela go di God o Israel, gu-helekai bolo Ia ga-hagauda di-mee aamo deenei gi-hongo nia uwa o-nia henua huogodoo, digaula gaa-hege gi-di King Nebuchadnezzar di king o Babylonia. Dimaadua gu-hagamaanadu labelaa bolo nia manu lodo-geinga gii-hege labelaa gi Nebuchadnezzar.” | |
| Jere | Kapingam | 28:15 | Gei au ga-hagi-anga gi Hananiah nia mee aanei, mo-di helekai-adu labelaa gi mee boloo, “Hananiah, hagalongo-mai! Dimaadua digi hagau-ina-mai goe, gei goe guu-hai nia daangada gi-haga-donu-ina au helekai tilikai. | |
| Jere | Kapingam | 28:16 | Malaa Dimaadua gu-helekai bolo Ia gaa-daa goe gi-daha mo henuailala. I-mua di hagaodi o-di ngadau deenei, goe gaa-made, idimaa goe gu-agoago gi-nia daangada gi-de-hagalongo ang-gi Dimaadua.” | |