NUMBERS
Chapter 21
Numb | Geez | 21:1 | ወሰምዐ ፡ ከናአን ፡ ንጉሠ ፡ አራድ ፡ ዘይነብር ፡ ውስተ ፡ ገዳም ፡ ከመ ፡ መጽአ ፡ እስራኤል ፡ እንተ ፡ ፍኖተ ፡ አታርን ፡ ወተቀበሎሙ ፡ ለእስራኤል ፡ ወማህረኩ ፡ እምኔሆሙ ፡ ፄዋ ። | |
Numb | Geez | 21:2 | ወበፅዐ ፡ እስራኤል ፡ ብፅዓተ ፡ ለእግዚአብሔር ፡ ወይቤ ፡ ለእመ ፡ አግብኦ ፡ እግዚአብሔር ፡ ለዝንቱ ፡ ሕዝብ ፡ ሊተ ፡ አዐልሎ ፡ ሎቱ ፡ ወለአህጉሪሁ ። | |
Numb | Geez | 21:3 | ወሰምዐ ፡ እግዚአብሔር ፡ ቃሎ ፡ ለእስራኤል ፡ ወአግብኦሙ ፡ ለከናአን ፡ ውስተ ፡ እደዊሆሙ ፡ ወአዕለልዎሙ ፡ ሎሙ ፡ ወለአህጉሪሆሙ ፡ ወሰመዩ ፡ ስሞ ፡ ለውእቱ ፡ መካን ፡ ማዕለልት ። | |
Numb | Geez | 21:4 | ወግዕዙ ፡ (አፍአ ፡) እምነ ፡ ደብ[ረ ፡ ሆር ፡] መንገለ ፡ ፍኖተ ፡ ባሕረ ፡ ኤርትራ ፡ ወዖድዎ ፡ ለምድረ ፡ ኤዶም ፡ ወተቈጥዐ ፡ ሕዝብ ፡ በፍኖት ። | |
Numb | Geez | 21:5 | ወሐመይዎ ፡ ለእግዚአብሔር ፡ ወለሙሴ ፡ ወይቤልዎ ፡ ለምንት ፡ አውፃእከነ ፡ እምነ ፡ ግብጽ ፡ ከመ ፡ ትቅትለነ ፡ በውስተ ፡ ዝንቱ ፡ ገዳም ፡ እስመ ፡ አልቦቱ ፡ እክ ለ ፡ ወአልቦቱ ፡ ማየ ፡ ወተቈጥዐት ፡ ነፍስነ ፡ በዝንቱ ፡ ኅብስት ፡ ዘአልቦ ፡ በቍዐ ። | |
Numb | Geez | 21:6 | ወፈነወ ፡ እግዚአብሔር ፡ አርዌ ፡ ምድር ፡ ላዕለ ፡ ሕዝብ ፡ ዘይቀትሎሙ ፡ ወይነስኮሙ ፡ ለሕዝብ ፡ ወይመውቱ ፡ ሕዝብ ፡ ብዙኃን ፡ እምደቂቀ ፡ እስራኤል ። | |
Numb | Geez | 21:7 | ወመጽአ ፡ ሕዝብ ፡ ኀበ ፡ ሙሴ ፡ ወይቤልዎ ፡ አበስነ ፡ እስመ ፡ ሐመይናሁ ፡ ለእግዚአብሔር ፡ ወለከኒ ፡ ጸሊ ፡ እንከሰ ፡ ኀበ ፡ እግዚአብሔር ፡ ወያሴስል ፡ እምኔነ ፡ አርዌ ፡ ምድር ። | |
Numb | Geez | 21:8 | ወጸለየ ፡ ሙሴ ፡ ኀበ ፡ እግዚአብሔር ፡ በእንተ ፡ ሕዝብ ፡ ወይቤሎ ፡ እግዚአብሔር ፡ ለሙሴ ፡ ግበር ፡ ለከ ፡ አርዌ ፡ ወአንብሮ ፡ ኀበ ፡ ይትኤመሩ ፡ ወእምከመ ፡ ነሰከ ፡ አርዌ ፡ ምድር ፡ ሰብአ ፡ ኵሉ ፡ ዘተነስከ ፡ ለይርአዮ ፡ ወለይኅየው ። | |
