TpiKJPB - Malachi

Chapter 1

1:1  ¶ Hevi bilong tok bilong BIKPELA i go long Isrel long maus bilong Malakai.

1:2  Mi bin laikim tru yupela, BIKPELA i tok. Tasol yupela i tok, Yu bin laikim tru mipela insait long wanem samting? Ating i yes long Iso em i brata bilong Jekop, BIKPELA i tok? Tasol Mi laikim tru Jekop,

1:3  Na Mi hetim Iso, na Mi mekim ol maunten bilong em na ples bilong em long stap nating bilong helpim ol dregon bilong ples i no gat man.

1:4  We Idom i tok olsem, Mipela i kamap rabis tru, tasol mipela bai go bek na wokim ol ples i stap nating olgeta, BIKPELA bilong ol ami i tok olsem, Ol bai wokim, tasol Mi bai tromoi i go daun. Na ol bai kolim ol, Hap arere bilong pasin nogut, na, Lain manmeri husat BIKPELA i gat bel nogut i birua long ol oltaim oltaim.

1:5  Na ol ai bilong yupela bai lukim, na yupela bai tok, BIKPELA bai kisim biknem long hap arere bilong Isrel.

1:6  ¶ Pikinini man i save givim ona long papa bilong em, na wokboi bosman bilong em. Sapos nau Mi stap wanpela Papa, ona bilong Mi i stap we? Na sapos Mi stap wanpela bosman, pret long Mi i stap we? BIKPELA bilong ol ami i tokim yupela, O ol pris, husat i tingim nem bilong Mi olsem i samting nating. Na yupela i tok, Mipela i bin tingim nem bilong Yu i samting nating insait long wanem samting?

1:7  Yupela i ofaim bret i doti pinis antap long alta bilong Mi. Na yupela i tok, Mipela i bin mekim Yu doti insait long wanem samting? Long dispela, yupela i tok, Tebol bilong BIKPELA em i samting bilong bikpela sem.

1:8  Na sapos yupela i ofaim ol aipas long sakrifais, ating i yes long dispela em i pasin nogut? Na sapos yupela i ofaim ol lek nogut na samting i sik, ating i yes long dispela em i pasin nogut? Ofaim dispela nau long nambawan gavman bilong yu. Bai em i stap amamas long yu, o orait long namba bilong yu, BIKPELA bilong ol ami i tok?

1:9  Na nau, Mi askim yu plis, askim God long daun pasin long Em i bai soim pasin bilong marimari long yumi. Dispela i bin kam long ol rot bilong yupela. Bai Em i tingim gut ol namba bilong yupela, BIKPELA bilong ol ami i tok?

1:10  Husat i stap, yes, namel long yupela husat i gat laik long pasim ol dua nating? Na tu yupela i no kirapim paia nating long alta bilong Mi. Mi no gat amamas liklik long yupela, BIKPELA bilong ol ami i tok, na tu bai Mi no inap orait long wanpela ofa long han bilong yupela.

1:11  Long wanem, i stat long taim san i kam antap, yes, i go inap long em stret i go daun, nem bilong Mi bai stap bikpela namel long ol man i no Ju. Na insait long olgeta wan wan ples ol bai ofaim insens long nem bilong Mi, na wanpela ofa i klin. Long wanem, nem bilong Mi bai stap bikpela namel long ol haiden, BIKPELA bilong ol ami i tok.

1:12  Tasol yupela i bin mekim dispela long sting, long dispela, yupela i tok, Tebol bilong BIKPELA em i doti pinis. Na kaikai bilong en, yes, kaikai bilong Em, em i samting bilong bikpela sem.

1:13  Yupela i tok tu, Lukim, wanem kain pasin bilong pilim les tru em dispela! Na yupela i bin pulim nus long en, BIKPELA bilong ol ami i tok. Na yupela i bringim dispela samting skin i bruk, na i lek nogut, na i sik. Olsem tasol yupela i bringim wanpela ofa. Ating Mi bai orait long dispela long han bilong yupela, BIKPELA i tok?

