GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 28
| Gene | Kapingam | 28:1 | Isaac ga-gahi-mai a Jacob, gaa-hai dana hagaaloho gi mee, ga-helekai gi mee, “Goe hudee hai doo lodo gi tama-ahina o Canaan. | |
| Gene | Kapingam | 28:2 | Goe hana gi Mesopotamia dela go tenua o do damana-madua go Bethuel, gaa-hai-laa doo lodo gi tama-ahina i-golo, di ahina i-nia dama-ahina o tuaahina-daane o do dinana go Laban. | |
| Gene | Kapingam | 28:3 | God Koia e-Aamua gi-haga-maluagina-ina di-gulu haga-hai-lodo, gi-gowadu gi-di-goe au dama dogo-logowaahee, gei goe gaa-hai tamana o nia henua llauehe logowaahee! | |
| Gene | Kapingam | 28:4 | Mee gi-haga-maluagina-ina goe mo do madawaawa be dana hai ne-haga-maluagina a Abraham, bolo goe gi-hai-mee gi tenua dela nogo noho-ai goe nonua, go tenua dela ne-wanga go Mee gi Abraham.” | |
| Gene | Kapingam | 28:5 | Isaac ga-hagau a Jacob gi Mesopotamia gi-baahi o Laban dela go tama a Bethuel tangada o Aram. Laban go tuaahina-daane o Rebecca go tinana Jacob mo Esau. | |
| Gene | Kapingam | 28:6 | Esau gu-iloo bolo Isaac gu-haga-maluagina a Jacob, gu-hagau a-mee gii-hana gi Mesopotamia gaa-hai-laa dono lodo i-golo, gei mee gu-iloo labelaa bolo Isaac ne-hai gi Jacob i dono madagoaa ne-haga-maluagina a-mee, bolo mee gi-hudee hai dono lodo gi-di ahina i-nia ahina o Canaan. | |
| Gene | Kapingam | 28:7 | Mee gu-iloo labelaa bolo Jacob gu-hagalongo gi dono damana mo dono dinana ga-hagatanga gaa-hana gi Mesopotamia. | |
| Gene | Kapingam | 28:8 | Malaa, Esau gu-modongoohia ang-gi deia bolo dono damana go Isaac la hagalee hiihai bolo ana dama-daane gii-hai nau lodo gi-nia ahina o Canaan. | |
| Gene | Kapingam | 28:9 | Gei mee gaa-hana gi-baahi o Ishmael, dela go tama a Abraham, gaa-lodo gi tama-ahina Ishmael, dono ingoo go Mahalath, tuaahina-ahina o Nebaioth. | |
| Gene | Kapingam | 28:11 | Di laa gaa-hana ga-ulu, gei mee gaa-hai dana gowaa e-haga-molooloo-ai, gaa-moe gi-lala gaa-kii, e-ulungi gi-di hadugalaa, | |
| Gene | Kapingam | 28:12 | gaa-hai dana midi bolo ia e-mmada gi-di gaagenge e-duu-aga i henuailala e-hana e-dau i-di langi, gei digau di-langi e-kaga gi-nua gei e-kaga-ia i-di gaagenge deelaa. | |
| Gene | Kapingam | 28:13 | Gei Dimaadua e-duu i dono baahi ga-helekai, “Au go Yihowah go di God o Abraham mo Isaac. Au ga-gowadu gi-di-goe mo do madawaawa tenua deenei dela e-moe-iei goe nonua. | |
| Gene | Kapingam | 28:14 | Digaula ga-hagadili ga-dogologowaahee be nia gelegele o henuailala. Digaula ga-momooho-adu gi-lodo nnenua mai i-daha ga-noho-ai, gei au ga-haga-maluagina nia henua huogodoo mai i-di-goe mo do hagadili. | |
| Gene | Kapingam | 28:15 | Gi-langahia-laa e-goe bolo Au e-hana madalia goe, e-benebene goe i-lodo nia gowaa huogodoo ala ma-gaa-hana ginai goe, gei Au ga-laha-mai goe labelaa gi tenua deenei. Au hagalee diiagi goe, gaa-dae-loo gi agu mee ala ne-hagababa adu gi-di-goe la-gu-kila-aga.” | |
| Gene | Kapingam | 28:16 | Jacob ga-ala-aga, ga-helekai, “Dimaadua la i-kinei! Mee e-noho i-kinei, gei au dela e-de-iloo-e-au!” | |
| Gene | Kapingam | 28:17 | Gei mee gu-madagu huoloo mo-di helekai, “Di gowaa deenei la di gowaa hua hagamadagudagu dangada! Deenei di gowaa dela iei di hale a God. Deenei di gowaa dela e-huge-ai di bontai di langi!” | |
| Gene | Kapingam | 28:18 | Jacob gaa-noho gi-nua haga-luada-loo, ga-haga-duu di hadu nogo ulungi-ieia gi-nua belee hai di hadu haga-langahia. Gei mee ga-hagatulu di hadu deenei la gi dana lolo-olib belee hagadabu di-maa ang-gi Dimaadua. | |
| Gene | Kapingam | 28:19 | Gei mee ga-haga-ingoo di gowaa deelaa bolo Bethel. (I-mua gei di gowaa deelaa nogo haga-ingoo bolo Luz.) | |
| Gene | Kapingam | 28:20 | Jacob gaa-hai dana hagababa haga-modudahi ang-gi Dimaadua boloo, “Maa Goe ga-madalia au mo-di benebene au i dogu ala dela e-hanadu-iei au, mo-di gaamai agu meegai mo agu goloo e-ulu-iei au, | |
| Gene | Kapingam | 28:21 | maa Goe ga-laha-mai au labelaa gi-baahi dogu damana, gei Goe gaa-hai di God ni-oogu. | |