EXODUS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
Chapter 38
Exod | Kapingam | 38:1 | Mee guu-hai di gowaa dudu tigidaumaha gi-nia laagau ‘acacia’. Di-maa e-looloo nia piidi e-7½, piidi e-7½ palaha, ge nia piidi e-4½ tuuduu i-nua. | |
Exod | Kapingam | 38:2 | Mee guu-hai nia madaagoo e-haa i-hongo nia madaaduge e-haa gu-hagabuni gi-di gowaa e-dahi gi-di gowaa dudu tigidaumaha. Mee guu-hii di-maa hagatau gi-di baalanga-mmee. | |
Exod | Kapingam | 38:3 | Mee guu-hai nia goloo huogodoo ala e-hai-hegau-ai i-di gowaa dudu tigidaumaha: nia mee baabaa dunu mee, nia daawolo, nia boolo, nia poogi, mo nia mee dugu-ahi. Nia goloo huogodoo aanei la-ne-hai gi-nia baalanga-mmee. | |
Exod | Kapingam | 38:4 | Mee guu-hai dana hada baalanga-mmee, gu-haganiga i-taalinga di gowaa dudu tigidaumaha, gaa-tugi i tungaalodo di gowaa dudu tigidaumaha. | |
Exod | Kapingam | 38:6 | Mee guu-hai nia laagau aamo-mee gi-nia laagau ‘acacia’, gaa-hii nia maa gi-nia baalanga-mmee, | |
Exod | Kapingam | 38:7 | ga-daalo nia maa gi-lodo nia buulei ala i-nia baahi di gowaa dudu tigidaumaha. Di gowaa dudu tigidaumaha ne-hai gi-nia laubaba, gei e-bongoo laa-lodo. | |
Exod | Kapingam | 38:8 | Mee guu-hai di baisin baalanga-mmee mo dono lohongo baalanga-mmee gi-nia kalaadi mmada ada o-nia ahina ala e-ngalua i-di ngudu di bontai di Hale-laa Dimaadua. | |
Exod | Kapingam | 38:9 | Mee guu-hai di duuli di Hale-laa dela e-noho-ai Dimaadua gi-di gahu lenge humalia. I-di baahi gi-ngaaga di Hale-laa le e-looloo nia ‘yard’ e-50, | |
Exod | Kapingam | 38:10 | e-daahi go nia duludulu baalanga-mmee e-20 ala e-haganoho gi-lodo nadau lohongo-duludulu baalanga-mmee e-20, dalia nia maadau mono amu daahi ne-hai gi-nia silber. | |
Exod | Kapingam | 38:12 | I-di baahi gi dai, nia gahu duuli le e-25 ‘yard’ looloo, ono waduu e-10 ge 10 lohongo waduu, madalia nia maadau mono amu daahi ne-hai gi-nia silber. | |
Exod | Kapingam | 38:13 | I-di baahi gi-dua i-di gowaa dela iai di bontai, di tuuli le e-palaha labelaa nia ‘yard’ e-25. | |
Exod | Kapingam | 38:14 | I-nia baahi e-lua o-di bontai, nia ‘yard’ gahu duuli e-7½ i-golo, e-daahi go nia waduu e-dolu mo nadau lohongo-waduu e-dolu. | |
Exod | Kapingam | 38:15 | I-nia baahi e-lua o-di bontai, nia ‘yard’ gahu duuli e-7½ i-golo, e-daahi go nia waduu e-dolu mo nadau lohongo-waduu e-dolu. | |
Exod | Kapingam | 38:17 | Nia lohongo nia waduu la-ne-hai gi-nia baalanga-mmee, gei nia maadau, amu, mo di gahu di ulu gi-nua nia waduu ne-hai gi-nia silber. Nia duludulu huogodoo ala e-haganiga di abaaba le e-duudagi gi-nia amu silber. | |
Exod | Kapingam | 38:18 | Di gahu duuli gi-di bontai di abaaba duuli, ne-hai gi-di gahu lenge ne-dui gi-nia gahu gi nnadunga halatee, halatee-luuli mo mmee, ge guu-humu gi-nia duain. Ma e-looloo nia ‘yard’ e-10, nia ‘yard’ 2½ tuuduu i-nua, e-hai be-nia gahu o-di abaaba. | |
Exod | Kapingam | 38:19 | Ma e-daahi go nia waduu e-haa i-hongo nadau lohongo baalanga-mmee e-haa. Nia maadau nia maa, nia gahu laa-nua, mo nia amu nia maa le e-gahu gi-nia silber. | |
Exod | Kapingam | 38:20 | Nia daula di Hale-laa mo nia daula o-di abaaba huogodoo la-ne-hai gi-nia baalanga-mmee. | |
Exod | Kapingam | 38:21 | Aanei nia baalanga ne-hai-hegau-ai i-di hau di Hale-laa Dimaadua, di gowaa dela nogo benebene nia baahi-hadu e-lua Madangaholu Haganoho. Nia baalanga ne-tiumongo go Moses, ne-hai go digau Levi nogo ngalua i-lala Ithamar, tama-daane Aaron, tangada hai-mee-dabu. | |
Exod | Kapingam | 38:22 | Bezalel, tama-daane Uri, dono damana madua go Hur mai di madawaawa Judah, guu-hai nia mee huogodoo a Dimaadua ne-helekai-ai bolo gi-heia. | |
Exod | Kapingam | 38:23 | Dono dangada hagamaamaa la go Oholiab tama-daane Ahisamach, mai di madawaawa Dan, tangada dugidugi mee, dili mee mo llanga nia gahu humalia gi nnadunga halatee, halatee luuli mo mmee gi-habuihabula. | |
Exod | Kapingam | 38:24 | Nia goolo huogodoo ala ne-wanga gi Dimaadua belee hai dono Hale-laa e-daamaha nia pauna e-2,195, e-pauna gi-di hai dela e-mogobuna di hai-hegau. | |
Exod | Kapingam | 38:25 | Nia silber ala ne-hagabudu-mai di dau o-nia daangada tenua e-daamaha nia pauna e-7550, e-pauna gi-di hai dela e-mogobuna di hai-hegau. | |
Exod | Kapingam | 38:26 | Di hulu deenei le e-hai be di hulu ne-hui go digau huogodoo ala ne-ianga di tau, tangada e-dahi e-hui di hulu dela belee hui, e-pauna gi-di hai dela e-mogobuna di hai-hegau. Nia daane e-603,550 nadau ngadau e-madalua be mada-mmaadua nadau ngadau i-lodo di dau. | |
Exod | Kapingam | 38:27 | Nia pauna silber 7,500 ne-hai-hegau ne-hau nia lohongo-waduu e-100 ang gi-di Hale-laa dabu mo ang-gi nia gahu duuli, 75 pauna ne-hai-hegau gi-di lohongo hagamau e-dahi. | |
Exod | Kapingam | 38:28 | Bezalel gu-hai-hegau gi-nia pauna silber 50 ala ne-dubu, guu-hai ana amu, nia maadau ang gi-nia waduu, mo di gahu laa-hongo nia ulu o-nia duludulu. | |
Exod | Kapingam | 38:30 | gu-hai-hegau-iei mee gi-nia lohongo-waduu o-di bontai di Hale-laa Dimaadua, di gowaa dudu tigidaumaha baalanga-mmee mo dono hada baalanga-mmee, nia goloo huogodoo ang gi-di gowaa dudu tigidaumaha, | |