JUDITH
Chapter 7
| Judi | CopSahBi | 7:1 | ⲙⲡⲉϥⲣⲁⲥⲧⲉ ⲇⲉ ⲁϥⲡⲁⲣⲁⲅⲅⲉⲓⲗⲉ ⲛϭⲓ ⲟⲗⲟⲫⲉⲣⲛⲏⲥ ⲙⲡⲉϥⲙⲗⲁϩ ⲧⲏⲣϥ ⲙⲛ ⲛⲉϥⲗⲁⲟⲥ ⲧⲏⲣϥ ⲛⲁⲓ ⲉⲛⲧⲁⲩⲉⲓ ⲛⲙⲙⲁϥ ⲉⲡⲡⲟⲗⲉⲙⲟⲥ ⲉⲥⲣⲙⲗⲁϩ … | |
| Judi | CopSahBi | 7:10 | ⲡⲉⲓⲗⲁⲟⲥ ⲅⲁⲣ ⲛϣⲏⲣⲉ ⲙⲡⲓⲥⲣⲁⲏⲗ ⲙⲉⲩⲕⲱ ⲛϩⲧⲏⲩ ⲁⲛ ⲉϫⲛ ⲛⲉⲩⲙⲉⲣⲉϩ ⲁⲗⲗⲁ ⲉϫⲙ ⲡϫⲓⲥⲉ ⲛⲛⲧⲟⲟⲩ ⲛⲁⲓ ⲛⲧⲟⲟⲩ ⲉⲧⲟⲩⲟⲩⲏϩ ϩⲣⲁⲓ ϩⲓϫⲱⲟⲩ ⲙⲡϩⲱⲃ ⲅⲁⲣ ⲙⲟⲧⲛ ⲁⲛ ⲉⲃⲱⲕ ⲉϩⲣⲁⲓ ⲉϫⲛ ⲛⲕⲟⲟϩ ⲛⲛⲧⲟⲩⲉⲓⲏ | |
| Judi | CopSahBi | 7:11 | ⲧⲉⲛⲟⲩ ϭⲉ ⲡϫⲟⲉⲓⲥ ⲙⲡⲣⲣⲡⲟⲗⲉⲙⲟⲥ ⲛⲙⲙⲁⲩ ⲕⲁⲧⲁ ⲑⲉ ⲉϣⲁϥϣⲱⲡⲉ ⲛϭⲓ ⲟⲩⲡⲟⲗⲉⲙⲟⲥ ⲛⲙⲗⲁϩ ⲁⲩⲱ ⲙⲛⲟⲩⲣⲱⲙⲉ ⲛⲟⲩⲱⲧ ⲡⲉ ⲛⲁϩⲉ ⲉⲃⲟⲗ ϩⲙ ⲡⲉⲕⲗⲁⲟⲥ | |
| Judi | CopSahBi | 7:12 | ϭⲱ ⲉϩⲣⲁⲓ ⲉϫⲛ ⲧⲉⲕⲡⲁⲣⲧⲉⲙⲃⲟⲗⲏ ⲉⲕϩⲁⲣⲉϩ ⲉⲣⲱⲙⲉ ⲛⲓⲙ ⲉⲃⲟⲗ ϩⲛ ⲧⲉⲕϭⲟⲙ ⲁⲩⲱ ⲙⲁⲣⲉⲛⲉⲕϩⲙϩⲁⲗ ⲁⲙⲁϩⲧⲉ ⲉϫⲛ ⲧⲡⲏⲅⲏ ⲙⲡⲙⲟⲟⲩ ⲧⲁⲓ ⲉⲧⲛⲏⲩ ⲉⲃⲟⲗ ϩⲁⲣⲁⲧϥ ⲙⲡⲧⲟⲟⲩ | |
| Judi | CopSahBi | 7:13 | ⲉⲧⲃⲉ ϫⲉ ⲉⲩⲙⲉϩⲙⲟⲟⲩ ⲉⲃⲟⲗ ϩⲙ ⲡⲙⲁ ⲉⲧⲙⲙⲁⲩ ⲛϭⲓ ⲡⲉⲧⲟⲩⲏϩ ⲧⲏⲣⲟⲩ ϩⲛ ⲃⲁⲓⲧⲩⲗⲟⲩⲁ ⲁⲩⲱ ⲥⲉⲛⲁⲙⲟⲩ ⲡⲉ ϩⲁ ⲡⲓⲃⲉ ⲛⲥⲉϯ ⲛⲁⲛ ⲛⲧⲉⲩⲡⲟⲗⲓⲥ ⲁⲛⲟⲛ ⲇⲉ ⲙⲛ ⲡⲉⲛⲗⲁⲟⲥ ⲧⲛⲛⲁⲃⲱⲕ ⲉϩⲣⲁⲓ ⲉϫⲛ ⲛⲕⲟⲟϩ ⲛⲛⲧⲟⲩⲉⲓⲏ ⲉⲧϩⲏⲛ ⲉⲣⲟⲟⲩ ⲛⲧⲛϭⲱ ϩⲣⲁⲓ ϩⲓϫⲱⲟⲩ ⲉⲛⲣⲟⲉⲓⲥ ⲉⲧⲙⲧⲣⲉⲟⲩⲣⲱⲙⲉ ⲛⲟⲩⲱⲧ ⲉⲓ ⲉⲃⲟⲗ ϩⲛ ⲧⲡⲟⲗⲓⲥ | |
