JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 24
| Jere | LinVB | 24:1 | Yawe alakisi ngai bikoló bibale bya figi, bitiami liboso lya ndako esantu ya Yawe. Ezalaki o mikolo Nabukodonozor, mokonzi wa Babilon, akangaki Yekonia, mwana wa Yoyakim, mokonzi wa Yuda, elongo na bankumu ba Yuda na batuli ba bibende na bato bakosalaka mafungola ; akendeki na bango mosika na Yeruzalem, o Babilon. | |
| Jere | LinVB | 24:2 | Ekoló yoko ezalaki na figi kitoko, iye itelaki liboso ; ekoló esusu ezalaki na figi ibe mpenza, iye bato bakoki kolia lisusu te. | |
| Jere | LinVB | 24:3 | Yawe atuni ngai : « Yeremia ozali komono nini ? » Nayanoli : « Nazali komono figi ilamu izali elengi mpenza ; iye ibe isili ibebi nye, ibongi na kolia te. » | |
| Jere | LinVB | 24:5 | Yawe Nzambe wa Israel alobi na ngai : Lokola bakobombaka figi ilamu, nakobatela mpe bato bakangemi o ekolo ya Yuda mpe natindaki o mokili mwa ba-Kaldea. | |
| Jere | LinVB | 24:6 | Nakotala bango na miso malamu mpe nakozongisa bango o mokili moye. Nakobongisa bango mpe nakobebisa bango lisusu te ; nakolona bango mpe nakopikola bango lisusu te. | |
| Jere | LinVB | 24:7 | Nakosala ’te motema mwa bango mondima ’te ngai nazali Yawe. Bango bakozala bato ba ngai mpe ngai nakozala Nzambe wa bango, zambi bakozongela ngai na motema moko. | |
| Jere | LinVB | 24:8 | Kasi lokola bakosalaka na figi ibe, iye ikoki koliama lisusu te, ya solo ngai Yawe nalobi boye, nakosala mpe bongo na Sedekia, mokonzi wa Yuda, na bankumu ba ye mpe baye batikali o Yeruzalem to o ekolo eye, to baye bakendeki o Ezipeti. | |
| Jere | LinVB | 24:9 | Nakokomisa bango eloko ya nsomo o miso ma bakonzi banso ba nse mobimba ; nakosala ’te bafinga, batiola, baseke bango mpe batombela bango bobe o bisika binso nakopanza bango. | |