PSALMS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
103
104
105
106
107
108
109
110
111
112
113
114
115
116
117
118
119
120
121
122
123
124
125
126
127
128
129
130
131
132
133
134
135
136
137
138
139
140
141
142
143
144
145
146
147
148
149
150
Chapter 22
| Psal | Kapingam | 22:1 | Dogu God, dogu God, Goe gu-diiagi au beleiaha? Au gu-dangidangi-adu i-di hagamaamaa, gei di hagamaamaa digi hanimoi. | |
| Psal | Kapingam | 22:2 | Meenei dogu God, au gu-gahigahi Goe i-di aa, gei Goe hagalee helekai-mai. Ma-gaa-boo, gei au e-gahigahi labelaa, au hagalee noho. | |
| Psal | Kapingam | 22:3 | Malaa, Goe dela go di God hagamadagudia dela e-noho i-hongo do lohongo, go Kooe dela e-haga-hagaamu go Israel. | |
| Psal | Kapingam | 22:4 | Madau damana ala namua nogo hagadagadagagee adu gi-di-Goe, digaula e-hagadagadagagee adu gi-di-Goe, gei Goe e-haga-dagaloaha digaula. | |
| Psal | Kapingam | 22:5 | Digaula nogo gahigahi Goe, gei digaula guu-too gi-daha mo-di haingadaa. Digaula nogo hagadagadagagee adu gi-di-Goe, gei di hagadagadagagee o digaula adu gi-di-Goe guu-gila. | |
| Psal | Kapingam | 22:6 | Gei au gu-hagalee tangada, au e-hai be-di mee-maaloo dela e-de-hiihai ginai ge e-haga-balumee go digau huogodoo! | |
| Psal | Kapingam | 22:7 | Digau huogodoo ala ma-ga-mmada-mai gi-di-au le e-hai nadau dadaagala i-di-au. Digaula e-hagatolotolo gi-daha nadau holole ge e-lialiagi nadau libogo, | |
| Psal | Kapingam | 22:8 | mo-di helekai, “Goe gu-hagadagadagagee gi Dimaadua, gei Mee e-aha dela hagalee haga-dagaloaha goe? Maa nei bolo Dimaadua le e-hiihai adu gi-di-goe, Mee la e-aha dela hagalee hagamaamaa goe?” | |
| Psal | Kapingam | 22:9 | Ma Kooe hua dela nogo benebene au i dogu madagoaa ne-haanau ai, gei di-maa Kooe labelaa dela nogo hagaloohi au i dogu madagoaa nogo ligiana. | |
| Psal | Kapingam | 22:10 | Au nogo hagadagadagagee adu gi-di-Goe mai i dogu madagoaa ne-haanau ai, gei di-maa Kooe hua dela nogo hai di God ni-oogu i-nia madagoaa huogodoo. | |
| Psal | Kapingam | 22:11 | Goe hudee haga-mogowaa-ina Goe gi-daha mo au! Nia haingadaa llauehe gu-hoohoo-mai, gei di-maa tangada e-hagamaamaa au ai. | |
| Psal | Kapingam | 22:12 | Nia hagadaumee e-dogologowaahee e-haganiga au gadoo be nia kau-daane, digaula e-hai gadoo be nia kau-daane llamu-dauwa o Bashan. | |
| Psal | Kapingam | 22:13 | Digaula e-hanga nadau ngudu be nia laion, e-wwolowwolo bolo ginaadou e-hahaahi au. | |
| Psal | Kapingam | 22:14 | Au gu-deai ogu mahi ai, ogu mahi gu-hagalee gadoo be nia wai ala ne-malingi gi-hongo di gelegele. Ogu iwi huogodoo gu-monnono gi-daha mo nadau dudaginga, mo dogu hadu-manawa gu-waiwai gadoo be nia kiliidi. | |
| Psal | Kapingam | 22:15 | Dogu akii gu-maangoo gadoo be nia gohu dogolia. Dogu holole gu-pigi-aga gi-baahi gi-nua dogu ngudu. Goe ne-diiagi au gi-lodo nia gohu dogolia bolo gii-made au. | |
| Psal | Kapingam | 22:16 | Di buini gau huaidu e-haganiga mai i dogu gili gadoo be-di hagabuulinga paana e-mmui-mai gi-di-au. Digaula e-gadigadi ogu lima mo ogu wae. | |
| Psal | Kapingam | 22:17 | Ogu iwi huogodoo gu-kila-mai haga-modongoohia. Ogu hagadaumee e-madamada-mai gi-di-au mo-di dadaumada au. | |
| Psal | Kapingam | 22:19 | Meenei Dimaadua, Goe hudee haga-mogowaa-ina Goe gi-daha mo au! Goe hagalimalima mai, e-daa au gi-daha mo-di haingadaa! | |
| Psal | Kapingam | 22:20 | Haga-dagaloaha-ina au gi-daha mo tulumanu-dauwa. Haga-dagaloaha-ina dogu mouli gi-daha mo nia paana aanei. | |
| Psal | Kapingam | 22:21 | Daawa au gi-daha mo nia laion aanei. Au gu-deai dogu hagamaamaa i-mua nia kau-daane llamu-dauwa aanei ai. | |
| Psal | Kapingam | 22:22 | Au ga-hagi-anga do ingoo gi ogu duaahina. Au ga-hagaamu Goe i-lodo nadau hagabuulinga daangada, | |
| Psal | Kapingam | 22:23 | ga-helekai boloo, “Goodou go nia daane hai-hegau a Dimaadua, goodou hagaamuina a-Mee! Goodou go di hagadili ni Jacob, goodou hagalaamua-ina a-Mee! Goodou go digau Israel, goodou daumaha gi Mee! | |
| Psal | Kapingam | 22:24 | Mee hagalee diiagi digau hagaloale, be e-haga-balumee nia hagaduadua digaula. Mee hagalee huli gi-daha mo digaula, Mee e-hila ang-gi digaula i-di nadau madagoaa ma-ga-gahigahi a-Mee.” | |
| Psal | Kapingam | 22:25 | Au ga-hagaamu Goe i-lodo nia hagabuulinga llauehe. Au gaa-hai agu tigidaumaha ala ne-hagababa-adu ko-au i-mua digau ala e-daumaha adu gi-di-Goe. | |
| Psal | Kapingam | 22:26 | Digau hagaloale gaa-gai nadau hagabae mee ala e-hiihai ginai. Digau ala e-lloomoi gi Dimaadua ga-hagaamu a-Mee. Digaula la-gi-haadanga-lamalia gaa-hana-hua beelaa! | |
| Psal | Kapingam | 22:27 | Nia henua huogodoo ga-langahia a Dimaadua. Digaula ga-maaliu-mai gi Mee mai i-nia mada huogodoo o henuailala. Nia hagadilinga daangada-henua huogodoo ga-daumaha gi Mee. | |
| Psal | Kapingam | 22:29 | Nia daangada hagamuamua huogodoo gaa-pala gi Mee. Nia daangada dangada huogodoo gaa-pala gi-mua o Mee. | |
| Psal | Kapingam | 22:30 | Nia adu-daangada huogodoo ala ga-lloo-aga dagidilaangi ga-hai-hegau gi Mee. Digaula ga-hagi-anga gi nia madahaanau ala ga-lloo-aga maalia di hai o Dimaadua. | |