GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 17
| Gene | Kapingam | 17:1 | Di madagoaa Abram ne-matiwa maa-hiwa ono ngadau, gei Dimaadua ga-haga-gida gi mee ga-helekai, “Au go di God Koia e-Aamua. Hagalongo-mai, heia nia mee ala e-donu i-nia madagoaa huogodoo. | |
| Gene | Kapingam | 17:2 | Au gaa-hai dagu hagababa adu gi-di-goe ge e-gowadu gi-di-goe do hagadili gi-dogologo.” | |
| Gene | Kapingam | 17:4 | “Au e-hai di hagababa deenei adu gi-di-goe: Au e-hagababa bolo goe gaa-hai tamana-madua ni nia henua e-logo. | |
| Gene | Kapingam | 17:5 | Do ingoo la-ga-hagalee hai bolo Abram, gaa-hai bolo Abraham, idimaa Au gaa-hai goe tamana-madua ni nia henua e-logo. | |
| Gene | Kapingam | 17:6 | Au ga-gowadu gi-di-goe do hagadili gi-dogologowaahee, digaula gaa-hai nia king. Do hagadili ga-dogologowaahee gaa-hai nia henua llauehe. | |
| Gene | Kapingam | 17:7 | Au ga-daahi dagu hagababa adu gi-di-goe mo do hagadili i-di adu-dangada dela maalia gii-hai di hagababa dono hagaodi ai. Au gaa-hai di God ni-oou, ge di God labelaa ni do hagadili. | |
| Gene | Kapingam | 17:8 | Au ga-gowadu gi-di-goe mo do hagadili tenua deenei dela e-noho-iei goe dolomeenei gei goe tangada mai i-daha. Tenua o Canaan hagatau gaa-hai tenua ni-oou mo do hagadili gaa-hana-hua beelaa, gei Au gaa-hai di God ni digaula.” | |
| Gene | Kapingam | 17:9 | Gei God ga-duudagi ana helekai gi Abraham, “Goe e-hai gii-baba di-daudali di hagababa deenei i tau mehanga, goe mo do hagadili gi-muli. | |
| Gene | Kapingam | 17:10 | Goe mo do hagadili e-hai gii-baba ngaadahi bolo e-sirkumsais nia daane huogodoo ala i godou lodo. | |
| Gene | Kapingam | 17:11 | Tugi dolomeenei gaa-hana, gei goodou gi-sirkumsais nia dama-daane ma-ga-dagi-walu nadau laangi, ngaadahi mo nia hege ma-ga-haanau i godou guongo, mono hege ala ne-hui go goodou i digau mai i-daha. Deenei le e-haga-modongoohia bolo ma iai di hagababa i tadau mehanga. | |
| Gene | Kapingam | 17:12 | Tugi dolomeenei gaa-hana, gei goodou gi-sirkumsais nia dama-daane ma-ga-dagi-walu nadau laangi, ngaadahi mo nia hege ma-ga-haanau i godou guongo, mono hege ala ne-hui go goodou i digau mai i-daha. Deenei le e-haga-modongoohia bolo ma iai di hagababa i tadau mehanga. | |
| Gene | Kapingam | 17:13 | Tangada-nei mo tangada-nei la-gi-sirkumsais, deenei le e-hai di haga-modongoohia i godou huaidina bolo dagu hagababa adu gi-di-goe la dono hagaodi ai. | |
| Gene | Kapingam | 17:14 | Taane dela digi sirkumsais la-ga-hagalee dugu ko-Au bolo mee tangada ni-aagu, idimaa mee digi daahia dagu hagababa ne-hai i mau mehanga.” | |
| Gene | Kapingam | 17:15 | God ga-helekai labelaa gi Abraham, “Goe guu-lawa hudee gahia doo lodo bolo Sarai, dolomeenei gaa-hana gi-muli di ingoo o-maa go Sarah. | |
| Gene | Kapingam | 17:16 | Au ga-haga-maluagina a-mee, gei Au ga-gowadu gi-di-goe dau dama-daane mai i-mee. Au ga-haga-maluagina a-mee i mee gaa-hai tinana ni nia henua e-logo, nia king e-kila-aga mai i dono hagadili.” | |
| Gene | Kapingam | 17:17 | Abraham gaa-bala-loo gi-lala, ono hadumada guu-tale gi-di gelegele, ga-daamada ga-gadagada i ana maanadu boloo, “Taane le e-mee di hai dana dama, gei mee gu-madua guu-lau ono ngadau? Sarah e-mee di-hai dana dama, gei mee gu-matiwa ono ngadau?” | |
| Gene | Kapingam | 17:18 | Gei mee ga-heeu gi God, “Goe e-aha dela hagalee dugu a Ishmael gii-kae di mogobuna e-hai-mee gi agu mee?” | |
| Gene | Kapingam | 17:19 | Gei God ga-helekai, “Deeai, doo lodo go Sarah ga-haanau dana dama-daane, gei goe gaa-gahi di ingoo o-maa go Isaac. Au ga-daahi dagu hagababa ang-gi mee mo dono hagadili gaa-hana-hua beelaa, gaa-hai di hagababa dono hagaodi ai. | |
| Gene | Kapingam | 17:20 | Au gu-longono dau dangi-mai gi-di-au i Ishmael, gei Au ga-haga-maluagina a-mee mo-di wanga gi mee nia dama e-logo, gei gi-dogologo labelaa dono hagadili. Mee gaa-hai tamana ni nia dama-daane king dilongoholu maa-lua, gei Au gaa-hai dagu henua damana mai i dono hagadili. | |
| Gene | Kapingam | 17:21 | Gei Au ga-daahi dagu hagababa gi dau dama-daane go Isaac, dela ga-haanau mai go Sarah i-di madagoaa beenei i-di ngadau dela i-golo.” | |
| Gene | Kapingam | 17:23 | Di laangi hua deelaa, gei Abraham gu-hagalongo gi God, gu-sirkumsais dana dama-daane go Ishmael mo nia daane huogodoo ala i dono hale, ngaadahi mo nia hege ala ne-haanau i dono guongo mo ana hege ala ne-hui. | |