JOB
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
Chapter 7
| Job | Kapingam | 7:1 | “Di mouli o tangada le e-hai gadoo be-di moomee ne-hono ang-gi tangada-dauwa, e-hai gadoo be-di moomee haingadaa gi tuaidina. | |
| Job | Kapingam | 7:2 | E-hai gadoo be-di hege dela e-hiihai huoloo gi-di gowaa dela e-malu ge magalillili, e-hai gadoo be tangada ngalua dela e-talitali dono hui. | |
| Job | Kapingam | 7:3 | Nia malama e-hagadau-mai e-odi gi-muli gei deai di mee e-mouli ginai au ai. Nia boo huogodoo e-gaamai gi-di-au di manawa-gee. | |
| Job | Kapingam | 7:4 | Dogu madagoaa ma-gaa-moe gi-lala belee kii, gei nia aawaa e-duainau huoloo. Au e-dagadaga i-di boo dogomaalia e-talitali di maalama o-di luada. | |
| Job | Kapingam | 7:5 | Dogu huaidina guu-honu ila, guu-honu i-nia magibala. Nia uugau e-halihali-mai i ogu magibala. | |
| Job | Kapingam | 7:6 | Ogu laangi e-odi gi-daha deai di hagadagadagagee ai, e-limalima dono odi gadoo be-di limalima o-di iwi di maatiin dui-mee. | |
| Job | Kapingam | 7:7 | “Meenei God, gi-langahia bolo dogu mouli le e-hai gadoo be-di dogi e-dahi, dogu tene la-gu-hagaodi. | |
| Job | Kapingam | 7:8 | Goe e-daumada au dolomeenei, maalia gei Goe ga-de-gidee-e-Goe au. Maa Goe ga-halahala au, gei au gu-hagalee. | |
| Job | Kapingam | 7:9 | Tangada dela gaa-made, gu-hagalee hanimoi labelaa, e-hai gadoo be-di baahi gololangi dela ma-ga-hagalee i-golo guu-ngala gi-daha. Digau ala nogo iloo-ginaadou digaula, la-gu-de-langahia digaula. | |
| Job | Kapingam | 7:10 | Tangada dela gaa-made, gu-hagalee hanimoi labelaa, e-hai gadoo be-di baahi gololangi dela ma-ga-hagalee i-golo guu-ngala gi-daha. Digau ala nogo iloo-ginaadou digaula, la-gu-de-langahia digaula. | |
| Job | Kapingam | 7:11 | Deeai, au hagalee e-noho deemuu! Au gu-hagawelewele huoloo, guu-mmala ogu lodo, au e-hai-loo gi-helekai. | |
| Job | Kapingam | 7:12 | “Goe e-aha dela e-loloohi au? Goe guu-hai au bolo au e-hai gadoo be-di iga damanaiee lodo moana? | |
| Job | Kapingam | 7:13 | Au gaa-moe gi-lala belee hagamolooloo, au e-halahala be di-maa di-aha dela e-mee di-hagahumalia dogu mmae. | |
| Job | Kapingam | 7:14 | Gei Goe e-hai au gi-madagu i au midi. Goe ne-hai-hua au gii-hai agu moe mo nia midi huaidu, | |
| Job | Kapingam | 7:15 | dela ga-hidi-mai-iei au bolo au e-mademade au gi-daha mo-di mouli huaidu dela i-lodo tuaidina nei. | |
| Job | Kapingam | 7:16 | Deai dagu mee e-gana ginai au ai. Au gu-duadua di mouli. Goe gi-diagia-hua au, gu-hagalee dahidamee dogu mouli. | |
| Job | Kapingam | 7:17 | “Ma e-aha dela Goe e-hagalabagau nia daangada dangada? Goe e-aha dela e-hagalongo gi nadau helekai? | |
| Job | Kapingam | 7:18 | Goe e-hagadina digaula i-nia luada huogodoo, ge hagamada digaula i-nia madagoaa huogodoo. | |
| Job | Kapingam | 7:19 | E-hai behee, Goe e-deemee di-huli gi-daha mo au i tama madagoaa, bolo gii-mee au di-holo agu haawale? | |
| Job | Kapingam | 7:20 | E-hai behee, Goe e-lodo-huaidu gi ogu huaidu, ma Kooe dela e-lawalawa nia daangada? Goe e-aha dela e-hai au di mee e-hagamada-mee? E-hai behee, au guu-hai di mee aamo-mee dela e-daamaha adu gi-di-Goe? | |