GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 22
| Gene | Kapingam | 22:1 | Nomuli-mai, gei God ga-hagamada a Abraham, gaa-gahi a-mee, “Abraham!” Gei Abraham ga-helekai, “Deenei au!” | |
| Gene | Kapingam | 22:2 | God ga-helekai, “Lahia dau dama-daane, dela go dau dama hua e-dahi go Isaac, dela koia e-aloho-iei goe. Hula gi tenua go Moriah. Tigidaumaha-ina a-mee mai gi-di-Au i-hongo di gonduu dela ga-hagi-adu ko-Au.” | |
| Gene | Kapingam | 22:3 | Hagaluada-loo dono daiaa, gei Abraham gaa-hai ana dohomu ang-gi tigidaumaha, ga-haga-uda gi-hongo dana ‘donkey’, gaa-lahi a Isaac mono hege dogolua dalia ia. Digaula ga-daamada gaa-hula gi-di gowaa dela ne-hagi-anga go God gi mee. | |
| Gene | Kapingam | 22:4 | I-di tolu laangi gei Abraham gaa-mmada gi-di gowaa deelaa e-gila-mai haga-mogowaa. | |
| Gene | Kapingam | 22:5 | Gei mee ga-helekai gi-nia hege, “Noho i ginei, goodou mo-di ‘donkey’. Gimaua mo dagu dama-daane e-hula gi-golo, e-daumaha ga-loomoi labelaa gi goolua.” | |
| Gene | Kapingam | 22:6 | Abraham ga-haga-uda nia dohomu dudu-tigidaumaha gi-hongo Isaac e-kae, geia e-kae dana hulumanu mo dana ahi. Di-nau lloo-adu hua beelaa, | |
| Gene | Kapingam | 22:7 | gei Isaac ga-helekai, “Tamana!” Gei mee ga-helekai, “Deenei au, dagu dama.” Gei Isaac ga-heeu, “Au e-gidee bolo goe dau ahi, mono dohomu, gei dehee tama-siibi belee hai-tigidaumaha?” | |
| Gene | Kapingam | 22:8 | Abraham ga-helekai, “Ma go God gaa-dugu-mai-laa di mee belee hai-ai tigidaumaha.” Gei meemaa dogolua gaa-hula. | |
| Gene | Kapingam | 22:9 | Meemaa gaa-dau i-di gowaa a God dela ne-hagi-anga gi Abraham, gei mee gaa-bae dana gowaa dudu-tigidaumaha, ga-hagatau nia dohomu i nonua. Mee ga-lawalawa dana dama-daane go Isaac, gaa-dugu a-mee gi-hongo nia dohomu i-hongo di gowaa dudu-tigidaumaha. | |
| Gene | Kapingam | 22:11 | gei tangada-di-langi o Dimaadua gaa-gahi a-mee mai i-di langi boloo, “Abraham, Abraham!” Gei mee ga-helekai, “Deenei au, meenei.” | |
| Gene | Kapingam | 22:12 | Gei tangada di-langi ga-helekai, “Hudee daaligidia di tama be e-hai dau hai gi mee. Dolomeenei gei au gu-iloo bolo goe e-hagalaamua a God, idimaa goe digi dumaanga dau dama hua e-dahi mai gi-di-au.” | |
| Gene | Kapingam | 22:13 | Abraham ga-madamada gi-daha, gaa-mmada gi tama-siibi-daane dela e-lawe i ono madaagoo i-nia geinga. Mee gaa-hana ga-gaamai di-maa, gaa-hai dana tigidaumaha-dudu, e-pono di lohongo o dana dama-daane. | |
| Gene | Kapingam | 22:14 | Abraham ga-haga-ingoo di gowaa deelaa bolo “Yihowah Jireh” Dae-mai-loo gi dangi-nei, gei nia daangada e-hai boloo, “Hongo di gonduu a Yihowah gaa-dugu-mai-laa.” | |
| Gene | Kapingam | 22:15 | Tangada di-langi o Dimaadua ga-gahi-mai labelaa Abraham i-di lua holongo mai di langi, | |
| Gene | Kapingam | 22:16 | ga-helekai boloo, “Deenei Au go Yihowah dela e-helekai, Au gaa-hai dagu hagababa hagamodudahi gi dogu ingoo donu, bolo Au gaa-hai goe gi-maluagina, idimaa goe digi dumaanga dau dama hua e-dahi mai gi-di-Au. | |
| Gene | Kapingam | 22:17 | Au e-hai dagu hagababa bolo Au e-gowadu do hagadili gi-dogo-logowaahee gadoo be nia heduu ala i-di langi, be e-dogologo be nia gelegele ala i tongotai. Do hagadili la-ga-haga-magedaa nadau hagadaumee ge e-kae nadau waahale. | |
| Gene | Kapingam | 22:18 | Nia henua huogodoo ga-tangi-mai gi-di-Au bolo gi-haga-maluagina-ina ginaadou be dagu hai dela ne-haga-maluagina do hagadili, idimaa goe gu-hagalongo-mai gi agu helekai.” | |
| Gene | Kapingam | 22:19 | Nomuli, gei Abraham gaa-hana gi-muli gi-baahi ana gau hai-hegau, gaa-hula ginaadou ngaadahi gi Beersheba, di gowaa dela e-noho-ai Abraham. | |
| Gene | Kapingam | 22:20 | Di madagoaa no-muli, Abraham guu-longo bolo Milcah gu-haanau ana dama dogowalu mai dono duaahina-daane go Nahor. | |
| Gene | Kapingam | 22:23 | tamana o Rebecca. Milcah ne-hai ana dama dogowalu aanei gi Nahor, tuaahina-daane Abraham. | |