GENESIS
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
Chapter 18
| Gene | Kekchi | 18:1 | Nak ac xnumeˈ cuaˈleb, laj Abraham chunchu chire lix muheba̱l saˈ li naˈajej ji ru. Eb li cheˈ ji, aˈan re laj Mamre. Quicuulac li Ka̱cuaˈ Dios riqˈuin. Joˈcaˈin nak quixcˈutbesi rib li Dios chiru laj Abraham. | |
| Gene | Kekchi | 18:2 | Laj Abraham quiril nak xaka̱mileb oxibeb li cui̱nk chiru. Saˈ junpa̱t qui-el chixcˈulbaleb. Quixcuikˈib rib ut quixxulub lix jolom saˈ chˈochˈ, ut quixye: | |
| Gene | Kekchi | 18:4 | Tintakla xcˈambal caˈchˈinak li haˈ re te̱chˈaj le̱ rok. Chexhila̱nk rubel xmu li cheˈ. | |
| Gene | Kekchi | 18:5 | Xban nak xexcˈulun cuiqˈuin, tincˈam chak caˈchˈinak le̱ tzacae̱mk re nak sahak saˈ le̱ chˈo̱l nak texxic, chan laj Abraham. Ut eb aˈan queˈchakˈoc ut queˈxye re: —Us, bantiox a̱cue. | |
| Gene | Kekchi | 18:6 | Laj Abraham qui-oc saˈ lix muheba̱l ut quixye re lix Sara: —Se̱ba a̱cuib. Chap oxib bis li cˈaj li cha̱bil ut ta̱yi̱b li caxlan cua, chan. | |
| Gene | Kekchi | 18:7 | Laj Abraham co̱ saˈ junpa̱t cuanqueb cuiˈ lix queto̱mk. Quixchap jun li cuacax cha̱bil ut toj al. Quixqˈue li xul re lix mo̱s re nak tixcˈu̱b chak chi cha̱bil. | |
| Gene | Kekchi | 18:8 | Quixcˈam li cˈu̱banbil tib chokˈ reheb li rulaˈ. Quixcˈam ajcuiˈ li queso ut li leche. Ut laj Abraham quixqˈue xchˈo̱l chixjecˈbaleb xtzacae̱mkeb li rulaˈ nak yo̱queb chi cuaˈac rubel xmu li cheˈ. | |
| Gene | Kekchi | 18:9 | Nak queˈrakeˈ chi cuaˈac li rulaˈ, queˈxpatzˈ re laj Abraham, —¿Bar cuan lix Sara la̱ cuixakil?— Laj Abraham quixye reheb, —Cuan saˈ cab, chan. | |
| Gene | Kekchi | 18:10 | Ut jun li cuan saˈ xya̱nkeb li oxib quixye re: —Toline̱lk cuiˈchic saˈ li chihab jun cha̱cuilbal. Ut lix Sara ac cua̱nk chic junak xcˈulaˈal te̱lom, chan re laj Abraham. Lix Sara cuan saˈ cab ut quirabi li cˈaˈru yo̱queb chixyebal. | |
| Gene | Kekchi | 18:11 | Laj Abraham ut lix Sara ac ti̱xeb chic. Lix Sara ac xnumeˈ xkˈehil nak ta̱cua̱nk xcocˈal. | |
| Gene | Kekchi | 18:12 | Xban aˈan lix Sara quiseˈec saˈ xchˈo̱l ut quixye: —¿Chanru nak ta̱cua̱nk li saylal aˈin? Lin be̱lom ut la̱in ac xoti̱x chi us, chan saˈ xchˈo̱l. | |
| Gene | Kekchi | 18:13 | Ut li Ka̱cuaˈ Dios quixye re laj Abraham: —¿Cˈaˈut nak xseˈec lix Sara? ¿Cˈaˈut nak incˈaˈ naxpa̱b nak ta̱cua̱nk junak lix cˈulaˈal saˈ xti̱xilal? | |
