GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 40
| Gene | Kapingam | 40:1 | Mai gi nomuli, gei tangada dela e-madamada humalia nia waini o-di king o Egypt mo-di tagi dunu palaawaa o-di king guu-hai nau mee hala gi-di king. | |
| Gene | Kapingam | 40:3 | gaa-lahi a meemaa gaa-haa gi-lodo di hale-galabudi i-lodo di hale o-di tagi o digau hagaloohi, i-di gowaa dela e-noho-ai a Joseph. | |
| Gene | Kapingam | 40:4 | Meemaa guu-noho gu-duai i-lodo di hale galabudi deelaa, gei di tagi digau di hale galabudi ga-hagi-anga a meemaa gi Joseph e-madamada humalia-ai. | |
| Gene | Kapingam | 40:5 | Dahi boo hua, gei tangada dela nogo madamada humalia nia waini o di king mo-di tagi dunu-palaawaa o-di king gaa-hai nau midi, nia midi meemaa e-hai-geegee. | |
| Gene | Kapingam | 40:6 | Luada dono daiaa, gei Joseph ga-ulu gi-baahi o meemaa gaa-mmada gi meemaa e-hai be nia daangada e-manawa-gee, | |
| Gene | Kapingam | 40:7 | ga-heeu gi meemaa, “Ma di-aha, goolua e-aha ala e-hai be nia daangada e-manawa-gee dangi-nei?” | |
| Gene | Kapingam | 40:8 | Meemaa ga-helekai, “Gimaua guu-hai mau midi anaboo, gei deai tangada i ginei belee haga-modongoohia-mai mau midi ai.” Joseph ga-helekai, “Ma go God hua dela e-mee di-haga-modongoohia nia midi. Hagia-mai-malaa gulu midi.” | |
| Gene | Kapingam | 40:9 | Tangada nogo madamada humalia nia waini o-di king ga-hagi-anga dana midi, ga-helekai, “Au ne-hai dagu midi boloo: Di laagau-‘grape’ e-duu i ogu mua, | |
| Gene | Kapingam | 40:10 | e-hai ono manga e-dolu, ala ga-daamada ga-moholoholo ono lau, gaa-huwa, gu-mmaadua ono huwa. | |
| Gene | Kapingam | 40:11 | Di ibu o-di king le e-daahi ko-au i-lodo dogu lima, malaa, au ga-gaamai nia golee-waini aalaa, gaa-tau gi-lodo di ibu gaa-wanga gi mee.” | |
| Gene | Kapingam | 40:12 | Joseph ga-helekai gi mee, “Deenei tadinga o dau midi: Nia manga e-dolu la nia laangi e-dolu. | |
| Gene | Kapingam | 40:13 | Nia laangi e-dolu i-golo, gei di king ga-hagamehede goe, ga-dumaalia-adu gi-di-goe, ga-haga-ngalua labelaa goe i do lohongo. Goe ga-wangawanga nia ibu a-maa be dau hai dela nogo hai i-mua i do madagoaa dela nogo hai tangada madamada humalia i-nia waini a-maa. | |
| Gene | Kapingam | 40:14 | Goe gi-langahia au i do madagoaa dela ma-ga-humalia adu gi-di-goe. Hagalangahia-ina-laa au gi-di king, hagamaamaa-ina au gi-mehede au gi-daha mo-di hale-galabudi deenei. | |
| Gene | Kapingam | 40:15 | Idimaa, au tangada ne-gaiaa mai i tenua o digau Hebrew, ga-dau-mai-loo gi kinei, gei au digi hai dagu mee huaidu bolo gaa-hidi-iei au gaa-hudu gi-lodo di hale-galabudi.” | |
| Gene | Kapingam | 40:16 | Di tagi dunu-palaawaa ne-longono-ia di haga-modongoohia di midi deelaa le e-humalia, gei mee ga-helekai gi Joseph, “Au guu-hai labelaa dagu midi. Dagu midi le e-hai boloo: Au e-kae agu gada-palaawaa e-dolu i-hongo dogu libogo. | |
| Gene | Kapingam | 40:17 | Di gada dela i-muginua le e-honu i-nia hagadilinga meegai huogodoo, nia meegai ni-di king, gei nia manu e-gaigai nia maa.” | |
| Gene | Kapingam | 40:18 | Joseph ga-helekai gi mee, “Deenei tadinga o dau midi: Nia gada e-dolu le e-hai dono hadinga bolo nia laangi e-dolu i-golo. | |
| Gene | Kapingam | 40:19 | Malaa, nia laangi e-dolu i-golo, gei di king gaa-daa goe gi-daha mo-di hale-galabudi, gaa-tuu gi-daha do libogo, ga-daudau do huaidina gi-tomo di laagau, gei nia manu gaa-gai o goneiga.” | |
| Gene | Kapingam | 40:20 | Malaa, nia laangi e-dolu nomuli la-go di laangi o-di king ne-haanau-ai. Malaa, di king guu-hai dana hagamiami damana ang-gi ana gau aamua huogodoo, ga-gahi-mai dana dangada madamada humalia i-nia waini, mo dana dagi dunu-palaawaa, ga-laha-mai meemaa gi-mua ana gau aamua aalaa. | |
| Gene | Kapingam | 40:21 | Mee ga-haga-menege-aga labelaa tangada dela e-madamada humalia i-nia waini gi dono lohongo, | |
| Gene | Kapingam | 40:22 | gei ga-daudau di tagi hai-palaawaa gi-nua. Nia mee huogodoo guu-kila be nia helekai a Joseph ne-hai. | |