GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 16
| Gene | Kapingam | 16:1 | Di lodo Abram go Sarai digi haanau ana dama gi mee, gei mee dana hege-ahina mai Egypt, dono ingoo go Hagar. | |
| Gene | Kapingam | 16:2 | Gei Sarai ga-helekai gi Abram, “Dimaadua guu-dugu au bolo gi-dee-hai agu dama, gei goe de-ga-kii i-baahi dagu hege ahina? Holongo mee gaa-hai dana dama e-hai-ai dagu dama.” Abram guu-donu gi-di hai a Sarai ne-hai. | |
| Gene | Kapingam | 16:3 | Gei Sarai gaa-wanga a Hagar gi mee gii-hai dono lodo-hege. (Di mee deenei ne-hai i-muli Abram ne-noho i Canaan i-nia ngadau e-madangaholu.) | |
| Gene | Kapingam | 16:4 | Abram gaa-kii i-baahi Hagar, gei mee ga-hai-dama. Hagar ne-modongoohia bolo ia gu-hai-dama, gei mee ga-hagapuu gaa-hudi dono-wou gi Sarai. | |
| Gene | Kapingam | 16:5 | Gei Sarai ga-helekai gi Abram, “Ma di mee hala ni-aau ne-hai dela Hagar guu-hudi dono-wou mai gi-di-au. Ma ko-au hua dela ne-gowadu a-mee gi-di-goe, nomuli gei mee ga-modongoohia bolo ia gu-hai-dama, gei mee gaa-hudi dono-wou mai gi-di-au. Dugu ang-gi Dimaadua gi-haga-donu-ina be di-ma koai dela e-donu, kooe be ko-au.” | |
| Gene | Kapingam | 16:6 | Gei Abram ga-helekai, “E-humalia-hua, mee di hege ni-aau, gei e-noho i-lala do mogobuna. Heia dau hai dela e-hiihai ginai goe e-hai gi mee.” Gei Sarai gaa-hai a-mee hagahuaidu, gei Hagar gaa-hana gaa-lele gi-daha. | |
| Gene | Kapingam | 16:7 | Tangada di-langi o Dimaadua, gu-heetugi gi Hagar i-baahi di monowai uwa-aga i-di anggowaa i-hongo di ala dela e-hana gi Shur. | |
| Gene | Kapingam | 16:8 | Mee ga-helekai, “Hagar, goe di hege ni Sarai, goe ne-hanimoi i-hee, gei goe e-hana gi-hee?” Gei mee ga-helekai, “Au e-hana e-lele gi-daha mo dogu dagi.” | |
| Gene | Kapingam | 16:9 | Gei tangada di-langi o Dimaadua ga-helekai, “Hana gi-muli gi mee, goe di hege ni mee.” | |
| Gene | Kapingam | 16:10 | Gei tangada di-langi deelaa ga-helekai labelaa, “Au ga-gowadu gi-di-goe do hagadili gi-logowaahee, e-deemee di-dau go tangada. | |
| Gene | Kapingam | 16:11 | Goe gaa-hai dau dama, gei goe gaa-gahi dono ingoo bolo Ishmael, idimaa, Dimaadua la-gu-longono-Ia do dangidangi lodo-huaidu. | |
| Gene | Kapingam | 16:12 | Dau dama-daane la-ga-mouli gadoo be-di ‘donkey’-lodo-geinga, mee ga-hai-baahi gi digau huogodoo, ge digau huogodoo ga-hai-baahi gi mee, gei mee gaa-noho i-daha mo ono gau.” | |
| Gene | Kapingam | 16:13 | Hagar ga-heeu ang-gi deia, “Au gu-mmada-hua donu gi God, gei au e-mouli hua igolo?” Gei mee gaa-gahi di ingoo o Dimaadua dela nogo helekai ang-gi deia, bolo “Di God dela e-Mmada”. | |
| Gene | Kapingam | 16:14 | Deelaa di mee nia daangada e-haga-ingoo di monowai dela i-mehanga Kadesh mo Bered bolo Beer Lahai Roi, dono hadinga bolo “Di monowai o-di God mouli dela e-mmada-mai”. | |
| Gene | Kapingam | 16:15 | Hagar ga-haanau dana dama-daane ang-gi Abram, gaa-gahi di ingoo o-maa bolo go Ishmael. | |