| Gene | Kekchi | 18:14 | La̱in li Ka̱cuaˈ Dios. Ma̱cˈaˈ chˈaˈaj chicuu. Chiru li chihab jun chic tinsukˈi̱k chak cha̱cuilbal ut lix Sara ac cua̱nk chic jun lix cˈulaˈal chˈina te̱lom, chan li Ka̱cuaˈ Dios. | |
| Gene | Kekchi | 18:15 | Ut lix Sara quixucuac nak quirabi li a̱tin aˈan ut quixye: —La̱in incˈaˈ xinseˈec, chan. Ut li Ka̱cuaˈ quixye, —La̱in ninnau nak xatseˈec, chan. | |
| Gene | Kekchi | 18:16 | Chirix chic aˈan li oxibeb chi cui̱nk queˈxakli ut queˈoc chi xic saˈ li tenamit Sodoma. Laj Abraham co̱ chirixeb re xchakˈrabinquileb. | |
| Gene | Kekchi | 18:17 | Tojoˈnak li Ka̱cuaˈ Dios quixye saˈ xchˈo̱l: —Incˈaˈ tinmuk chiru laj Abraham li cˈaˈru tinba̱nu. | |
| Gene | Kekchi | 18:18 | Laj Abraham, aˈan li ta̱oc chokˈ xxeˈto̱nil yucuaˈeb li qˈuila tenamit ut eb aˈan nimak xcuanquileb. Chixjunileb li tenamit saˈ ruchichˈochˈ teˈxcˈul li usilal saˈ xcˈabaˈ laj Abraham. | |
| Gene | Kekchi | 18:19 | Ac xinsicˈ ru re ta̱cˈamok be chiruheb li ralal xcˈajol. Aˈan ta̱chˈoloba̱nk re xya̱lal chiruheb re nak teˈxpa̱b li cua̱tin ut teˈcua̱nk saˈ usilal ut saˈ ti̱quilal. Cui teˈxba̱nu aˈin, la̱in tinba̱nu chixjunil li cˈaˈru xinyechiˈi re laj Abraham, chan li Dios. | |
| Gene | Kekchi | 18:20 | Ut li Ka̱cuaˈ Dios quixye re laj Abraham: —Nabal li cˈaˈak re ru incˈaˈ us xcuabi chirixeb laj Sodoma ut laj Gomorra. Numtajenakeb lix ma̱c. | |
| Gene | Kekchi | 18:21 | Anakcuan xic cue aran ut tincuil ma ya̱l li cˈaˈru xcuabi chirixeb re nak tinnau, chan li Ka̱cuaˈ Dios. | |
| Gene | Kekchi | 18:22 | Eb li cuib chi cui̱nk queˈco̱eb aran Sodoma. Ut laj Abraham quicana rochben li Ka̱cuaˈ Dios. | |
| Gene | Kekchi | 18:23 | Laj Abraham quinachˈoc riqˈuin li Ka̱cuaˈ Dios ut quixye re: —¿Ma ta̱sach ruheb li ti̱queb xchˈo̱l saˈ xya̱nkeb li incˈaˈ ti̱queb xchˈo̱l? | |
| Gene | Kekchi | 18:24 | Ma̱re cuanqueb mero ciento chi cristian ti̱queb xchˈo̱l saˈ xya̱nkeb. Cui cuanqueb mero ciento li ti̱queb xchˈo̱l, ¿ma incˈaˈ ta̱ru̱k ta̱cuy xma̱queb li incˈaˈ ti̱queb xchˈo̱l? ¿Malaj cuan saˈ a̱chˈo̱l nak ta̱sach chi junaj cua li tenamit aˈan? chan. | |
| Gene | Kekchi | 18:25 | Incˈaˈ naru ta̱sacheb ru li ti̱queb xchˈo̱l joˈ ta̱ba̱nu riqˈuineb li incˈaˈ ti̱queb xchˈo̱l. Ninnau nak la̱at incˈaˈ ta̱ba̱nu aˈan xban nak la̱at nacatrakoc a̱tin saˈ xya̱lal saˈ xbe̱neb chixjunileb li cuanqueb saˈ ruchichˈochˈ, chan laj Abraham. | |