Numb | Geez | 21:9 | ወገብረ ፡ ሙሴ ፡ አርዌ ፡ ምድር ፡ ዘብርት ፡ ወአቀሞ ፡ ኀበ ፡ ይትኤመሩ ፡ ወኮነ ፡ እምከመ ፡ ነሰከ ፡ አርዌ ፡ ምድር ፡ ሰብአ ፡ ይኔጽሮ ፡ ለዝክቱ ፡ አርዌ ፡ ምድር ፡ ዘብርት ፡ ወየሐዩ ። | |
Numb | Geez | 21:11 | ወግዕዙ ፡ እምነ ፡ ኦቦት ፡ ወኀደሩ ፡ ውስተ ፡ ኬልጋይ ፡ ማዕዶተ ፡ ውስተ ፡ ገዳም ፡ እንተ ፡ አንጻረ ፡ ገጹ ፡ ለሞአብ ፡ መንገለ ፡ ምሥራቀ ፡ ፀሐይ ። | |
Numb | Geez | 21:13 | ወግዕዙ ፡ እምህየ ፡ ወኀደሩ ፡ ውስተ ፡ ማዕዶተ ፡ አርኖን ፡ ዘይክዑ ፡ እምውስተ ፡ አድባር ፡ ዘአሞሬዎን ፡ እስመ ፡ ደወሎሙ ፡ ውእቱ ፡ ለሞአብ ፡ ወማእከለ ፡ ሞአብ ፡ ወማእከለ ፡ አሞሬዎን ፡ ውእቱ ። | |
Numb | Geez | 21:16 | ወእምህየ ፡ ውእቱ ፡ ዐዘቅት ፤ ዐዘቅት ፡ ዘይቤሎ ፡ እግዚአብሔር ፡ ለሙሴ ፡ አስተጋብእ ፡ ሕዝበ ፡ ወእሁቦሙ ፡ ማየ ፡ ዘይሰትዩ ። | |
Numb | Geez | 21:20 | ወእምነ ፡ ባሞት ፡ ውስተ ፡ አናጴን ፡ እንተ ፡ ውስተ ፡ ገዳም ፡ ዘሞአብ ፡ እምኀበ ፡ ርእሱ ፡ ለዘ ፡ ንዱቅ ፡ ዘይኔጽር ፡ መንገለ ፡ ገጸ ፡ ገዳም ። | |
Numb | Geez | 21:22 | ንኅልፍአ ፡ እንተአ ፡ ምድርከ ፡ ወመንገደ ፡ ነኀልፍ ፡ ወኢንትገሐሥ ፡ ኢውስተ ፡ ገራህት ፡ ወኢውስተ ፡ ዐጸደ ፡ ወይን ፡ ወኢንሰቲ ፡ ማየ ፡ እምውስተ ፡ ዐዘቃቲከ ፡ ፍኖተ ፡ መጽያሕተ ፡ ነሐውር ፡ እስከአ ፡ ነሐልፍአ ፡ እምደወልከአ ። | |
Numb | Geez | 21:23 | ወኢአብሖሙ ፡ ሴዎን ፡ ለእስራኤል ፡ ይኅልፉ ፡ እንተ ፡ ደወሉ ፡ ወአስተጋብአ ፡ ሴዎን ፡ ኵሎ ፡ ሰብኦ ፡ ወወፅአ ፡ ይትቃተሉሙ ፡ ለእስራኤል ፡ ውስተ ፡ ገዳም ፡ ወበጽሐ ፡ ውስተ ፡ ኢየሰ ፡ ወተቃተሎሙ ፡ ለእስራኤል ። | |
