WISDOM
Chapter 6
Wisd | VulgSist | 6:3 | Praebete aures vos, qui continetis multitudines, et placetis vobis in turbis nationum: | |
Wisd | VulgSist | 6:4 | quoniam data est a Domino potestas vobis, et virtus ab Altissimo, qui interrogabit opera vestra, et cogitationes scrutabitur: | |
Wisd | VulgSist | 6:5 | quoniam cum essetis ministri regni illius, non recte iudicastis nec custodistis legem iustitiae, neque secundum voluntatem Dei ambulastis. | |
Wisd | VulgSist | 6:6 | Horrende et cito apparebit vobis: quoniam iudicium durissimum his, qui praesunt, fiet. | |
Wisd | VulgSist | 6:8 | Non enim subtrahet personam cuiusquam Deus, nec verebitur magnitudinem cuiusquam: quoniam pusillum et magnum ipse fecit, et aequaliter cura est illi de omnibus. | |
Wisd | VulgSist | 6:10 | Ad vos ergo reges sunt hi sermones mei, ut discatis sapientiam, et non excidatis. | |
Wisd | VulgSist | 6:11 | Qui enim custodierint iustitiam, iuste iudicabuntur, et qui didicerint iusta, invenient quid respondeant. | |
Wisd | VulgSist | 6:13 | Clara est, et quae numquam marcescit sapientia, et facile videtur ab his qui diligunt eam, et invenitur ab his qui quaerunt illam. | |
Wisd | VulgSist | 6:15 | Qui de luce vigilaverit ad illam, non laborabit: assidentem enim illam foribus suis inveniet. | |
Wisd | VulgSist | 6:16 | Cogitare ergo de illa sensus est consummatus: et qui vigilaverit propter illam, cito securus erit. | |
Wisd | VulgSist | 6:17 | Quoniam dignos se ipsa circuit quaerens, et in viis ostendit se illis hilariter, et in omni providentia occurrit illis. | |
Wisd | VulgSist | 6:19 | Cura ergo disciplinae, dilectio est: et dilectio, custodia legum illius est: custoditio autem legum, consummatio incorruptionis est: | |
Wisd | VulgSist | 6:22 | Si ergo delectamini sedibus, et sceptris o reges populi, diligite sapientiam, ut in perpetuum regnetis. | |
Wisd | VulgSist | 6:24 | quid est autem sapientia, et quemadmodum facta sit referam: et non abscondam a vobis sacramenta Dei, sed ab initio nativitatis investigabo, et ponam in lucem scientiam illius, et non praeteribo veritatem: | |
Wisd | VulgSist | 6:25 | neque cum invidia tabescente iter habebo: quoniam talis homo non erit particeps sapientiae. | |
Wisd | VulgSist | 6:26 | Multitudo autem sapientium sanitas est orbis terrarum: et rex sapiens stabilimentum populi est. | |