| Judi | CopSahBi | 7:14 | ⲁⲩⲱ ⲥⲉⲛⲁⲃⲱⲗ ⲉⲃⲟⲗ ⲡⲉ ϩⲁ ⲡⲉⲕϩⲟ ⲛⲧⲟⲟⲩ ⲙⲛ ⲛⲉⲩϩⲓⲟⲙⲉ ⲙⲛ ⲛⲉⲩϣⲏⲣⲉ ⲁⲩⲱ ⲉⲙⲡⲁⲧⲉⲧⲥⲏϥⲉ ⲉⲓ ⲉϩⲣⲁⲓ ⲉϫⲱⲟⲩ ⲥⲉⲛⲁⲡⲟⲣϣⲟⲩ ϩⲛ ⲛⲉⲡⲗⲁⲧⲓⲁ ⲛⲛⲉⲩⲙⲁ ⲛϣⲱⲡⲉ | |
| Judi | CopSahBi | 7:15 | ⲛⲅⲧⲱⲱⲃⲉ ⲛⲁⲩ ⲛⲟⲩⲧⲱⲱⲃⲉ ⲉϥϩⲟⲟⲩ ⲉⲧⲃⲉ ϫⲉ ⲁϥⲃⲱϭⲉ ⲉⲣⲟⲕ ⲁⲩⲱ ⲙⲡⲟⲩⲉⲓ ⲉⲃⲟⲗ ⲉⲧⲱⲙⲛⲧ ⲉⲣⲟⲕ ϩⲛ ⲟⲩⲉⲓⲣⲏⲛⲏ | |
| Judi | CopSahBi | 7:16 | ⲁⲛⲉⲩϣⲁϫⲉ ⲇⲉ ⲣⲁⲛⲁϥ ⲙⲡⲉⲙⲧⲟ ⲉⲃⲟⲗ ⲛⲟⲗⲟⲫⲉⲣⲛⲏⲥ ⲁⲩⲱ ⲙⲡⲉⲙⲧⲟ ⲉⲃⲟⲗ ⲛⲛⲉϥϩⲙϩⲁⲗ ⲁϥⲟⲩⲉϩⲥⲁϩⲛⲉ ⲉⲉⲓⲣⲉ ⲕⲁⲧⲁ ⲑⲉ ⲉⲛⲧⲁⲩϣⲁϫⲉ | |
| Judi | CopSahBi | 7:23 | ⲁⲡⲗⲁⲟⲥ ⲇⲉ ⲧⲏⲣϥ ⲥⲟⲩⲱϩ ⲉϫⲛ ⲟⲍⲉⲓⲁⲥ ⲙⲛ ⲛⲁⲣⲭⲱⲛ ⲛⲧⲡⲟⲗⲓⲥ ⲛⲉⲩϩⲣϣⲓⲣⲉ ⲙⲛ ⲛⲱⲉⲩϣⲏⲣⲉ ⲕⲟⲩⲓ ⲁⲩϫⲓϣⲕⲁⲕ ⲇⲉ ⲉⲃⲟⲗ ⲡⲉϫⲁⲩ ⲙⲡⲉⲙⲧⲟ ⲉⲃⲟⲗ ⲛⲛⲉⲡⲣⲉⲥⲃⲩⲧⲉⲣⲟⲥ ⲧⲏⲣⲟⲩ | |
| Judi | CopSahBi | 7:24 | ϫⲉ ⲉⲣⲉⲡⲛⲟⲩⲧⲉ ⲕⲣⲓⲛⲉ ϩⲛ ⲧⲉⲛⲙⲏⲧⲉ ϩⲓ ⲟⲩⲥⲟⲡ ϫⲉ ⲁⲧⲉⲧⲛⲉⲓⲣⲉ ⲛⲁⲛ ⲛϩⲉⲛⲛⲟϭ ⲛϫⲓ ⲛϭⲟⲛⲥ ⲉⲙⲡⲉⲧⲛϣⲁϫⲉ ϩⲛ ⲟⲩⲉⲓⲣⲏⲛⲏ ⲙⲛ ⲛϣⲏⲣⲉ ⲛⲛⲁⲥⲥⲟⲩⲣ | |
