Site uses cookies to provide basic functionality.

OK
ROMANS
1 2 3 4 5 6 7 8 9 10 11 12 13 14 15 16
Prev Up Next
Chapter 3
Roma VulgCont 3:1  Quid ergo amplius Iudæo est? Aut quæ utilitas circumcisionis?
Roma VulgCont 3:2  Multum per omnem modum. Primum quidem quia credita sunt illis eloquia Dei.
Roma VulgCont 3:3  Quid enim si quidam illorum non crediderunt? Numquid incredulitas illorum fidem Dei evacuabit? Absit.
Roma VulgCont 3:4  Est autem Deus verax: omnis autem homo mendax, sicut scriptum est: Ut iustificeris in sermonibus tuis: et vincas cum iudicaris.
Roma VulgCont 3:5  Si autem iniquitas nostra iustitiam Dei commendat, quid dicemus? Numquid iniquus est Deus, qui infert iram?
Roma VulgCont 3:6  (Secundum hominem dico.) Absit. Alioquin quomodo iudicabit Deus hunc mundum?
Roma VulgCont 3:7  Si enim veritas Dei in meo mendacio abundavit in gloriam ipsius: quid adhuc et ego tamquam peccator iudicor?
Roma VulgCont 3:8  Et non (sicut blasphemamur, et sicut aiunt quidam nos dicere) faciamus mala ut veniant bona: quorum damnatio iusta est.
Roma VulgCont 3:9  Quid ergo? Præcellimus eos? Nequaquam. Causati enim sumus Iudæos, et Græcos omnes sub peccato esse,
Roma VulgCont 3:10  sicut scriptum est: Quia non est iustus quisquam:
Roma VulgCont 3:12  Omnes declinaverunt, simul inutiles facti sunt, non est qui faciat bonum, non est usque ad unum.
Roma VulgCont 3:13  Sepulchrum patens est guttur eorum, linguis suis dolose agebant: Venenum aspidum sub labiis eorum:
Roma VulgCont 3:14  Quorum os maledictione, et amaritudine plenum est:
Roma VulgCont 3:19  Scimus autem quoniam quæcumque lex loquitur, iis, qui in lege sunt, loquitur: ut omne os obstruatur, et subditus fiat omnis mundus Deo:
Roma VulgCont 3:20  quia ex operibus legis non iustificabitur omnis caro coram illo. Per legem enim cognitio peccati.
Roma VulgCont 3:21  Nunc autem sine lege iustitia Dei manifestata est: testificata a lege et Prophetis.
Roma VulgCont 3:22  Iustitia autem Dei per fidem Iesu Christi in omnes, et super omnes, qui credunt in eum: non enim est distinctio:
Roma VulgCont 3:24  Iustificati gratis per gratiam ipsius, per redemptionem, quæ est in Christo Iesu,
Roma VulgCont 3:25  quem proposuit Deus propitiationem per fidem in sanguine ipsius, ad ostensionem iustitiæ suæ propter remissionem præcedentium delictorum
Roma VulgCont 3:26  in sustentatione Dei, ad ostensionem iustitiæ eius in hoc tempore: ut sit ipse iustus, et iustificans eum, qui est ex fide Iesu Christi.
Roma VulgCont 3:27  Ubi est ergo gloriatio tua? Exclusa est. Per quam legem? Factorum? Non: sed per legem fidei.
Roma VulgCont 3:28  Arbitramur enim iustificari hominem per fidem sine operibus legis.
Roma VulgCont 3:29  An Iudæorum Deus tantum? Nonne et Gentium? Immo et Gentium.
Roma VulgCont 3:30  Quoniam quidem unus est Deus, qui iustificat circumcisionem ex fide, et præputium per fidem.
Roma VulgCont 3:31  Legem ergo destruimus per fidem? Absit: sed legem statuimus.