ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 58
| Isai | LinVB | 58:1 | Yo, ganga makasi, obanga te, tombola mongongo lokola mondule, yebisa bato ba ngai mabe ma bango, yebisa bato ba Yakob masumu ma bango. | |
| Isai | LinVB | 58:2 | Bakolukaka ngai mokolo na mokolo, balingi koyeba nzela ya ngai, bakomimonoko bato ba bosembo, baye bakitisaka mibeko mya Nzambe wa bango te. Bakosengeke ’te nakatela bango makambo na bosembo, mpe balingi kozala penepene na Nzambe. | |
| Isai | LinVB | 58:3 | « Mpo nini tomipima bilei, soko yo okomono yango te ? Mpo nini tomikitisa, soko oyebi yango te ? » Kasi o mikolo ya bopimi bilei bokosalaka mombongo mpe bokonyokoloko basali ba bino. | |
| Isai | LinVB | 58:4 | Ntango bokomipimaka bilei bozali koswana, kowela mpe kobete baninga makofi makasi. Bolala nzala boye te mokolo bokobondela Nzambe wa likolo. | |
| Isai | LinVB | 58:5 | Yango nde komipima bilei iye ekosepelisa ngai ? Yango nde ndenge moto asengeli komikitisa ? Soko bosunisi mitó lokola lititi, bolati nkungulu mpe bolali o mabelé, bokotangaka yango nde komipima bilei mpe mokolo mokosepelisa Yawe, solo ? | |
| Isai | LinVB | 58:6 | Ndenge ya komipima bilei ngai nalingi, yango eye : Kokangola minyololo mya baye bakangemi ntina te, kolongola mikumba o mapeke ma bato, kopesa bonsomi na baye bagumbami o boombo, kobukabuka bikangiseli binso, | |
| Isai | LinVB | 58:7 | kokabela baye bakufi na nzala bilei, kopesa babola baye bazangi ndako esika ya kolala, kolatisa bato bazali bolumbu, kokima bandeko ba libota lya bino te. | |
| Isai | LinVB | 58:8 | Bongo mwinda mwa bino mokotana lokola ntongo, mpota ya bino ekokangema noki. Bosembo bwa bino bokotambola liboso lya bino, mpe nkembo ya Yawe ekolanda bino. | |
| Isai | LinVB | 58:9 | Soko bobyangi Yawe, akoyanola bino, soko bobeleli ye, akoloba : Ngai oyo ! Soko botiki kotiela bato mikumba, kokanela baninga mpe koloba maloba mabe, | |
| Isai | LinVB | 58:10 | soko bopesi mampa na moto ayoki nzala, soko bopesi bilei na moto anyokwami, mwinda mwa bino mokongenge o kati ya molili, mpe molili mwa bino mokobongwana moi mwa midi. | |
| Isai | LinVB | 58:11 | Yawe akokamba bino ntango inso, o bisika mabelé makauki akotondisa mpe akolendisa bino. Bokokoma lokola elanga ya ndunda, lokola liziba lya mai, liye likosilaka mai te. | |
| Isai | LinVB | 58:12 | Bokotonga lisusu ndako ya bino iye ibukani, bokobongisa mabanga manene ma nse maye bankoko batika. Bakotanga bino na nkombo ‘Babongisi lopango’ mpe ‘baye babongisi balabala’. | |
| Isai | LinVB | 58:13 | Soko botiki kosantisa mokolo mwa Sabato, mpe kosala mombongo o mokolo mwa ngai mosantu, soko botangi Sabato ‘Mokolo mwa esengo’ mpe mokolo mosantu mwa Yawe ‘Mokolo mwa lokumu’, soko bosantisi mwango na botiki mibembo, soko botiki kopangana na makambo ma bino moko, | |