1:14  Tasol tok nogut i stap long man bilong giaman, husat i gat long lain sipsip bilong em wanpela sipsip man, na em i wokim strongpela promis, na em i wokim sakrifais i go long Bikpela long wanpela samting i sting. Long wanem, Mi wanpela nambawan King, BIKPELA bilong ol ami i tok, na nem bilong Mi em i samting bilong pret tru namel long ol haiden.

Chapter 2

2:1  ¶ Na nau, O yupela ol pris, dispela tok strong em i bilong yupela.

2:2  Sapos yupela i no laik harim, na sapos yupela i no laik kisim dispela long bel, bilong givim glori i go long nem bilong Mi, BIKPELA bilong ol ami i tok, yes, Mi bai salim wanpela tok nogut antap long yupela, na Mi bai tok nogut long ol blesing bilong yupela. Yes, Mi bin putim tok nogut antap long ol pinis, bilong wanem, yupela i no kisim dispela long bel.

2:3  Lukim, Mi bai bagarapim tumbuna pikinini bilong yupela, na putim i go nabaut pekpek antap long ol pes bilong yupela, yes, pekpek bilong ol bikpela kaikai holi bilong yupela. Na wanpela bai tekewe yupela wantaim dispela.

2:4  Na yupela bai save long Mi bin salim dispela tok strong long yupela, inap long kontrak bilong Mi i ken stap wantaim Livai, BIKPELA bilong ol ami i tok.

2:5  Kontrak bilong Mi i stap wantaim em long laip na bel isi. Na Mi givim ol long em bilong tingim dispela pret we em i pret long Mi wantaim ol, na em i pret long ai bilong nem bilong Mi.

2:6  Lo bilong tok tru i stap insait long maus bilong em, na Mi no lukim sin nogut long tupela lip bilong em. Em i wokabaut wantaim Mi long bel isi na stretpela kot tru, na em i bin tanim planti long lusim sin nogut.

2:7  Long wanem, ol lip bilong pris i mas holimpas save, na ol man i mas painim lo long maus bilong em. Long wanem, em i mausman bilong BIKPELA bilong ol ami.

2:8  Tasol yupela i lusim rot i go ausait pinis. Yupela i bin mekim planti long sutim lek long lo. Yupela i bin bagarapim kontrak bilong Livai, BIKPELA bilong ol ami i tok.

2:9  Olsem na Mi tu bin mekim yupela samting bilong bikpela sem na samting nating long ai bilong olgeta manmeri, bilong bihainim olsem yupela i no bin bihainim ol rot bilong Mi, tasol yupela i bin skelim kranki insait long lo.

2:10  ¶ Ating i yes long yumi olgeta i gat wanpela papa? Ating i yes long wanpela God tasol i bin kamapim yumi long nating? Bilong wanem yumi mekim trik pasin olgeta wan wan man i birua long brata bilong em, taim yumi mekim kontrak bilong ol tumbuna papa bilong yumi long sting?

2:11  Juda i bin mekim trik pasin, na wanpela sting samting ol man i mekim insait long Isrel na insait long Jerusalem. Long wanem, Juda i bin mekim pasin holi bilong BIKPELA long sting, dispela em i laikim tru, na em i bin maritim pikinini meri bilong wanpela ausait god.

2:12  BIKPELA bai rausim dispela man olgeta husat i mekim dispela, tisa na sumatin, ausait long ol haus holi bilong Jekop, na em husat i ofaim wanpela ofa i go long BIKPELA bilong ol ami.

2:13  Na dispela yupela i bin mekim gen, taim yupela i karamapim alta bilong BIKPELA wantaim ol aiwara, wantaim krai tru, na wantaim singaut, inap long Em i no tingim gut dispela ofa moa liklik, o kisim dispela wantaim gutpela bel long han bilong yupela.

2:14  Tasol yupela i tok, Olsem wanem na? Bilong wanem, BIKPELA i bin stap witnes namel long yu na meri bilong yu bilong taim yu stap yangpela, husat yu bin mekim trik pasin i birua long em. Yet em i poroman bilong yu, na meri bilong kontrak bilong yu.

2:15  Na ating em i yes long Em i mekim wanpela? Tasol Em i gat hap i stap yet bilong spirit. Na olsem wanem na wanpela? Inap long Em i ken painim wanpela tumbuna pikinini i bihainim God. Olsem na was gut long spirit bilong yu, na no ken larim wanpela man mekim trik pasin i birua long meri bilong em bilong taim em i stap yangpela.

