ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 34
| Isai | Kapingam | 34:1 | Nia daangada o-nia henua huogodoo, goodou lloomoi. Henuailala hagatau mo ono daangada huogodoo gi-dagabuli-mai gi-kinei e-hagalongo. | |
| Isai | Kapingam | 34:2 | Dimaadua e-hagawelewele gi-nia henua huogodoo mo nadau buini dauwa. Mee gu-haga-halauwa digaula gii-mmade. | |
| Isai | Kapingam | 34:3 | Nia huaidina digaula ga-hagalee danu, e-mmoemmoe-hua gaa-pala ga-bilau, gei nia gonduu ga-mmee dodo. | |
| Isai | Kapingam | 34:4 | Di laa, di malama mono heduu ga-mooho hagaligiligi gaa-hai gadoo be nia gohu gelegele. Di langi ga-hagalee be di lau-beebaa dela ne-wini gi-daha, gei nia heduu ga-monnono be nia lau laagau ma-ga-monnono i-di laagau-‘grape’ be di laagau-‘fig’. | |
| Isai | Kapingam | 34:5 | Dimaadua gu-hagatogomaalia dana hulumanu dauwa i-di langi, gei dolomeenei ga-daaligi Edom, nia daangada ala ne-haga-halauwa go Mee bolo gii-mmade. | |
| Isai | Kapingam | 34:6 | Dana hulumanu dauwa gaa-gahu gi-nia dodo mono kiliidi o digaula, gadoo be nia dodo mono kiliidi o-nia siibi mono kuudi ala e-tigidaumaha. Dimaadua gaa-hai dana tigidaumaha i-lodo di waahale o Bozrah, gaa-hai taaligi dangada huaidu huoloo i-lodo tenua go Edom. | |
| Isai | Kapingam | 34:7 | Nia daangada ga-tingatinga ga-mmademmade be nia kau mono damaa-kau daane, gei henuailala ga-mmee i-nia dodo gaa-gahu gi-nia kiliidi. | |
| Isai | Kapingam | 34:8 | Deenei di madagoaa Dimaadua ga-haga-dagaloaha Zion ga-hagamagedaa ono hagadaumee. | |
| Isai | Kapingam | 34:9 | Nia monowai Edom gaa-huli gaa-hai nia ‘tar’, gei nia gelegele gaa-huli gaa-hai nia ‘sulfur’. Tenua hagatau ga-ulaula be nia ‘tar’, | |
| Isai | Kapingam | 34:10 | ga-ulaula boo mo aa, gei di huiahi gaa-gohu gaa-hana-hua beelaa. Tenua gaa-hai di anggowaa ga-hagadau gi-muli, e-deai tangada e-hana labelaa laalaa ai. | |
| Isai | Kapingam | 34:11 | Nia manu ‘owl’ mono ‘raven’ gaa-noho i-lodo tenua. Dimaadua gaa-hai di-maa gi hai di anggowaa labelaa, be di-maa i-mua nia mee huogodoo ala ne-hai. | |
| Isai | Kapingam | 34:13 | Nia laagau duduia mono geinga gaa-tomo i-nia gowaa huogodoo mo i-lodo nia waahale duuli, nia ‘jackal’ mono ‘owl’ gaa-noho i-golo. | |
| Isai | Kapingam | 34:14 | Nia manu lodo-geinga ga-heehee i-golo, gei nia ieidu ga-hagadau gahigahi ginaadou. Di manu hagamadagudagu dangada o-di boo ga-hanimoi e-halahala dana gowaa e-hagamolooloo-ai. | |
| Isai | Kapingam | 34:15 | Nia manu-‘owl’ gaa-hai nadau waehongo, gaa-dugu nadau ngogo, gaa-paa nia dama, ga-benebene digaula hagahumalia i-di gowaa deelaa. Nia manu-‘vulture’ ga-dagabuli i-golo ga-hagadau gi-muli. | |
| Isai | Kapingam | 34:16 | Halahala-ina gi-lodo di beebaa Dimaadua nia manu mouli, daulia be nia helekai le e-hai bolo-aha. E-deai dahi manu i-nia manu aanei e-hagalee ai, gei deai dahi manu i-nia manu aanei gaa-dono ihoo ai. Dimaadua gu-helekai bolo ma e-hai beenei, go Mee hua ga-hagapuni digaula. | |