JEREMIAH
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
Chapter 12
| Jere | Kapingam | 12:1 | Meenei Dimaadua, maa au ga-lagamaaloo-adu i ogu donu, gei Goe ga-hagamodongoohia-aga oo donu. Malaa, gei au ga-heeu-adu di hai o-di tonu. Ma e-aha go digau huaidu ala e-maluagina? Ma e-aha go digau huaidu ala e-kila humalia? | |
| Jere | Kapingam | 12:2 | Go Kooe ne-dogi digaula, gei digaula gaa-hai nadau aga. Digaula gaa-tomo gaa-huwa. Digaula e-helehelekai humalia i-di-Goe i-nia madagoaa huogodoo, gei digaula hagalee hagadahidamee Goe. | |
| Jere | Kapingam | 12:3 | Goe e-iloo-e-Goe au, meenei Dimaadua, Goe e-iloo be au e-hai dagu-aha, mo dogu aloho i-di-Goe. Goe daangia gi-daha nia daangada huaidu aanei gadoo be nia siibi ala e-kae e-daaligi. Loohia digaula gaa-dae-loo gi-di madagoaa e-daaligi-ai digaula gii-mmade. | |
| Jere | Kapingam | 12:4 | Dehee-laa di waalooloo o-di maangoo tenua deenei, ge dehee-laa di waalooloo o-di mae gi-lala nia geinga ala i-lodo nia gowaa maalama huogodoo? Nia manu dolodolo mono manu mamaangi gu-mmade-mmade idimaa go nia huaidu o tadau daangada, go nia daangada ala e-helehelekai boloo, “God e-de-iloo-Ia be gidaadou e-hai tadau-aha. ” | |
| Jere | Kapingam | 12:5 | Dimaadua ga-helekai, “Jeremiah, maa goe gu-duadua di hoiaa gi nia daangada, malaa dehee dau hai e-mee di-hoiaa gi nia hoodo? Maa goe e-deemee di-duu-aga i-lodo tenua baba, malaa dehee dau hai e-mee di-duu-aga i-lodo geinga taalinga Jordan? | |
| Jere | Kapingam | 12:6 | O duaahina mo oo gau gu-hagiaga goe. Digaula e-hai-baahi-adu gi-di-goe labelaa. Ma e-aha maa digaula e-helekai humalia, gei goe hudee hagadonu-ina digaula.” | |
| Jere | Kapingam | 12:7 | Dimaadua ga-helekai, “Au gu-diiagi Israel, Au guu-bae gi-daha dagu henua ne-hilihili. Au guu-wanga agu daangada ala e-aloho-iei Au gi-lala nia mogobuna o nadau hagadaumee. | |
| Jere | Kapingam | 12:8 | Agu daangada ne-hilihili gu-hai-baahi mai gi-di-Au, digaula guu-hai be nia laion o lodo henua ala e-nnguu-mai gi-di-Au, deenei-laa, gei Au gu-de-hiihai gi digaula. | |
| Jere | Kapingam | 12:9 | Agu daangada ne-hilihili guu-hai gadoo be-di manu mamaangi dela e-heebagi ginai nia manu-‘hawk’ i-nia gowaa huogodoo. Gahigahia-mai nia manu lodo-geinga gi-lloomoi gi tagamiami! | |
| Jere | Kapingam | 12:10 | Nia dagi mai i-daha dogologo gu-haga-huaidu dagu hadagee waini, gu-dagadagahi gi-lala dagu hadagee. Digaula guu-hai dagu gowaa e-haa-manawa-iei Au la-gii-hai di anggowaa. | |
| Jere | Kapingam | 12:11 | Digaula guu-hai di-maa gii-hai di anggowaa, ge di-maa guu-moe guu-hai di anga-henua i ogu mua. Tenua hagatau guu-hai di anga-henua, tangada e-haa-manawa i di-maa ai. | |
| Jere | Kapingam | 12:12 | Nia daangada e-lloomoi laa-nua i tomo nia gonduu o tenua deelaa, belee kae nia goloo. Au gu-hagau tauwa e-daaligi tenua deelaa hagatau, tangada e-mouli i-golo i-di aumaalia ai. | |
| Jere | Kapingam | 12:13 | Agu daangada e-haga-nonnono nadau lii-‘wheat’, gei digaula e-daagi nia geinga-tomo. Digaula e-ngalua damana, gei di humalia mai i nadau ngalua ai. Idimaa go dogu hagawelewele huoloo gaa-hidi-ai nia huwa o tenua digaula gu-mooho.” | |
| Jere | Kapingam | 12:14 | Dimaadua ga-helekai, “Au dagu mee i-golo e-helekai-iei-Au i-di hai o digau ala e-noho mai i-daha o Israel ala e-haga-huaidu dagu henua ne-wanga gi digau Israel. Au gaa-daa digau huaidu aanei gi-daha mo nadau gowaa, gadoo be-di laagau dela ma-ga-daagi-aga i-lala, gei Au ga-haga-dagaloaha Judah gi-daha mo nadau mogobuna. | |
| Jere | Kapingam | 12:15 | I-muli-hua dagu daa digaula gi-daha, gei Au ga-dumaalia gi digaula. Au ga-laha-mai nia henua llauehe huogodoo gi nadau henua donu. | |
| Jere | Kapingam | 12:16 | Maa digaula gaa-kawe mo-di manawa hagatau di hai o agu daangada ala e-daumaha-mai gi-di-Au, mo-di hagamodu beenei, ‘E-donu gadoo be Dimaadua e-mouli!’ be-di hai nogo agoago gi agu daangada i-mua bolo gi-hagamodu i-di ingoo Baal, malaa, digaula ga-madalia agu daangada ga-haadanga-lamalia. | |