TpiKJPB - Haggai

Chapter 1

1:1  ¶ Long namba tu yia bilong king Darius, long namba sikis mun, long namba wan de bilong mun, tok bilong BIKPELA, long maus bilong profet Hagai, i kam long Serubabel, pikinini man bilong Sealtiel, nambawan gavman bilong Juda, na long Josua, pikinini man bilong Josedek, dispela hetpris, i spik,

1:2  BIKPELA bilong ol ami i toktok olsem, i spik, Dispela lain manmeri i tok, Taim i no kam, dispela taim long yumi mas wokim haus bilong BIKPELA.

1:3  Nau tok bilong BIKPELA i kam long maus bilong profet Hagai, i spik,

1:4  Ating em i taim bilong yupela, O yupela, long stap insait long ol haus bilong yupela i gat banis antap, na dispela haus i stap pipia?

1:5  Olsem na nau BIKPELA bilong ol ami i tok olsem, Tingim na skelim ol pasin bilong yupela.

1:6  Yupela i bin planim planti, na bringim liklik i kam insait. Yupela i kaikai, tasol yupela i no gat inap. Yupela i dring, tasol yupela i no pulap wantaim dring. Yupela i putim klos long yupela, tasol i no gat wanpela i hatpela liklik. Na em husat i winim ol pe i winim ol pe bilong putim dispela i go insait long wanpela bek i gat ol hul.

1:7  BIKPELA bilong ol ami i tok olsem, Tingim na skelim ol pasin bilong yupela.

1:8  Go antap long maunten, na bringim diwai, na wokim dispela haus. Na Mi bai kisim amamas insait long en, na Mi bai kisim glori, BIKPELA i tok.

1:9  Yupela painim planti, na, harim, em i kamap liklik. Na taim yupela bringim dispela long haus, Mi bin winim win antap long en. Bilong wanem, BIKPELA bilong ol ami i tok? Bilong wanem, bilong tingim dispela haus bilong Mi i stap pipia, na yupela i ran olgeta wan wan man i go insait long haus bilong em yet.

1:10  Olsem na heven antap long yupela i pas long givim wara bilong nait, na dispela graun i pas long givim kaikai bilong em.

1:11  Na Mi makim wanpela taim drai antap long dispela hap, na antap long ol maunten, na antap long wit samting, na antap long nupela wain, na antap long wel, na antap long dispela samting graun i bringim i kam ausait, na antap long ol man, na antap long ol bulmakau samting, na antap long olgeta hatwok bilong ol han.

1:12  ¶ Nau Serubabel, pikinini man bilong Sealtiel, na Josua, pikinini man bilong Josedek, dispela hetpris, wantaim olgeta hap lain i stap yet bilong ol manmeri, i bihainim nek bilong BIKPELA, God bilong ol, na ol toktok bilong profet Hagai, olsem BIKPELA, God bilong ol, i bin salim em. Na ol manmeri i bin stap pret long ai bilong BIKPELA.

1:13  Nau Hagai, mausman bilong BIKPELA, i toktok insait long toksave bilong BIKPELA i go long ol manmeri, i spik, Mi stap wantaim yupela, BIKPELA i tok.

1:14  Na BIKPELA i kirapim spirit bilong Serubabel, pikinini man bilong Sealtiel, nambawan gavman bilong Juda, na spirit bilong Josua, pikinini man bilong Josedek, dispela hetpris, na spirit bilong olgeta hap lain i stap yet bilong ol manmeri. Na ol i kam na mekim wok insait long haus bilong BIKPELA bilong ol ami, God bilong ol,

1:15  Long namba 24 de bilong namba sikis mun, long namba tu yia bilong king Darius.

Chapter 2

2:1  ¶ Long namba seven mun, long namba 21 de bilong mun, tok bilong BIKPELA i kam long maus bilong profet Hagai, i spik,

2:2  Toktok nau long Serubabel, pikinini man bilong Sealtiel, nambawan gavman bilong Juda, na long Josua, pikinini man bilong Josedek, dispela hetpris, na long lain i stap yet bilong ol manmeri, i spik,

2:3  Husat i stap yet namel long yupela husat i lukim dispela haus long namba wan glori bilong en? Na yupela lukim dispela nau olsem wanem? Ating i yes long em i olsem samting nating long ol ai bilong yupela taim yupela i skelim tupela?

2:4  Yet nau yu mas stap strong, O Serubabel, BIKPELA i tok. Na yu mas stap strong, O Josua, pikinini man bilong Josedek, dispela hetpris. Na yupela mas stap strong, olgeta yupela manmeri bilong dispela hap, BIKPELA i tok, na wok. Long wanem, Mi stap wantaim yupela, BIKPELA bilong ol ami i tok.

