ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 26
| Isai | Kapingam | 26:1 | Di laangi ga-dau-mai, gei nia daangada gaa-huwa taahili deenei i-lodo tenua go Judah: Tadau waahale e-maaloo! Dimaadua hua-modogoia dela e-madamada humalia i ono abaaba! | |
| Isai | Kapingam | 26:2 | Huge-ina nia bontai di abaaba o-di waahale, haga-ulu-ina-mai nia guongo manawa-dahi, go digau ala e-hai nia mee e-donu. | |
| Isai | Kapingam | 26:3 | Meenei Dimaadua, Goe e-wanga di aumaalia dohu gi digau ala e-manawa maaloo ge e-hagadonu Goe. | |
| Isai | Kapingam | 26:4 | Hagadonu-ina Dimaadua gaa-hana hua beelaa, Mee ga-benebene gidaadou i-nia madagoaa huogodoo. | |
| Isai | Kapingam | 26:5 | Mee guu-dugu gi-lala nia manawa digau ala bolo ginaadou nadau mee. Mee gu-oho di waahale maaloo nogo noho-ai digaula, gu-oho hagaligiligi nia abaaba duuli gii-hai nia gohu gelegele. | |
| Isai | Kapingam | 26:6 | Digau nogo hagaduadua i-mua e-taele i-hongo di-maa, e-dagadagahi di-maa gi nadau wae. | |
| Isai | Kapingam | 26:7 | Meenei Dimaadua, Goe gu-hagamalallali di ala gi digau humalia. Di ala dela e-taele digaula le e-baba. | |
| Isai | Kapingam | 26:8 | Gimaadou e-daudali do hiihai ge hagadagadagagee hua adu gi-di-Goe. Ma go do ingoo dela e-hiihai e-hagalaamua go gimaadou. | |
| Isai | Kapingam | 26:9 | I-di boo au e-haa-manawa i-di Goe aga i-lodo dogu manawa. Do madagoaa ga-hagiaga henuailala mo ana daangada, digaula ga-iloo di-mee dela e-donu. | |
| Isai | Kapingam | 26:10 | Ma e-aha maa Goe e-manawa dumaalia gi digau huaidu, gei digaula digi kabe di hai di-mee dela e-donu. Ma e-aha maa digaula e-noho i-lodo tenua digau e-donu, gei digaula e-hai-hala hua igolo. Digaula e-de-hiihai e-hagadahidamee do aamua. | |
| Isai | Kapingam | 26:11 | O hagadaumee e-de-iloo bolo Goe ga-hagaduadua ginaadou. Dimaadua, gi-hagalangaadia-ina, hagaduadua-ina digaula gi-di hagaduadua dela gu-hagatogomaalia Kooe. Hagamodongoohia-ina gi digaula tamanaiee o do aloho i au daangada. | |
| Isai | Kapingam | 26:12 | Meenei Dimaadua, Goe ga-gaamai gi gimaadou di haadanga-lamalia. Nia mee huogodoo ala e-hai-mee ginai gimaadou, ne-kila-mai i au mee ala ne-hai. | |
| Isai | Kapingam | 26:13 | Meenei Dimaadua di-madau God, gimaadou guu-dagi go nnenua gee, gei go do ingoo la-hua dela e-hagalaamua go gimaadou. | |
| Isai | Kapingam | 26:14 | Dolomeenei digaula guu-mmade, hagalee mouli labelaa. Nadau mouli dangada hagalee mouli-aga, idimaa Goe gu-hagaduadua digaula gu-oho gi-daha. Tangada e-langahia digaula ai. | |
| Isai | Kapingam | 26:15 | Meenei Dimaadua, Goe gu-hagatomo di-madau henua, gu-haga-damana nia baahi huogodoo. Deenei guu-hai Goe gi-aamua. | |
| Isai | Kapingam | 26:16 | Meenei Dimaadua, Goe gu-hagaduadua au daangada, gei i-lodo nadau manawa-gee, digaula gu-dalodalo-adu gi-di-Goe. | |
| Isai | Kapingam | 26:17 | Meenei Dimaadua, Goe guu-hai gimaadou gi-tangitangi gadoo be di ahina ma-gaa-dangi mmae i dono madagoaa ma-ga-haanau. | |
| Isai | Kapingam | 26:18 | Gimaadou gu-duadua mmae, gei gimaadou digi haanau dahi mee. Gimaadou digi aali tauwa i madau henua. Gimaadou digi hau madau mee. | |
| Isai | Kapingam | 26:19 | Ginaadou ala go madau daangada ala ne-mmade, ga-mouli labelaa! Nadau huaidina ga-mouli labelaa. Huogodoo ala e-kii i-lodo nadau daalunga, ga-aala-aga ga-daahili tenetene. Gadoo be-di magalillili o-di luada dela e-hagamagalillili henuailala, deenei di hai a Dimaadua ga-hagamouli-aga digau ala guu-mmade. | |
| Isai | Kapingam | 26:20 | Agu daangada, ulu gi-lodo godou hale, hai-dia nia bontai. Pala hagammuni i-lodo tama madagoaa dulii, gaa-dae loo gi-di hagawelewele a God gaa-hili. | |