ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 23
| Isai | Kekchi | 23:1 | Aˈan aˈin resil li cˈaˈru teˈxcˈul li tenamit Tiro. Chexya̱bak la̱ex li cuanquex saˈ eb li jucub re Tarsis xban nak quisacheˈ ru li tenamit Tiro li texxic cuiˈ. Quilajeˈtˈaneˈ chixjunileb li ochoch. Toj Quitim qui-abi̱c resil. | |
| Isai | Kekchi | 23:2 | Mex-ecˈan la̱ex li cuanquex chire li palau, la̱ex li cuanquex saˈ li tenamit Sidón. Xexbiomoˈ xbaneb laj cˈay li nequeˈchal saˈ eb li jucub. | |
| Isai | Kekchi | 23:3 | Xetaklaheb li cui̱nk chixlokˈbal li ru li acui̱mk li na-el Egipto xban li nimaˈ Nilo. Xexcˈayin ut xexlokˈoc riqˈuineb chixjunileb li tenamit. | |
| Isai | Kekchi | 23:4 | Xuta̱nal xex-el la̱ex aj Sidón, li nimla tenamit li cuan chire li palau. Ta̱cuulak xkˈehil nak te̱ye: —Chanchan ma̱ jun sut xcuecˈa li raylal li nequeˈxcˈul li ixk li oqueb re chi qˈuira̱c. Chanchan nak ma̱ jun li cualal incˈajol xinqˈuiresi, chi moco te̱lom chi moco xkaˈal.— | |
| Isai | Kekchi | 23:5 | Cˈajoˈ nak ta̱rahokˈ xchˈo̱leb laj Egipto nak teˈrabi resil nak xsacheˈ ru li tenamit Tiro. | |
| Isai | Kekchi | 23:7 | ¿Ma ma̱cuaˈ ta biˈ aˈin li tenamit li junelic sa saˈ xchˈo̱leb chalen chak najter? ¿Ma ma̱cuaˈ ta biˈ aˈin li tenamit li xeˈco̱eb chi cua̱nc chi najt saˈ jalan tenamit? | |
| Isai | Kekchi | 23:8 | ¿Ani xcˈu̱ban chak re xba̱nunquil li raylal aˈin re li tenamit Tiro, li tenamit li kˈaxal nim xcuanquil? ¿Ma ma̱cuaˈ ta biˈ aˈan li tenamit li cuanqueb cuiˈ laj yaconel li ni̱nkeb xcuanquil ut nequeˈqˈueheˈ xlokˈal? Eb li cui̱nk aˈan naˈno̱queb ru yalak bar. | |
| Isai | Kekchi | 23:9 | Li Ka̱cuaˈ li nimajcual Dios, aˈan li quicˈu̱ban ru xba̱nunquil li raylal re li tenamit Tiro re nak ta̱cubsi̱k xcuanquileb li kˈetkˈeteb. Ta̱isi̱k xlokˈaleb li nequeˈqˈueheˈ xlokˈal yalak bar saˈ ruchichˈochˈ. | |
| Isai | Kekchi | 23:10 | La̱ex aj Tarsis, texxic yalak bar joˈ nak nanumeˈ li nimaˈ yalak bar xban nak incˈaˈ chic ta̱cua̱nk e̱cuanquil. | |
| Isai | Kekchi | 23:11 | Li Ka̱cuaˈ quixyeˈ li rukˈ saˈ xbe̱n li palau ut eb li cuanqueb xcuanquil nequeˈsicsot xban xxiuheb. Quixye nak ta̱sachekˈ xcuanquileb li tenamit li nequeˈxcol cuiˈ ribeb laj Canaán. | |
| Isai | Kekchi | 23:12 | Li Dios quixye reheb li cuanqueb saˈ li tenamit Tiro, li quiyi̱ba̱c xbaneb laj Sidón: —Incˈaˈ chic ta̱sahokˈ saˈ e̱chˈo̱l. Junxil chanchanex jun li tukˈ ix. Abanan anakcuan rahobtesinbilex chic. Usta nequex-e̱lelic toj Quitim, abanan chi moco aran naru ta̱sahokˈ saˈ e̱chˈo̱l.— | |
| Isai | Kekchi | 23:13 | Qˈuehomak retal li cˈaˈru queˈxba̱nu eb laj Babilonia. Quilajeˈxpoˈi li tenamit Tiro. Eb laj Asiria queˈxyi̱b li naˈajej chokˈ reheb li nequeˈcuan saˈ li chaki chˈochˈ. Queˈxyi̱beb li cab re xcolbaleb rib ut queˈxyi̱b li palacio. Abanan anakcuan ma̱cˈaˈ na-oc cuiˈ li tenamit xban nak xpoˈeˈ chixjunil. | |
| Isai | Kekchi | 23:14 | Ya̱bankex la̱ex aj Tarsis li nequexcˈanjelac saˈ eb li jucub, xban nak xsacheˈ ru li nimla tenamit li cˈojcˈo cuiˈ e̱chˈo̱l. | |
| Isai | Kekchi | 23:15 | Ta̱cuulak xkˈehil nak li tenamit Tiro ta̱sachk saˈ xchˈo̱leb li tenamit. Incˈaˈ chic ta̱julticokˈ reheb chiru laje̱b xca̱cˈa̱l chihab, joˈ xnajtil rok xyuˈam junak li rey. Nak acak xnumeˈ laje̱b xca̱cˈa̱l (70) chihab, eb li cuanqueb Tiro teˈbicha̱nk cuiˈchic joˈ nak nequeˈbichan li ixk li nequeˈxcˈayi rib. | |
| Isai | Kekchi | 23:16 | La̱ex aj Tiro, li incˈaˈ chic nequexjultica̱c, li chanchanex li ixk li nequeˈxcˈayi ribeb, te̱beni xsaˈ li tenamit ut chˈeˈomak chi cha̱bil le̱ cuajb ut bichahomak nabalak li bich. Ma̱re chi joˈcan texjultica̱k cuiˈchic. | |
| Isai | Kekchi | 23:17 | Nak acak xnumeˈ li laje̱b xca̱cˈa̱l (70) chihab li Ka̱cuaˈ tixcanabeb cuiˈchic li tenamit Tiro chi cˈayi̱nc ut chi lokˈoc riqˈuineb chixjunileb li tenamit yalak bar saˈ ruchichˈochˈ. Chanchanakeb li ixk li nequeˈxcˈayi rib. | |