JUDGES
Chapter 16
Judg | UyCyr | 16:1 | Бир күни Шимшон Филистийәдики Газаға берип, у йәрдә бир паһишә аял билән биллә болди. | |
Judg | UyCyr | 16:2 | Газилиқлар Шимшонниң кәлгәнлигини аңлап, шәһәрни қоршавға елип, кечичә шәһәр дәрвазисида Шимшонни күтүп, тивиш чиқармай йошурун җайда ятти. Улар кечичә күтүп, «таң етиши биләнла Шимшонни өлтүрүветимиз», дейишти. | |
Judg | UyCyr | 16:3 | Лекин Шимшон йерим кечә болғанда орнидин туруп, шәһәр дәрвазисиниң қанатлирини кешиги биләнла қомуруп, тақақлири билән қошуп мүрисигә елип, Һиброн шәһириниң алдидики дөңниң үстигә елип чиқип кәтти. | |
Judg | UyCyr | 16:5 | Филистийәликләрниң бәглири у аялниң алдиға берип: — Сән уни алдап, униң күч-қудритиниң сирини вә бизниң уни қандақ қилип бағлап бойсундуралайдиғанлиғимизни билип бәргин. Шундақ қилсаң, һәрбиримиз саңа 1100 күмүч тәңгә беримиз, — деди. | |
Judg | UyCyr | 16:6 | Шуниң билән Диләйла Шимшондин: — Сизниң шундақ күчлүк болушиңизниң сирини вә қандақ қилғанда сизни бағлап бойсундурғили болидиғанлиғини маңа дәп бериң, — деди. | |
Judg | UyCyr | 16:7 | Шимшон униңға: — Әгәр кишиләр йәттә тал техи қурумиған йеңи оқ-я тасмиси билән мени бағлиса, мән адәттики адәмләргә охшаш аҗиз болуп қалимән, — деди. | |
Judg | UyCyr | 16:8 | Филистийәликләрниң бәглири Диләйлаға оқ-яниң йәттә тал техи қурумиған йеңи тасмисини әкелип бәрди. У аял бу оқ-я тасмиси билән Шимшонни бағлиди. | |
Judg | UyCyr | 16:9 | Бу чағда адәмләр униң һоҗрисида йошурунуп күтүп турған еди, Диләйла Шимшонға қарап: — Шимшон! Филистийәликләр кәлди! — дәп вақириди. Шимшон шу һаман оқ-я тасмисини худди отқа чүшкән кәндир жипидәк үзүп ташлиди. Шундақ қилип, Шимшонниң күч-қудритиниң сирини һечким биләлмиди. | |
Judg | UyCyr | 16:10 | Диләйла униңға: — Сиз мени ахмақ қилип ялған сөзләпсиз. Маңа сизни қандақ қилғанда бағлиғили болидиғанлиғини дәп бериң, — деди. | |
Judg | UyCyr | 16:11 | Шимшон униңға: — Әгәр кишиләр техи ишлитилмигән йеңи ағамча билән мени қаттиқ бағлиса, мән адәттики кишиләргә охшаш аҗиз болуп қалимән, — деди. | |
Judg | UyCyr | 16:12 | Шуниң билән Диләйла техи ишлитилмигән йеңи ағамча әкелип, Шимшонни бағлап, униңға: — Шимшон! Филистийәликләр кәлди! — дәп вақириди. Бу чағда филистийәликләр униң һоҗрисида йошурунуп күтүп турушқан еди. Шимшон ағамчиларни худди жипни үзгәндәк үзүп ташлиди. | |
Judg | UyCyr | 16:13 | Диләйла йәнә Шимшонға: — Сиз та һазирғичә мени ахмақ қилип, ялған сөзләп кәпсиз. Маңа сизни қандақ қилғанда бағлиғили болидиғанлиғини ейтип бериң, — деди. Шимшон униңға: — Әгәр сән мениң бешимдики йәттә өрүм чечимни дәстигаһтики жипқа қошуп тоқуп, қозуқ билән чиңитип қойсаңла, мән адәттики адәмләргә охшаш аҗиз болуп қалимән, — деди. | |
Judg | UyCyr | 16:14 | Шуниң билән Шимшон ухлап қалғанда, Диләйла униң бешидики йәттә өрүм чачни дәстигаһтики жипқа қошуп тоқуп, уни қозуқ билән чиңитип қойди. Андин Шимшонға: — Шимшон! Филистийәликләр кәлди! — дәп вақириди. Шимшон ойғинип, дәстигаһта жипқа қошуп тоқуветилгән чечи билән дәстигаһ вә қозуқни жулуп еливәтти. | |
