GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 12
| Gene | Kapingam | 12:1 | Dimaadua ga-helekai gi Abram, “Diagia do henua, oo gau mo di guongo do damana, hana gi tenua dela ga-hagi-adu ko-Au gi-di-goe. | |
| Gene | Kapingam | 12:2 | Au ga-gowadu do hagadili gi-dogologo, gaa-hai di-nadau henua damana. Au ga-haga-maluagina goe mo-di hai do ingoo gii-gila, gii-hai goe tangada maluagina. | |
| Gene | Kapingam | 12:3 | Au ga-haga-maluagina digau ala e-haga-maluagina goe, ge e-haga-halauwa digau ala e-haga-halauwa goe. Gei Au ga-haga-maluagina nia henua huogodoo mai i doo gili.” | |
| Gene | Kapingam | 12:4 | Abram ne-mada-hidu maa-lima-(75) ono ngadau, gei mee ga-hagatanga mai gi-daha mo Haran, be nia helekai a Dimaadua ala ne-hai gi mee bolo gi-heia, gei Lot guu-hana i-muli o mee. | |
| Gene | Kapingam | 12:5 | Abram gaa-lahi dono lodo go Sarai, mo tama o dono duaahina go Lot, mo ono maluagina mo ana hege ala ne-hai-mee ginai i Haran, digaula e-hula gi tenua go Canaan. Di madagoaa digaula ne-dau i Canaan, | |
| Gene | Kapingam | 12:6 | gei Abram gaa-hana laa-lodo tenua, gaa-dau-loo i-di laagau haga-madagu o Moreh, di gowaa dabu o Shechem. (Di madagoaa deelaa, digau Canaan nogo noho hua igolo i tenua deelaa.) | |
| Gene | Kapingam | 12:7 | Dimaadua ga-haga-gida gi Abram, ga-helekai gi mee, “Deenei tenua dela gaa-wanga ko-Au gi do hagadili.” Gei Abram gaa-bae dana gowaa hai-tigidaumaha i-golo ang-gi Dimaadua dela ne-haga-gida gi mee. | |
| Gene | Kapingam | 12:8 | Muli-hua di mee deelaa, gei mee gaa-hana gi-bahi-i-ngaaga gi-di gowaa gonduu i-bahi-i-dua di waahale go Bethel, gaa-hai dana gowaa e-noho-ai i-mehanga Bethel dela i-bahi-i-dai, mo Ai dela i-bahi-i-dua. Di gowaa deelaa, gei mee guu-bae labelaa dana gowaa hai-tigidaumaha e-daumaha-ai gi Dimaadua. | |
| Gene | Kapingam | 12:9 | Nomuli gei mee ga-haga-menege, gaa-hana gi-nia gowaa ala i-golo adu gi-di bahi-i-ngaaga o Canaan. | |
| Gene | Kapingam | 12:10 | Tau-magamaga i Canaan gu-huaidu huoloo, gei Abram ga-haga-menege labelaa gi ngaaga gi Egypt belee noho i-golo hagabalua. | |
| Gene | Kapingam | 12:11 | Di madagoaa o mee dela bolo ga-ulu-adu gi tagageinga o Egypt, gei mee gaa-hai gi dono lodo go Sarai boloo, “Goe di ahina madanga. | |
| Gene | Kapingam | 12:12 | Digau Egypt ga-mmada-adu gi-di-goe, ge digaula ga-hagabau bolo goe di lodo ni-oogu, ga-daaligi au gaa-dugu goe hagamouli. | |
| Gene | Kapingam | 12:13 | Helekai gi digaula bolo goe tuaahina ni-oogu, gei digaula ga-benebene au hagahumalia, idimaa dela go kooe, gei digaula gaa-dugu au haga-mouli.” | |
| Gene | Kapingam | 12:14 | Di madagoaa mee dela ne-ulu-adu gi tagageinga o Egypt, gei digau Egypt gu-gidee bolo di lodo o-maa e-madanga huoloo. | |
| Gene | Kapingam | 12:15 | Hunu gau i digau ngalua o-di king o Egypt ga-gidee-ginaadou a-mee, ga-hagi-anga gi di king i-di madanga o-maa, gei Sarai guu-lahi go digaula gi-di gowaa e-noho-ai di king. | |
| Gene | Kapingam | 12:16 | Di king gu-hagahumalia a Abram i-di gili di ahina deelaa, guu-wanga ana buini-siibi, mono kuudi, mono kau, mono ‘donkey’, mono hege, mono ‘camel’. | |
| Gene | Kapingam | 12:17 | Idimaa di king dela guu-lahi a Sarai, gei Dimaadua ga-hagau dana magi huaidu gi-di king mo digau ala e-noho i-baahi di king. | |
| Gene | Kapingam | 12:18 | Gei di king ga-gahi-aga a Abram ga-heeu gi mee, “Goe ne-hai dau-aha mai gi-di-au? Goe ne-aha dela digi helekai-mai bolo mee di lodo ni-oou? | |
| Gene | Kapingam | 12:19 | Goe ne-aha dela ne-hai bolo mee tuaahina hua ni-oou, dela gei au gaa-lahi a-mee belee hai dogu lodo? Deenei doo lodo, lahia a-mee, gei goolua hula gi-daha.” | |