ROMANS
Chapter 1
Roma | LinVB | 1:1 | Ngáí Pólo, mosáleli wa Krístu Yézu, natíndélí bínó, bato ba bolingo ba Nzámbe o Róma, losáko. Nzámbe abéngí ngáí názala apóstolo, aponí ngáí násangela Nsango Elámu ya yě, | |
Roma | LinVB | 1:3 | Nsango Elámu eye etálí Mwána wa yě, Yézu Krístu, Mokonzi wa bísó. O maye matálí bomoto, abótámákí o libótá lya Davídi ; | |
Roma | LinVB | 1:5 | Yě moto apésí ngáí ngrásya názala apóstolo mpô ’te nátéya bato ba bikólo bínso, báyamba mpé bátósa yě, mpô ya lokúmu la nkómbó ya yě. | |
Roma | LinVB | 1:7 | Bínó bato ba bolingo ba Nzámbe o Róma, Nzámbe abyángí bínó bózala basántu. Nzámbe Tatá wa bísó ná Mokonzi wa bísó Yézu Krístu bákabela bínó ngrásya na bobóto. | |
Roma | LinVB | 1:8 | Libosó, elongó na Yézu Krístu, natóndí Nzámbe mpô ya bínó bánso, mpô o mokili mobimba bakokúmisaka boyambi bwa bínó. | |
Roma | LinVB | 1:9 | Nakosálelaka Nzámbe óyo na motéma mǒkó, áwa nakosangelaka Nsango Elámu ya Mwána wa yě. Yěméí ayébí ’te nakotíkaka té kokanisa bínó. | |
Roma | LinVB | 1:10 | O losámbo la ngáí nakoséngeke Nzámbe ’te álingisa ngáí názwa nzelá ya kokóma epái ya bínó. | |
Roma | LinVB | 1:11 | Nazalí na mpósá mpenzá ya komóno bínó, nákabela bínó mwâ likabo lya Elímo mpô ya koléndisa bínó. | |
Roma | LinVB | 1:13 | Bandeko ba ngáí, malámu bóyéba ’te mbala míngi nakánákí koyâ epái ya bínó, kasi téé leló nazwí nzelá té ; nalingákí ’te mosálá mwa ngáí móbóta mwâ mbuma epái ya bínó, lokóla o bikólo bisúsu bya bapagáno. | |
Roma | LinVB | 1:14 | Nazalí lokóla moto akómí na nyongo epái ya ba-Gréki, epái ya basénzi, epái ya baye bayékólá mpé epái ya baye bayékólá té. | |
Roma | LinVB | 1:15 | Yangó wâná motéma mwa ngáí motíndí ngáí náyâ kosangela Nsango Elámu epái ya bínó lokóla, bínó bato ba Róma. | |
Roma | LinVB | 1:16 | Sôló, Nsango Elámu ekoyókisaka ngáí nsóni té : ezalí ngúyá ya Nzámbe mpô ya kobíkisa bato bánso bayambí yangó na motéma, libosó ba-Yúda, na nsima bato ba bikólo bisúsu. | |
Roma | LinVB | 1:17 | Na Nsango Elámu Nzámbe alakísí bosémbo bwa yě, zambí akokómisa moto wa bosémbo bobélé óyo ayambí yě téé nsúka. Ekomámí bôngó o Minkandá Misántu : Oyo ayambí akozala moto wa bosémbo o míso ma Nzámbe, akozala na bomoi. | |
Roma | LinVB | 1:18 | Kasi út’o likoló Nzámbe akolakisaka nkándá epái ya bato bánso bakobóyaka Yě mpé bakosálaka mabé, mpámba té, misálá mya bangó miye mizángí bosémbo mikopekisa bangó koyéba bosôló. | |
Roma | LinVB | 1:19 | Mambí ma Nzámbe maye bato bakokí koyéba, mazalí polélé o míso ma bangó, zambí Nzámbeméí alakísákí bangó mangó. | |
Roma | LinVB | 1:20 | Sôló, ngúyá ya Nzámbe nsúka té ná mpé bonzámbe bwa Yě bokomónonoko na míso té. Kasi bandá Nzámbe akelí mokili, bato bakokí koyéba yangó na mayéle ma bangó mpô ya bikelá bya Yě. Bakokí kowángana yangó té. | |
Roma | LinVB | 1:21 | Atâ bayébí Nzámbe, bakúmísí mpé batóndí yě té bǒ ebongí. Babúngámí, zambí makanisi ma bangó mazángí ntína ; mitéma mya bangó mikómí mpé molílí mpô bazángí mayéle : | |
Roma | LinVB | 1:23 | Batíkí kokúmisa Nzámbe wa nkémbo mpé wa lobíko, bakómí kokúmisa bikeko bya bato bakokúfaka, bya ndeke, bya nyama ikotámbolaka mpé iye ikolandaka o mabelé. | |
Roma | LinVB | 1:24 | Yangó wâná Nzámbe atíkí bangó bálanda mpósá ya mitéma mpé básála makambo ma bosóni ; bábébisa bôngó nzóto ya bangó mǒkó. | |
Roma | LinVB | 1:25 | Babóyákí nzelá ya sôló ya Nzámbe mpé bandimákí lokutá, bakúmbámélákí mpé basálélákí bikeko biye balingáki, kasi babóyí Mozalisi wa bilóko bínso, óyo basengélí kokúmisa sékô ! Amen. | |
Roma | LinVB | 1:26 | Yangó wâná Nzámbe atíkí bangó, mpósá ya mabé ébébisa bangó : básí ba bangó batíkí (kofánda o) libála, bakómí kosála bosóni bangó na bangó ; | |
Roma | LinVB | 1:27 | babáli sé bôngó : babóyí kosangana na básí ba bangó, bakómí kolúlana, bakómí kosála bosóni bangó na bangó ; bazwákí bôngó etúmbu ya masúmu o nzóto ya bangó. | |
Roma | LinVB | 1:28 | Awa bakanísí ’te koyéba Nzámbe ezalí mpámba, Nzámbe akómísí bangó baómbo ba makanisi mabé, atíkí bangó básála maye mabongí té. | |
Roma | LinVB | 1:29 | Bazángí bosémbo mpé batóndí na mabé ndéngé na ndéngé : lokósó, mayéle mabé na zúwa. Mosálá mwa bangó : mpósá ya koboma, koswâna, kokósa, kobébisa bato mpé lokúmu la báníngá. | |
Roma | LinVB | 1:30 | Bakotóngonoko, bazalí bangúná ba Nzámbe, bakofíngaka báníngá, bavímbí na loléndo mpé na lofúndo. Bakolukaka kosála mabé, bakotósaka babóti té, | |
Roma | LinVB | 1:31 | bazángí mayéle. Mitéma mya bangó, mái ma bwáto, mizalí na bolingi té, na mawa mpé té. | |