JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 20
| Jere | LinVB | 20:1 | Nganga Nzambe Pasekur, mwana wa Imer, oyo azalaki kapita wa bakengeli ba Tempelo ya Yawe, ayokaki maloba mana ma Yeremia. | |
| Jere | LinVB | 20:2 | Pasekur abetisi profeta Yeremia fimbo mpe akotisi ye o boloko eye ezali penepene na ‘Ezibeli ya Benyamin’, eye etalani na Tempelo ya Yawe. | |
| Jere | LinVB | 20:3 | Mokolo mwa nsima Pasekur abimisi Yeremia o boloko ; Yeremia alobi na ye : « Banda lelo Yawe akotanga yo lisusu ‘Pasekur’ te, kasi ‘Nsomo bipai binso’. | |
| Jere | LinVB | 20:4 | Mpamba te, Yawe alobi : Nakotindela yo na bandeko ba yo makambo ma nsomo, banso bakokufa na mopanga mwa banguna : okomono yango na miso ma yo moko ! Nakokaba Yuda mobimba o maboko ma mokonzi wa Babilon ; ye moto akokende na bango o Babilon, kuna akoboma bango na mopanga. | |
| Jere | LinVB | 20:5 | Nkita inso ya mboka, biloko binzenga binso, biloko bya motuya bya bakonzi ba Yuda, nakokaba byango o maboko ma banguna, baye bakobotolo byango mpe bakokende na byango o Babilon. | |
| Jere | LinVB | 20:6 | Yo Pasekur, okokende o boombo elongo na bato banso bakofandaka o ndako ya yo. Okokende o Babilon mpe okokufa kuna. Bakokunda yo kuna elongo na baninga ba yo banso, baye oteyaki makambo ma lokuta. » | |
| Jere | LinVB | 20:7 | E Yawe, obendaki ngai, bongo nalandi yo ; oleki ngai na bokasi mpe olongi ngai. Bato bakotiolaka ngai mokolo na mokolo, nakomi nzembo o monoko mwa bango. | |
| Jere | LinVB | 20:8 | Mbala inso otindi ngai naloba olingi nasakola makambo ma bitumba mpe ma bobomi ! Liloba lya Yawe lizweli ngai se nsoni na mafinga mokolo na mokolo. | |
| Jere | LinVB | 20:9 | Namilobeli : Nakokanisa Nzambe lisusu te, nakosakola o nkombo ya ye lisusu te ; nayoki o motema mwa ngai lokola móto makasi mopeli tee o kati ya minkuwa, nameki kokanga motema se mpamba. | |
| Jere | LinVB | 20:10 | Nayoki bato baike bazalaki kotongo ngai : Tala ‘Nsomo bipai binso’ ye oyo, tofunda ye mpe tokangisa ye. Baninga ba ngai banso baluki ko-kweisa ngai : « Tomeka kobenda ye, mbele tokoki kolonga ye, mpe kozongisela ye mabe ma ye. » | |
| Jere | LinVB | 20:11 | Nzokande Yawe azali elombe, akosalisa ngai, banyokoli ba ngai bakotuta libaku, bakolonga te, bakoyoka nsoni mpenza, bakobosana nsoni ya bango mokolo moko te. | |
| Jere | LinVB | 20:12 | Yo Yawe wa bokasi bonso, okotalaka manso na bosembo, oyebi makanisi na mitema mya bango, namono etumbu nini okopesa bango, zambi natiki makambo ma ngai o maboko ma yo. | |
| Jere | LinVB | 20:13 | Boyembela Yawe, bokumisa ye ! zambi abateli bomoi bwa mobola o maboko ma bato babe. | |
| Jere | LinVB | 20:14 | Mabe makwela mokolo babotaki ngai ! Batanga mokolo mama abotaki ngai mokolo mwa mawa ! | |
| Jere | LinVB | 20:15 | Mabe makwela moto oyo asangelaki tata wa ngai ’te « Baboteli yo mwana mobali ! » mpe atondisaki motema mwa ye na esengo. | |
| Jere | LinVB | 20:16 | Moto oyo akoma se lokola bingumba iye Yawe abebisaki, mawa te ; ayoka boleli banda ntongo mpe migango mya etumba o ntango ya midi. | |
| Jere | LinVB | 20:17 | Malamu soko Nzambe abomaki ngai o libumu mpo ’te nzoto ya mama ezala lilita lya ngai mpe libumu lya ye libomba ngai seko. | |