ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 54
| Isai | Kapingam | 54:1 | Jerusalem, goe guu-hai gadoo be-di ahina deai ana dama ai, dolomeenei gei goe guu-mee di-dadaahili mo-di wolowolo i do tenetene. Dolomeenei gei goe gaa-hai au dama dogologowaahee e-dogologo i-di ahina dela hagalee diiagi go dono lodo. | |
| Isai | Kapingam | 54:2 | Haga-damana-ina di hale-laa dela e-noho-iei goe no-lodo, haga-lloo-ina ono loahi, haga-mau-dangihi-ina ono mee daahi hale. | |
| Isai | Kapingam | 54:3 | Idimaa, goe ga-haga-damana nia baahi huogodoo o do guongo. Au daangada la-ga-lloomoi labelaa gi-muli gi-nia gowaa ala ne-kumi go nia henua llauehe. Nia anga-waahale la-ga-haga-honu gi-nia daangada. | |
| Isai | Kapingam | 54:4 | Goe hudee madagu, goe ga-hagalee tee labelaa, goe ga-hagalee langaadia. Goe ga-de-langahia do haga-langaadia i do madagoaa nogo dama-ahina iei goe, mo do lodo-huaidu i do madagoaa nogo di ahina dela guu-made dono lodo. | |
| Isai | Kapingam | 54:5 | Gei Tangada dela ne-hai goe, Ia gaa-hai be-di lodo ni-oou, di ingoo o-maa la-go Yihowah di Gowaa Aamua. Di God Dabuaahia o Israel ga-haga-mouli goe, go Mee dela di Tagi o henuailala hagatau. | |
| Isai | Kapingam | 54:6 | Israel, goe e-hai gadoo be-di lodo dama-ahina, dela ne-hudu gi-daha go dono lodo, gei gu-manawa-gee huoloo. Malaa, Dimaadua e-haga-gahi-mai goe labelaa gi-de-Ia, ga-helekai boloo, | |
| Isai | Kapingam | 54:7 | “Au ne-diiagi goe i-lodo tama-madagoaa bodobodo, ge mai i dogu aloho huoloo, Au ga-laha-mai goe gi-muli. | |
| Isai | Kapingam | 54:8 | Au ne-huli gi-daha mo goe hagadulii i dogu hagawelewele, malaa, Au ga-hagi-adu dogu aloho adu gi-di-goe gaa-hana-hua beelaa.” Aanei la nnelekai mai baahi o Dimaadua, dela e-benebene goe. | |
| Isai | Kapingam | 54:9 | “I-lodo di madagoaa o Noah, gei Au ne-hagababa bolo di toloo la-hagalee hai labelaa i henuailala. Dolomeenei, gei Au e-hagababa bolo Au hagalee hagawelewele adu gi-di-goe labelaa, Au hagalee hagawelewele be e-hagaduadua goe labelaa. | |
| Isai | Kapingam | 54:10 | Ma e-aha maa nia gonduu mono gowaa nnoonua ga-mooho haga-ligiligi, gei dogu aloho i di-goe, hagalee e-odi. Au e-dadaahi-hua dagu hagababa i-di aumaalia gaa-hana-hua beelaa.” Ma go Dimaadua dela e-aloho i di-goe deenei e-helekai. | |
| Isai | Kapingam | 54:11 | Dimaadua e-helekai boloo, “Jerusalem, goe go di waahale hagaduadua dono hagamaamaa ai, deai dono dangada e-haga-manawa lamalia goe ai. Au gaa-hau hoou labelaa do hagamau gi-nia hagadilinga hadu hagalabagau. | |
| Isai | Kapingam | 54:12 | Au gaa-hau au angulaa gi-nia hadu mmee hagalabagau dono ingoo bolo ‘ruby’, gei nia bontai di abaaba gaa-hai gi-nia hadu ala e-pula be-di ahi, gei nia abaaba ala e-haganiga i doo gili e-hai labelaa gi-nia hadu hagalabagau. | |
| Isai | Kapingam | 54:13 | “Gei Au go dogu huaidina ga-aago au daangada e-wanga gi digaula di haadanga-lamalia mo-di aumaalia. | |
| Isai | Kapingam | 54:14 | Goe ga-maaloo mai i-di tonu mo-di hai nia mee ala e-donu, gei goe ga-duuli gi-daha mo digau haga-dogolege mo digau hagamadagudagu-dangada. | |
| Isai | Kapingam | 54:15 | Ma iai tangada ga-heebagi adu gi-di-goe, gei goe gi-iloo bolo Au digi dumaalia-anga. Be koai hua dela e-heebagi adu gi-di-goe, geia gaa-doo gi-lala. | |
| Isai | Kapingam | 54:16 | “Ma ko-Au dela ne-hai tangada tugi-baalanga dela e-akaa dana ahi, e-dunu nia baalanga, e-hai ana goloo hai-dauwa. Ma ko-Au labelaa dela ne-hai tangada-dauwa dela e-hai-hegau gi-nia goloo-dauwa aalaa belee daaligi dangada. | |