2:5  Bilong bihainim dispela tok Mi wokim kontrak long en wantaim yupela, taim yupela i kam ausait long Isip, olsem tasol Spirit bilong Mi i stap yet namel long yupela. Yupela i no ken pret.

2:6  Long wanem, BIKPELA bilong ol ami i tok olsem, Yet wanpela taim, em i liklik taim, na Mi bai seksekim ol heven, na dispela graun, na biksi, na dispela hap graun i drai.

2:7  Na Mi bai seksekim olgeta kantri, na laik bilong olgeta kantri bai kam. Na Mi bai pulimapim dispela haus wantaim glori, BIKPELA bilong ol ami i tok.

2:8  Silva em i bilong Mi, na gol em i bilong Mi, BIKPELA bilong ol ami i tok.

2:9  Glori bilong dispela haus bihain bai bikpela moa long bilong dispela bilong bipo, BIKPELA bilong ol ami i tok. Na insait long dispela ples bai Mi givim bel isi, BIKPELA bilong ol ami i tok.

2:10  ¶ Long namba 24 de bilong namba nain mun, long namba tu yia bilong Darius, tok bilong BIKPELA i kam long maus bilong profet Hagai, i spik,

2:11  BIKPELA bilong ol ami i tok olsem, Askim nau ol pris long sait bilong lo, i spik,

2:12  Sapos wanpela i karim mit holi insait long arere bilong klos bilong em, na wantaim arere bilong klos bilong em em i tasim bret, o sup, o wain, o wel, o sampela kaikai, bai em i stap holi? Na ol pris i bekim na tok, Nogat.

2:13  Nau Hagai i tok, Sapos wanpela husat i stap doti long wanpela dai bodi i tasim wanpela bilong ol dispela, bai dispela i stap doti? Na ol pris i bekim na tok, Dispela bai stap doti.

2:14  Nau Hagai i bekim, na tok, Dispela lain manmeri i stap olsem, na dispela kantri i stap olsem long ai bilong Mi, BIKPELA i tok. Na olgeta wan wan wok bilong ol han bilong ol i stap olsem. Na dispela samting ol i ofaim em i doti.

2:15  Na nau, Mi askim yupela plis, tingim na skelim i stat long dispela de na i go antap, long bipo wanpela ston ol i putim antap long wanpela ston insait long tempel bilong BIKPELA.

2:16  Bipo long ol dispela de i stap, taim wanpela i kam long wanpela hip bilong 20 skel, i gat tenpela tasol i stap. Taim wanpela i kam long masin bilong krungutim wel bilong pulim i kam ausait 50 sospen samting ausait long masin bilong krungutim, i gat 20 tasol i stap.

2:17  Mi bin paitim yupela wantaim sik i kisim gaden na wantaim ras na wantaim ren ais insait long olgeta hatwok bilong ol han bilong yupela. Yet yupela i no tanim i kam long Mi, BIKPELA i tok.

2:18  Tingim na skelim nau i stat long dispela de na i go antap, i stat long namba 24 de bilong namba nain mun, yes, i stat long de bilong ol i slipim ol as ston bilong tempel bilong BIKPELA, tingim na skelim dispela.

2:19  Ating pikinini kaikai i stap yet long bakstua? Yes, inap long nau diwai wain, na diwai fik, na pomigranet, na diwai oliv, i no bin bringim kaikai i kam ausait. I stat long dispela de bai Mi blesim yupela.

2:20  ¶ Na gen tok bilong BIKPELA i kam long Hagai long namba 24 de bilong mun, i spik,

2:21  Toktok i go long Serubabel, nambawan gavman bilong Juda, i spik, Mi bai seksekim ol heven na dispela graun.

2:22  Na Mi bai tromoi i go daun sia king bilong ol kingdom, na Mi bai bagarapim strong bilong ol kingdom bilong ol haiden olgeta. Na Mi bai tromoi i go daun ol karis, na ol husat i ran antap long ol. Na ol hos na ol man bilong ol husat i ran antap long ol bai kam daun, olgeta wan wan long bainat bilong brata bilong em.

2:23  Long dispela de, BIKPELA bilong ol ami i tok, bai Mi kisim yu, O Serubabel, wokboi bilong mi, pikinini man bilong Sealtiel, BIKPELA i tok, na Mi bai mekim yu olsem wanpela samting bilong putim mak. Long wanem, Mi bin makim yu, BIKPELA bilong ol ami i tok.