Judg | UyCyr | 16:15 | Диләйла Шимшонға: — Сириңизни мәндин йошуруп туруп қандақчә йәнә: «Сени сөйимән» дәләләйсиз? Сиз мени үч қетим алдидиңиз, маңа сиздики күч-қудрәтниң сирини ейтип бәрмидиңиз, — деди. | |
Judg | UyCyr | 16:17 | Ахири Шимшон униңға һәммини ейтип бәрди: — Чүнки мән туғулғандин тартипла Пәрвәрдигарға алаһидә аталған болғачқа, һазирғичә бешимни устира билән чүширип бақмиған. Әгәр мениң бешим устира билән чүширилсә, вуҗудумдики күч-қувәт мәндин айрилиду-дә, адәттики адәмләргә охшаш аҗиз болуп қалимән. | |
Judg | UyCyr | 16:18 | Шимшон Диләйлаға сирини ейтип бәргәндин кейин, Диләйла филистийәликләрниң бәглиригә: — Әнди келиңлар, у сирини маңа ейтип бәрди, — дәп хәвәр йәткүзди. Филистийәликләрниң бәглири күмүч тәңгиләрни елип униң өйигә кәлди. | |
Judg | UyCyr | 16:19 | Диләйла Шимшонни тизиға ятқузуп ухлитип қойди вә адәм чақирип келип, Шимшонниң йәттә өрүм чечини устира билән чүшәргүзүвәтти. Шуниң билән Шимшон күч-қудритидин айрилди, Диләйла уни бойсундурушқа башлиди. | |
Judg | UyCyr | 16:20 | У Шимшонға: — Шимшон! Филистийәликләр кәлди! — дәп вақириди. Шимшон ойғинип көңлидә: «Мән бурунқидәк бир силкинипла бошинимән», дәп ойлиди. Амма у Пәрвәрдигарниң өзини ташлап кәткәнлигини билмәтти. | |
Judg | UyCyr | 16:21 | Филистийәликләр уни тутуп, көзлирини оювелип, Газаға елип кәлди. Уни мис зәнҗир билән кишәнләп, зинданға ташлап, ун тартишқа ишқа салди. | |
Judg | UyCyr | 16:23 | Филистийәликләрниң бәглири өзлириниң илаһи Дагонға атап чоң қурванлиқ өткүзүп: «Илаһимиз дүшминимиз Шимшонни бизгә тутуп бәрди», дәп тәнтәнә қилишти. | |
Judg | UyCyr | 16:24 | Пухраларму Шимшонни көргәндин кейин, илаһиға мәдһийә ейтип: «Бизниң илаһимиз зиминимизни вәйран қилип, көп адәмлиримизни өлтүргән дүшминимизни тутуп бәрди», дәп тәнтәнә қилишти. | |
Judg | UyCyr | 16:25 | Улар қаттиқ хошал болушқан һалда: — Шимшонни әкелип бериңлар, униң тамашисини көрүп көңүл ачимиз, — дәп вақирашти. Шуниң билән Шимшон зиндандин елип келинди. Улар униң тамашисини көрмәкчи болуп, уни ибадәтханиниң торусини тирәп турған икки түврүкниң оттурисида турғузуп қойди. | |
Judg | UyCyr | 16:26 | Шимшон өзини йетиләп кәлгән жигиткә: — Мени ибадәтханини тирәп турған түврүкниң йениға елип бар, мән униңға йөлинип турай, — деди. | |
Judg | UyCyr | 16:27 | Бу чағда ибадәтханиға әрләр вә аяллар лиқ толған болуп, филистийәликләрниң бәглири һәммиси шу йәрдә еди. Имарәтниң үстидики өгүздиму әр вә аяллардин болуп, үч миңчә адәм Шимшонниң тамашисини көрүвататти. | |
Judg | UyCyr | 16:28 | Шимшон Пәрвәрдигарға илтиҗа қилип мундақ деди: — Әй Егәм Пәрвәрдигар, мени есиңгә алғайсән, әй Худа, маңа йәнә бир қетим күч-қувәт бәргәйсән, мән оювелинған көзлирим үчүн филистийәликләрдин интиқам еливалай. | |
Judg | UyCyr | 16:29 | Шуниң билән Шимшон ибадәтхана оттурисидики торусни тирәп турған икки түврүкниң бирсигә оң қолини, иккинчисигә сол қолини тирәп туруп, | |
Judg | UyCyr | 16:30 | «Мән филистийәликләр билән биллә өләй!» деди-дә, пүтүн күчи билән түврүкни өрүп ташлиди. Ибадәтханиниң торуси бәгләр вә барлиқ кишиләрниң үстигә гүмүрүлүп чүшти. Шундақ қилип, у өлидиған чағда пүтүн өмридә өлтүргәндинму көп адәмләрни өлтүрди. | |