GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 46
| Gene | Kapingam | 46:1 | Jacob ga-hagabudu-mai ana goloo huogodoo gaa-hana gi Beersheba, gaa-hai dana tigidaumaha i-golo gi-di God o dono damana go Isaac. | |
| Gene | Kapingam | 46:2 | Boo gei God ga-helekai gi Jacob mai i-lodo di moe hagagida, “Jacob! Jacob!” Jacob ga-helekai, “Deenei au.” | |
| Gene | Kapingam | 46:3 | God ga-helekai, “Au go God, go di God o do damana. Goe hudee madagu di-hana gi Egypt. Au gaa-hai-laa do madawaawa gi-dogologowaahee i tenua deelaa. | |
| Gene | Kapingam | 46:4 | Au gaa-hana i oo muli gi Egypt. Au ga-laha-mai gi-muli do madawaawa gi kinei. Do madagoaa ma-gaa-made, gei Joseph e-noho i do baahi.” | |
| Gene | Kapingam | 46:5 | Jacob ga-hagatanga i Beersheba. Nia dama-daane a-maa ne-haga-uda a Jacob mo nadau dama-lligi mo nadau lodo gi-hongo nia waga-hongo-henua a di king o Egypt ala ne-kae belee laha-mai digaula. | |
| Gene | Kapingam | 46:6 | Digaula gaa-kae nadau manu mo nadau mee huogodoo ala e-hai-mee ginai ginaadou i Canaan, gaa-hula gi Egypt. Jacob guu-hana guu-lahi dono madawaawa hagatau gi Egypt, | |
| Gene | Kapingam | 46:8 | Digau di madahaanau Jacob ne-hula dalia a-mee gi Egypt la-go dana dama-daane madua go Reuben | |
| Gene | Kapingam | 46:10 | Simeon mo ana dama-daane: go Jemuel, Jamin, Ohad, Jachin, Zohar mo Shaul, tama-daane ni-di ahina Canaan. | |
| Gene | Kapingam | 46:12 | Judah mo ana dama-daane: go Shelah, Perez mo Zerah (ana dama-daane i-golo go Er mo Onan guu-mmade i Canaan). Nia dama-daane Perez la-go Hezron mo Hamul. | |
| Gene | Kapingam | 46:15 | Aanei go nia dama-daane Leah mo Jacob ne-haanau i Mesopotamia mo tama-ahina go Dinah. Di hagadili Jacob ne-hai gi Leah huogodoo e-motolu maa-dolu-(33). | |
| Gene | Kapingam | 46:17 | Asher mo ana dama-daane: go Imnah, Ishvah, Ishvi, Beriah, mo di-nadau duaahina-ahina go Serah. Nia dama-daane Beriah la-go Heber mo Malchiel. | |
| Gene | Kapingam | 46:18 | Digau e-dilongoholu maa-ono-(16) aanei la-go nia hagadili Jacob mo Zilpah, di lodo-hege ne-wanga go Laban gi dana dama-ahina go Leah. | |
| Gene | Kapingam | 46:20 | I Egypt Joseph ana dama-daane dogolua go Manasseh mo Ephraim gi Asenath, tama-ahina ni Potiphera, tangada hai-mee-dabu i Heliopolis. | |
| Gene | Kapingam | 46:21 | Nia dama-daane Benjamin go Bela, Becher, Ashbel, Gera, Naaman, Ehi, Rosh, Muppim, Huppim mo Ard. | |
| Gene | Kapingam | 46:25 | Digau dogohidu aanei la-go nia hagadili Jacob mo Bilhah, di lodo-hege ne-wanga go Laban gi dana dama-ahina go Rachel. | |
| Gene | Kapingam | 46:26 | Togologo o-di madawaawa Jacob ala ne-hula gi Egypt le e-modoono maa-ono-(66), nia lodo o-nia dama-daane a-maa digi daulia. | |
| Gene | Kapingam | 46:27 | Ga-haga-puni ang-gi nia dama-daane a Joseph dogolua ala ne-haanau i Egypt, gaa-hai digau o dono hale huogodoo e-mada-hidu-(70) ala ne-hula gi Egypt. | |
| Gene | Kapingam | 46:28 | Jacob ga-hagau a Judah gii-hana gi-mua gi Joseph e-hai dana dangidangi gi mee bolo gi-heetugi ang-gi-deia i Goshen. Di-nadau dau-adu-hua gi-di gowaa deelaa, | |
| Gene | Kapingam | 46:29 | gei Joseph gaa-gaga gi-hongo dono waga-hongo-henua gaa-hana gi Goshen belee heetugi gi dono damana. Dono madagoaa-hua ne-heetugi gi mee, mee ne-bulubulu-adu di uwa o dono damana, gaa-dangi, gu-dangidangi huoloo. | |
| Gene | Kapingam | 46:30 | Jacob ga-helekai gi Joseph, “Dolomeenei gei au guu-mee-hua di-made, idimaa, au dela gu-gidee-au goe, gei gu-iloo bolo goe e-mouli hua igolo.” | |
| Gene | Kapingam | 46:31 | Joseph ga-helekai gi ono duaahina-daane mo digau huogodoo o-di hale o dono damana boloo, “Au gaa-hana ga-hagi-anga gi di king bolo ogu duaahina mo digau huogodoo o-di hale o dogu damana ala nogo i Canaan la-gu-lloomoi gi dogu baahi. | |
| Gene | Kapingam | 46:32 | Au ga-hagi-anga gi mee bolo goodou digau hagaloohi-siibi ge e-madamada humalia labelaa nia manu, ge goodou gu-gaamai godou hagabuulinga manu mo godou mee huogodoo ala e-hai-mee ginai goodou. | |
| Gene | Kapingam | 46:34 | gei goodou helekai gi mee bolo goodou digau madamada humalia i-nia manu mai i godou damagiigi be-di hai o di-godou damana mai i-mua nogo hai. Goodou ga-helekai beenei gi mee, gei mee gaa-dugu goodou gii-noho i tenua go Goshen.” Joseph ne-helekai beenei, idimaa digau Egypt hagalee hiihai gi digau hagaloohi-siibi. | |