ISAIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
Chapter 47
| Isai | LinVB | 47:1 | Longwa o ngwende mpe fanda, e moseka, mwana wa Babilone. Yo mwana wa Kaldea, fanda o nse, o ngwende te, bakotanga yo lisusu mwana wa bisengo to monzele te. | |
| Isai | LinVB | 47:2 | Kamata libanga mpe nika fufu, fungola litambala lya yo, tombola elamba, lakisa makolo, katisa bibale. | |
| Isai | LinVB | 47:3 | Bamono bolumbu bwa yo, bongo oyoka nsoni, ngai nakozongisela yo mabe ma yo mpe moto moko akoya kopekisa ngai te. | |
| Isai | LinVB | 47:5 | Fanda nye mpe koto o esika ya molili, yo mwana wa Kaldea, zambi bakotanga yo lisusu mokonzi wa bikolo te. | |
| Isai | LinVB | 47:6 | Nasilikaki na bato ba ekolo ya ngai, nasambwisaki bato ba libota lya ngai, nakabaki bango o maboko ma yo. Kasi oyokeli bango mawa soki moke te, ata babange, okumbisi bango mokumba moleki bozito. | |
| Isai | LinVB | 47:7 | Olobaki : « Nakozala mokonzi seko ». Omanyoli makambo mana o motema te, maye makoya, okanisi mango te. | |
| Isai | LinVB | 47:8 | Yoka sikawa, yo mwasi wa bisengo, yo moto ofandi kimia mpe omilobeli : « Moto mosusu te, bobele ngai ! Nakozanga mobali te, bana mpe te ! » | |
| Isai | LinVB | 47:9 | Kasi mabe mana mabale makokwela yo na mbalakaka, se o mokolo moko : bana ba yo bakokufa, mobali wa yo mpe akokufa, na mbala yoko, ata ozali na nkisi mingi mpe banganga ebele. | |
| Isai | LinVB | 47:10 | Okanisaki ’te okobika na mayele mabe ma yo, olobaki : « Moto moko amoni ngai te. » Bwanya bwa yo mpe boyebi bwa yo bobungisi yo, omilobelaki : « Nakotala se makambo ma ngai moko, ma bato basusu te. » | |
| Isai | LinVB | 47:11 | Likambo likokwela yo, okokoka kopekisa lyango te, mpasi ekoyela yo, okokoka kokima yango te, likama lya nsomo likokwela yo na mbalakaka, okoyeba te. | |
| Isai | LinVB | 47:12 | Fanda na nkisi mpe na banganga ebele, otii motema na yango banda bo-mwana. Mbele okozwa na yango mwa litomba, mpe okokoka kobangisa na yango bandoki. | |
| Isai | LinVB | 47:13 | Omilembisi nzoto na kotunatuna bango, bongo bamilakisa mpe babikisa yo, baye bakotalaka likolo mpe minzoto, baye bakoyebisaka yo sanza na sanza maye makoya. | |
| Isai | LinVB | 47:14 | Bazali lokola matiti na móto, móto mokosilisa bango, bakoki komibikisa te. Bazali lokola móto mwa koyotela te, móto mwa kofanda penepene te. | |