| Judi | CopSahBi | 7:25 | ⲧⲉⲛⲟⲩ ϭⲉ ⲙⲛ ⲃⲟⲏⲑⲟⲥ ϣⲟⲟⲡ ⲛⲁⲛ ⲁⲗⲗⲁ ⲁⲡⲉⲛⲛⲟⲩⲧⲉ ⲧⲁⲁⲛ ⲉⲃⲟⲗ ⲉϩⲣⲁⲓ ⲉⲛⲉⲩϭⲓϫ ⲉⲧⲣⲉⲛⲣⲱϩⲧ ⲙⲡⲉⲩⲙⲧⲟ ⲉⲃⲟⲗ ϩⲛ ⲟⲩⲉⲓⲃⲉ ⲙⲛ ⲟⲩⲛⲟϭ ⲛϩⲕⲟ | |
| Judi | CopSahBi | 7:27 | ⲥⲥⲟⲧⲡ ⲅⲁⲣ ⲛⲁⲛ ⲉⲧⲣⲉⲛϣⲱⲡⲉ ⲛⲁⲩ ⲉⲩⲧⲱⲣⲡ ⲧⲛⲁϣⲱⲡⲉ ⲛⲁⲩ ⲉϩⲉⲛϩⲙϩⲁⲗ ⲛⲥⲱⲛϩ ⲛϭⲓ ⲧⲉⲛⲯⲩⲭⲏ ⲛⲧⲉⲧⲙⲛⲁⲩ ⲉⲡⲙⲟⲩ ⲛⲛⲉⲛϣⲏⲣⲉ ⲕⲟⲩⲓ ϩⲛ ⲛⲉⲛⲃⲁⲗ ⲁⲩⲱ ⲛⲉⲛϩⲓⲟⲙⲉ ⲙⲛ ⲛⲉⲛϣⲏⲣⲉ ⲉⲩϣⲟⲥⲙ ϩⲛ ⲛⲉⲩⲯⲩⲭⲏ | |
| Judi | CopSahBi | 7:28 | ⲧⲛⲣⲙⲛⲧⲣⲉ ⲛⲏⲧⲛ ⲛⲧⲡⲉ ⲙⲛ ⲡⲕⲁϩ ⲙⲛ ⲡⲉⲛⲛⲟⲩⲧⲉ ⲁⲩⲱ ⲡϫⲟⲉⲓⲥ ⲛⲛⲉⲛⲉⲓⲟⲧⲉ ⲡⲁⲓ ⲉⲧϫⲓⲕⲃⲁ ⲛϩⲏⲧⲛ ⲕⲁⲧⲁ ⲛⲉⲛⲛⲟⲃⲉ ⲁⲩⲱ ⲕⲁⲧⲁ ⲛⲛⲟⲃⲉ ⲛⲛⲉⲛⲉⲓⲟⲧⲉ ⲉⲧⲣⲉⲧⲙⲉⲓⲣⲉ ⲛⲛⲉⲓϣⲁϫⲉ ϩⲙ ⲡⲟⲟⲩ ⲛϩⲟⲟⲩ | |
| Judi | CopSahBi | 7:29 | ⲁϥϣⲱⲡⲉ ⲇⲉ ⲛϭⲓ ⲟⲩⲛⲟϭⲟⲩⲟⲩ ⲛⲣⲓⲙⲉ ϩⲛ ⲧⲙⲏⲧⲉ ⲛⲧⲥⲥⲟⲟⲩϩⲥ ⲧⲏⲣⲥ ϩⲓ ⲟⲩⲥⲟⲡ ⲁⲩⲱ ⲁⲩϫⲓϣⲕⲁⲕ ⲉϩⲣⲁⲓ ⲉⲡϫⲟⲉⲓⲥ ⲡⲉⲩⲛⲟⲩⲧⲉ ϩⲛ ⲟⲩⲛⲟϭ ⲛⲥⲙⲏ | |
| Judi | CopSahBi | 7:30 | ⲁⲩⲱ ⲡⲉϫⲁϥ ⲛⲁⲩ ⲛϭⲓ ⲟⲍⲉⲓⲁⲥ ϫⲉ ⲧⲱⲕ ⲛϩⲏⲧ ⲛⲁⲥⲛⲏⲩ ⲙⲁⲣⲉⲛϭⲱϣⲧ ⲉⲃⲟⲗ ⲛⲕⲉϯⲟⲩ ⲛϩⲟⲟⲩ ϣⲁⲛⲧⲉⲡϫⲟⲉⲓⲥ ⲡⲉⲛⲛⲟⲩⲧⲉ ⲕⲧⲟ ⲉϩⲣⲁⲓ ⲉϫⲱⲛ ⲙⲡⲉϥⲛⲁ ⲛϥⲛⲁⲕⲁⲁⲛ ⲅⲁⲣ ⲁⲛ ⲛⲥⲱϥ ϣⲁⲃⲟⲗ | |