LEVITICUS
Chapter 22
Levi | Aleppo | 22:2 | דבר אל אהרן ואל בניו וינזרו מקדשי בני ישראל ולא יחללו את שם קדשי—אשר הם מקדשים לי אני יהוה | |
Levi | Aleppo | 22:3 | אמר אלהם לדרתיכם כל איש אשר יקרב מכל זרעכם אל הקדשים אשר יקדישו בני ישראל ליהוה וטמאתו עליו ונכרתה הנפש ההוא מלפני—אני יהוה | |
Levi | Aleppo | 22:4 | איש איש מזרע אהרן והוא צרוע או זב—בקדשים לא יאכל עד אשר יטהר והנגע בכל טמא נפש או איש אשר תצא ממנו שכבת זרע | |
Levi | Aleppo | 22:13 | ובת כהן כי תהיה אלמנה וגרושה וזרע אין לה—ושבה אל בית אביה כנעוריה מלחם אביה תאכל וכל זר לא יאכל בו | |
Levi | Aleppo | 22:18 | דבר אל אהרן ואל בניו ואל כל בני ישראל ואמרת אלהם איש איש מבית ישראל ומן הגר בישראל אשר יקריב קרבנו לכל נדריהם ולכל נדבותם אשר יקריבו ליהוה לעלה | |
Levi | Aleppo | 22:21 | ואיש כי יקריב זבח שלמים ליהוה לפלא נדר או לנדבה בבקר או בצאן—תמים יהיה לרצון כל מום לא יהיה בו | |
Levi | Aleppo | 22:22 | עורת או שבור או חרוץ או יבלת או גרב או ילפת—לא תקריבו אלה ליהוה ואשה לא תתנו מהם על המזבח—ליהוה | |
Levi | Aleppo | 22:27 | שור או כשב או עז כי יולד והיה שבעת ימים תחת אמו ומיום השמיני והלאה ירצה לקרבן אשה ליהוה | |