JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 24
| Jere | Kapingam | 24:1 | Dimaadua ga-hagagida-mai gi-di-au nia gada golee-laagau-‘fig’ e-lua ala i-mua di Hale Daumaha. (Di mee deenei ne-hai i-muli Nebuchadnezzar di king o Babylonia ne-lahi galabudi di King Jehoiachin, dela go tama-daane Jehoiakim di king o Judah, gaa-lahi gi-daha mo Jerusalem, gaa-lahi gi Babylonia, mo ana gau-dagi o Judah, ana gau ngalua guu-odi-anga, mo ana gau gu-wouwou di-ngalua.) | |
| Jere | Kapingam | 24:2 | Di gada matagidagi guu-haa ginai nia golee-‘fig’ humalia, ala e-limalima dono bala, gei di gada nomuli guu-haa ginai nia golee-‘fig’ huaidu, e-huaidu dono gai. | |
| Jere | Kapingam | 24:3 | Dimaadua ga-helekai-mai, “Jeremiah, goe e-daumada dau-aha?” Gei au ga-helekai-anga, “Nia golee laagau-‘fig’. Nia golee humalia la-koia gu-humalia huoloo, gei nia mee ala huaidu la-koia gu-huaidu huoloo di gai.” | |
| Jere | Kapingam | 24:5 | “Ko-Au go Yihowah, go di God o Israel, Au e-hagamamaanadu bolo digau ala ne-lahi gi Babylonia, digaula e-hai gadoo be nia golee-‘fig’ humalia aanei, gei Au ga-aloho i digaula ga-benebene digaula. | |
| Jere | Kapingam | 24:6 | Au ga-hagaloohi digaula, ga-laha-mai digaula gi tenua deenei. Au ga-hagamaamaa digaula ga-hagalee e-haga-huaidu digaula. Au gaa-dogi digaula gi-lala, gei Au hagalee e-daagi-aga digaula. | |
| Jere | Kapingam | 24:7 | Au gaa-hai digaula gi-iloo-ginaadou Au bolo ko-Au go Dimaadua. Digaula gaa-hai nia daangada ni-aagu, gei Au gaa-hai di God ni digaula, idimaa digaula ga-huli-mai gi-di-Au i nadau manawa hagaodi-anga. | |
| Jere | Kapingam | 24:8 | “Gei di hai o Zedekiah, go di king o Judah, digau aamua, mo digau Jerusalem ala ne-dubu i-golo ala e-noho i-lodo tenua deenei, be guu-hula gi Egypt, ko-Au go Dimaadua, Au gaa-hai dagu hai ang-gi digaula gii-hai digaula be nia huwa golee-‘fig’ aanei ala koia gu-huaidu huoloo, gei gu-huaidu dono gai. | |
| Jere | Kapingam | 24:9 | Au gaa-dugu-anga di haingadaa damanaiee gi-hongo digaula, gei nia henua huogodoo o henuailala ga-mmaadagu huoloo. Nia daangada ga-haga-balumee digaula, ga-haganneennee digaula, ga-gabailogo digaula, ga-haga-ingoo digaula bolo ne-haga-halauwa i-nia gowaa huogodoo ala ne-hagabagi ginai digaula ko-Au. | |