Numb | Geez | 21:24 | ወቀተልዎሙ ፡ እስራኤል ፡ ቀትለ ፡ በኀፂን ፡ ወገብአ ፡ ሎሙ ፡ ብሔሩ ፡ እምነ ፡ አርኖን ፡ እስከ ፡ ኢያቦቅ ፡ እስከ ፡ ደቂቀ ፡ ዐማን ፡ እስመ ፡ ኢያዜር ፡ ደወሎሙ ፡ ውእቱ ፡ ለደቂቀ ፡ ዐማን ። | |
Numb | Geez | 21:25 | ወነሥአ ፡ እስራኤል ፡ ኵሎን ፡ ውእቶን ፡ አህጉረ ፡ ወነበረ ፡ እስራኤል ፡ ውስተ ፡ ኵሉ ፡ አህጉረ ፡ አሞሬዎን ፡ በሔሴቦን ፡ ወበኵሉ ፡ ደወላ ። | |
Numb | Geez | 21:26 | እስመ ፡ ቦቱ ፡ በሔሴቦን ፡ አህጉረ ፡ ሴዎን ፡ ንጉሠ ፡ አሞሬዎን ፡ ወውእቱ ፡ ዘፀብኦ ፡ ቀዲሙ ፡ ለንጉሠ ፡ ሞአብ ፡ ወነሥአ ፡ ኵሎ ፡ ምድሮ ፡ እምነ ፡ አሮኤር ፡ እስከ ፡ አርኖን ። | |
Numb | Geez | 21:27 | ወበእንተ ፡ ዝንቱ ፡ ይብሉ ፡ ሰብአ ፡ ንግመጥስጤ ፡ [ሑ] ሩ ፡ ውስተ ፡ ሔሴቦን ፡ ከመ ፡ ትትነደቅ ፡ ወይትገበር ፡ አህጉረ ፡ ሴዎን ። | |
Numb | Geez | 21:28 | እስመ ፡ እሳት ፡ ወፅአት ፡ እምነ ፡ ሔሴቦን ፡ ወነድ ፡ እምነ ፡ አህጉረ ፡ ሴዎን ፡ ወበልዐት ፡ እስከ ፡ ሞአብ ፡ ወውሕጠት ፡ ሐውልተ ፡ አርኖን ። | |
Numb | Geez | 21:29 | አሌ ፡ ለ[ኪ] ፡ ሞአብ ፡ ሐጐልኪዮሙ ፡ ለሕዝበ ፡ ከሞስ ፡ እለ ፡ ገብኡ ፡ ወደቂቆሙሰ ፡ አድኀንክሙ ፡ ወአዋልዲሆሙ ፡ ተፄወዋ ፡ ኀበ ፡ ሴዎን ፡ ንጉሠ ፡ አሞሬዎን ። | |
Numb | Geez | 21:32 | ወፈነወ ፡ ሙሴ ፡ ይርአይዋ ፡ ለኢያዜር ፡ ወእምዝ ፡ አስተግብእዋ ፡ ምስለ ፡ አህጉሪሃ ፡ ወአውፅእዎሙ ፡ ለአሞሬዎን ፡ እለ ፡ ሀለው ፡ ህየ ። | |
Numb | Geez | 21:33 | ወተመይጡ ፡ ወዐርጉ ፡ ውስተ ፡ ፍኖተ ፡ ባሳን ፡ ወወፅአ ፡ ኣግ ፡ ንጉሠ ፡ ባሳን ፡ ወተቀበሎሙ ፡ ምስለ ፡ ኵሉ ፡ ሕዝቡ ፡ ከመ ፡ ይትቃተሎሙ ፡ [በ]አድራይን ። | |
Numb | Geez | 21:34 | ወይቤሎ ፡ እግዚአብሔር ፡ ለሙሴ ፡ ኢትፍርሆ ፡ እስመ ፡ ውስተ ፡ እዴከ ፡ አገብኦ ፡ ወለኵሉ ፡ ሕዝቡ ፡ ወለኵሉ ፡ ምድሩ ፡ ወትገብሮ ፡ ከመ ፡ ገበርካሁ ፡ ለሴዎን ፡ ንጉሠ ፡ አሞሬዎን ፡ ዘይነብር ፡ ውስተ ፡ ሔሴቦን ። | |