| Gene | Kekchi | 18:26 | Li Ka̱cuaˈ Dios quixye re laj Abraham: —Cui cuanqueb mero ciento li ti̱queb xchˈo̱l saˈ li tenamit Sodoma, saˈ xcˈabaˈ eb aˈan tincuy xma̱queb chixjunileb li cuanqueb aran, chan. | |
| Gene | Kekchi | 18:27 | Ut laj Abraham quixye cuiˈchic re li Ka̱cuaˈ: —Chacuy inma̱c nak tina̱tinak cuiˈchic a̱cuiqˈuin chi joˈcaˈin. La̱at li Ka̱cuaˈ Dios ut la̱in yal cui̱nkin. | |
| Gene | Kekchi | 18:28 | Cui caˈaj cuiˈ o̱b roxcˈa̱l (45) li cristian ti̱queb xchˈo̱l cuanqueb saˈ li tenamit aˈan, ¿ma yal xban nak o̱b chic ta̱raj li mero ciento nak ta̱sach ru li tenamit? chan laj Abraham. Ut li Ka̱cuaˈ Dios quixye re: —Cui cuanqueb o̱b roxcˈa̱l (45) li cristian li ti̱queb xchˈo̱l, la̱in incˈaˈ tinsach ru li tenamit, chan li Dios. | |
| Gene | Kekchi | 18:29 | Ut laj Abraham quixpatzˈ cuiˈchic re: —Cui caˈaj cuiˈ caˈcˈa̱l (40) li ti̱queb xchˈo̱l cuanqueb, ¿ma ta̱sacheb ru? chan. Ut li Dios quixye re, —Saˈ xcˈabaˈeb li caˈcˈa̱l (40) li ti̱queb xchˈo̱l, incˈaˈ tinsach ru li tenamit, chan. | |
| Gene | Kekchi | 18:30 | Laj Abraham quixye cuiˈchic re li Ka̱cuaˈ: —Chacuy inma̱c. Us cui incˈaˈ tatjoskˈok cuiqˈuin xban nak tinpatzˈok cuiˈchic a̱cue. Ma̱re caˈaj cuiˈ laje̱b xcaˈcˈa̱l (30) cuanqueb. ¿Ma ta̱sacheb ru li tenamit? chan. Ut li Ka̱cuaˈ quixye re, —Saˈ xcˈabaˈeb li laje̱b xcaˈcˈa̱l (30) li ti̱queb xchˈo̱l, la̱in tincuy xma̱queb li tenamit, chan. | |
| Gene | Kekchi | 18:31 | Ut quixye cuiˈchic laj Abraham: —At Ka̱cuaˈ, chacuy inma̱c. Tinpatzˈok cuiˈchic a̱cue. Cui junmay (20) ajcuiˈ li ti̱queb xchˈo̱l, ¿ma ta̱sach ru li tenamit? chan. Ut li Ka̱cuaˈ quixye re: —Saˈ xcˈabaˈeb li junmay (20) li ti̱queb xchˈo̱l, incˈaˈ tinsach ru li tenamit, chan. | |
| Gene | Kekchi | 18:32 | Toj quixtzˈa̱ma cuiˈchic xcuybal laj Abraham ut quixye re li Ka̱cuaˈ: —Ba̱nu usilal, at Ka̱cuaˈ, matjoskˈoˈ cuiqˈuin. Caˈaj chic anakcuan tinpatzˈok a̱cue ut incˈaˈ chic tatinchˈiˈchˈiˈi. ¿Cˈaˈru ta̱ba̱nu cui laje̱b (10) ajcuiˈ li ti̱queb xchˈo̱l li cuanqueb saˈ li tenamit? chan. Ut li Ka̱cuaˈ quixye re laj Abraham: —Saˈ xcˈabaˈeb li laje̱b li ti̱queb xchˈo̱l, incˈaˈ tinsach ru li tenamit, chan li Ka̱cuaˈ. | |