PSALMS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
Chapter 35
| Psal | Kapingam | 35:1 | Meenei Dimaadua, hai-baahi ang-gi digau ala e-hai-baahi-mai gi-di-au, heebagi gi digau ala e-heebagi-mai gi-di-au! | |
| Psal | Kapingam | 35:3 | Dahi-aga-ina dau daalo mo dau dalai-dauwa, hai-baahi gi digau ala e-waluwalu au. Hagababa bolo Goe ga-haga-dagaloaha au. | |
| Psal | Kapingam | 35:4 | Digau ala bolo ginaadou e-hagamada e-daaligi au gii-made la-heia gi-magedaa gi-langaadia! Digau ala e-hagatogomaalia bolo ginaadou e-hai-baahi-mai gi-di-au la-heia gii-huli gi-muli gi-hinihini! | |
| Psal | Kapingam | 35:5 | Heia digaula gii-hai be nia geinga maangoo ma-ga-iliili go di madangi i-di madagoaa tangada-di-langi o Dimaadua ma-ga-waluwalu digaula! | |
| Psal | Kapingam | 35:6 | Heia nia ala digaula gi-bouli ge gi-malali i-di madagoaa tangada di langi o Dimaadua ma-gaa-kili digaula gi-lala! | |
| Psal | Kapingam | 35:7 | Digaula guu-dugu di-nadau hele belee hele-iei au, gei au dagu mee hala ne-hai gi digaula ai, mo-di geli di-nadau lua llala belee kumi au. | |
| Psal | Kapingam | 35:8 | Malaa, taaligi gaa-hai-hua gi digaula gei digaula de-iloo. Digaula gaa-bida kumi go nadau hele gaa-too gi-lala, gaa-mmade! | |
| Psal | Kapingam | 35:9 | Malaa, gei au ga-manawa lamalia, idimaa go Dimaadua. Au ga-tenetene, idimaa Mee dela gu-haga-dagaloaha au. | |
| Psal | Kapingam | 35:10 | Au ga-helekai gi Dimaadua mai i-lodo dogu manawa hagatau boloo, “Ma tangada e-hai be Goe ai. Goe e-abaaba digau paagege i digau maaloo, mo digau hagaloale i digau ala e-hai haga-huaidu digaula.” | |
| Psal | Kapingam | 35:11 | Digau huaidu e-hai nadau haga-modongoohia hai-baahi mai gi-di-au, ge e-haga-huaidu au gi-nia mee hala ala e-de-iloo-eau. | |
| Psal | Kapingam | 35:12 | Digaula e-hui-mai gi agu hegau humalia gi-nia huaidu, malaa, au gu-bagege ogu lodo. | |
| Psal | Kapingam | 35:13 | Malaa, di madagoaa digaula nogo magi, gei au gu-ulu ogu goloo manawa-gee, gaa-bida noho hagaonge belee hagaduadua au. Au e-bala gi-lala e-dalodalo, | |
| Psal | Kapingam | 35:14 | gadoo be au e-dalodalo i dogu ihoo haga-tenetene, be go dogu duaahina-daane. Au e-heehee manawa-gee bala gi-mua, gadoo be tangada ma-ga-manawa-gee gi dono dinana ne-made. | |
| Psal | Kapingam | 35:15 | Malaa, dogu madagoaa nogo i-lodo di haingadaa, gei digaula gu-tenetene, ga-mmui-mai gi dogu baahi, ga-haganneennee au. Digau tuadimee e-dadaaligi au ge hagalee lawa di-nadau haga-mamaawa au. | |
| Psal | Kapingam | 35:16 | Digaula e-mmada haga-gulugulua-mai gi-di-au gadoo be tangada ma-ga-gadagada haganneennee tangada habehabe. | |
| Psal | Kapingam | 35:17 | Meenei Dimaadua, e-waalooloo behee go do daumada-hua au gei deai dau mee e-hai-mai gi-di-au ai? Haga-dagaloaha-ina au gi-daha mo teebagi digaula. Haga-dagaloaha-ina au gi-daha mo nia laion aanei! | |
| Psal | Kapingam | 35:18 | Gei au ga-danggee-adu gi-di-Goe i-lodo au hagabuulinga daangada. Au ga-hagaamu Goe i-mua digaula huogodoo. | |
| Psal | Kapingam | 35:19 | Hudee heia ogu hagadaumee mo digau hai-kai tilikai aalaa gii-mmada tene gi dogu magedaa. Hudee heia digau hagadugina i-di-au dono hadinga ai la-gi-tenetene gadagada haganneennee gi dogu manawa-gee. | |
| Psal | Kapingam | 35:20 | Digaula hagalee leelee hagahumalia, gei digaula e-dili nadau hagadilinga kai-tilikai huogodoo i digau ala e-noho hagahumalia. | |
| Psal | Kapingam | 35:21 | Digaula e-wwolo gi-nua e-hagahuaidu au boloo, “Gimaadou guu-mmada gi dau mee dela ne-hai!” | |
| Psal | Kapingam | 35:22 | Gei Goe, meenei Dimaadua, gu-gidee-Goe nia mee aanei. Malaa, gei Goe hudee noho deemuu, meenei Dimaadua. Goe hudee hagamogowaa-ina Goe i-di-au! | |
| Psal | Kapingam | 35:23 | Meenei Dimaadua, du-gi-nua, haga-dagaloaha-ina au. Meenei dogu God, du-gi-nua hagamaamaa-ina au i-lodo dogu gabunga. | |
| Psal | Kapingam | 35:24 | Meenei Dimaadua, Kooe dela e-donu, hagamodongoohia-aga-ina bolo au ogu huaidu ai. Hudee heia ogu hagadaumee gi-tenetene gi dogu haingadaa. | |
| Psal | Kapingam | 35:25 | Goe hudee heia digaula gi-helekai boloo: “Mee gu-doo gi-daha. Deelaa tadau mee nogo hiihai ginai!” | |
| Psal | Kapingam | 35:26 | Digau ala nogo mmada tene gi dogu dadaaligi, la-heia gi-magedaa gi-hinihini. Digau ala e-hai bolo ginaadou la-koia e-humalia i-di-au la-gi-langaadia gi-balumee. | |
| Psal | Kapingam | 35:27 | Gei digau ala e-hiihai e-mmada gi-di tonu humalia o dogu gabunga la-gi-momoogo tenetene mo-di tataanga-ina telekai deenei: “Dimaadua le e-aamua huoloo! Mee e-manawa-tene gi dana dangada hai-hegau dela guu-gila.” | |