GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 13
| Gene | Kapingam | 13:1 | Abram gu-hagatanga i Egypt gaa-hana gi ngeia gi-di bahi-i-ngaaga Canaan, mo dono lodo mo ana mee huogodoo ala e-hai-mee ginai, gei Lot guu-hana i-muli o-mee. | |
| Gene | Kapingam | 13:2 | Abram tangada maluagina huoloo ana siibi, mo ana kuudi mono kau ngaadahi mono silber mono goolo. | |
| Gene | Kapingam | 13:3 | Nomuli gei mee ga-hagadau-adu i-nia guongo ala i-golo, gaa-dau-loo i Bethel. Mee gaa-dau-adu-loo gi-di gowaa i-mehanga Bethel mo Ai, i-di gowaa nogo noho-iei mee i-mua, | |
| Gene | Kapingam | 13:4 | gei ne-bae dana gowaa hai-tigidaumaha. Gei mee ga-daumaha ang-gi Dimaadua i-di gowaa deelaa. | |
| Gene | Kapingam | 13:5 | Lot ana siibi labelaa, mono kuudi, mono kau, mo digau dono hale mono gau hai-hegau. | |
| Gene | Kapingam | 13:6 | Malaa, tenua deelaa la-hagalee dohu ono geinga belee gai go nia manu meemaa, i meemaa e-logo nau manu. | |
| Gene | Kapingam | 13:7 | Di lagamaaloo gaa-hai i-mehanga digau ala e-benebene nia manu a Abram mo digau ala e-benebene nia manu a Lot. (Di madagoaa deelaa gei digau Canaan mo digau Perizzite nogo noho hua igolo i tenua deelaa.) | |
| Gene | Kapingam | 13:8 | Gei Abram ga-helekai gi Lot, “Gidaua e-hai-dangada, au daangada mo agu daangada hagalee belee lagalagamaaloo. | |
| Gene | Kapingam | 13:9 | Malaa, gidaua gaa-wwae gidaua. Hilihilia di baahi tenua dela e-hiihai ginai goe, gaa-hana gi-di baahi dela e-hiihai ginai goe, gei au gaa-hana gi-di baahi dela i-golo.” | |
| Gene | Kapingam | 13:10 | Lot ga-madamada gi-daha gaa-mmada gi-di gowaa i taalinga di monowai Jordan, ga-hanadu-loo gi Zoar, e-logo ono wai e-hai be-di Hadagee a Dimaadua, be e-hai be tenua go Egypt. (Deenei la i-mua Dimaadua ne-hagahuaidu Sodom mo Gomorrah.) | |
| Gene | Kapingam | 13:11 | Gei Lot ga-hilihili di gowaa mehanga gonduu o Jordan bolo deelaa dana gowaa, geia ga-hagatanga gaa-hana gi-dua. Deelaa di hai meemaa ne-wwae ginaua. | |
| Gene | Kapingam | 13:12 | Abram gaa-noho i tenua go Canaan, gei Lot gaa-noho i-baahi nia waahale ala i-lodo di gowaa baba, ga-haga-duu ana hale-laa hoohoo gi Sodom. | |
| Gene | Kapingam | 13:14 | Muli o Lot ne-hagatanga, gei Dimaadua ga-helekai gi Abram, “Mmada-malaa gi-dua mo dai mo ngeia mo ngaaga mai i-di gowaa dela e-noho-iei goe. | |
| Gene | Kapingam | 13:15 | Au ga-gowadu gi-di-goe mo do hagadili di gowaa dela e-mmada ginai goe, gaa-hai di gowaa ni-aau gaa-hana-hua beelaa. | |
| Gene | Kapingam | 13:16 | Gei Au ga-gowadu do hagadili gi-dogologowaahee. Deai tangada e-mee di-dau digau o do hagadili ai, gei ma guu-mee di-dau, malaa e-haingoohia hogi di-dau nia mada-gelegele o-nia dogolia i-hongo henuailala. | |
| Gene | Kapingam | 13:17 | Dolomeenei, gei goe ga-heehee ngeia mo ngaaga, dua mo dai, i-lodo dau gowaa, idimaa, ma-ga-gowadu ko-Au gi-di-goe.” | |