2:16  Long wanem, BIKPELA, God bilong Isrel, i tok long Em i hetim pasin bilong rausim meri. Long wanem, wanpela i karamapim pasin pait wantaim klos bilong em, BIKPELA bilong ol ami i tok. Olsem na was gut long spirit bilong yu, inap long yupela i no mekim trik pasin.

2:17  Yupela i bin mekim BIKPELA pilim les tru wantaim ol toktok bilong yupela. Tasol yupela i tok, Mipela i bin mekim Em pilim les tru insait long wanem samting? Taim yupela i tok, Olgeta wan wan husat i mekim pasin nogut em i gutpela long ai bilong BIKPELA, na Em i gat gutpela amamas long ol, o, God bilong kot i stap we?

Chapter 3

3:1  ¶ Lukim, Mi bai salim mausman bilong Mi, na em bai redim rot i go pas long Mi. Na Bikpela, husat yupela i painim, bai kam wantu long tempel bilong Em, yes, dispela mausman bilong kontrak, husat yupela i gat gutpela amamas insait long Em. Lukim, Em bai kam, BIKPELA bilong ol ami i tok.

3:2  Tasol husat i ken stap long de bilong kamap bilong Em? Na husat bai sanap taim Em i kamap ples klia? Long wanem, Em i stap olsem wanpela paia bilong man bilong klinim ain, na olsem sop bilong man bilong klinim klos.

3:3  Na Em bai sindaun olsem wanpela man bilong klinim ain na man bilong klinim silva. Na Em bai klinim ol pikinini man bilong Livai, na klinim ol olsem gol na silva, inap long ol i ken ofaim i go long BIKPELA wanpela ofa long stretpela pasin.

3:4  Nau bai ofa bilong Juda na Jerusalem stap gutpela long BIKPELA, olsem long ol de bilong bipo, na olsem long ol yia bilong bipo.

3:5  Na Mi bai kam klostu long yupela long kot. Na Mi bai stap wanpela witnes hariap i birua long ol poisin man, na i birua long ol man bilong bagarapim marit long pamuk pasin, na i birua long ol man bilong wokim giaman strongpela promis, na i birua long ol dispela man husat i givim hevi long man ol i baim long pe bilong em, meri man bilong em i dia pinis, na pikinini i no gat papa, na husat i tanim ausait man long sait i lusim rait bilong em, na i no pret long Mi, BIKPELA bilong ol ami i tok.

3:6  Long wanem, Mi stap BIKPELA, Mi no senis. Olsem na Mi no kaikai yupela olgeta, ol pikinini man bilong Jekop.

3:7  ¶ Yes, i stat long ol de bilong ol tumbuna papa bilong yupela yupela i go lusim ol lo Mi makim, na yupela i no bin bihainim ol. Kam bek long Mi, na Mi bai kam bek long yupela, BIKPELA bilong ol ami i tok. Tasol yupela i tok, Mipela bai kam bek insait long wanem samting?

3:8  Wanpela man bai stil long God? Tasol yupela i bin stil long Mi. Tasol yupela i tok, Mipela i bin stil long Yu insait long wanem samting? Long ol namba ten hap na ol ofa.

3:9  Tok nogut i stap antap long yupela wantaim wanpela tok nogut. Long wanem, yupela i bin stil long Mi, yes, dispela kantri olgeta.

3:10  Yupela i mas bringim olgeta namba ten hap i kam insait long haus bilong putim kago, inap long i ken gat kaikai insait long haus bilong Mi, na pruvim Mi nau long en, BIKPELA bilong ol ami i tok, sapos Mi bai i no inap opim ol windo bilong heven long yupela, na kapsaitim wanpela blesing i go ausait long yupela, inap long bai i no gat spes inap long kisim dispela.

3:11  Na Mi bai hatim dispela man bilong kaikai olgeta bilong tingim yupela, na em bai i no inap bagarapim olgeta ol kaikai bilong graun bilong yupela. Na tu diwai wain bilong yupela bai i no inap tromoi nating kaikai bilong em bipo long taim bilong en insait long bikpela gaden, BIKPELA bilong ol ami i tok.

3:12  Na olgeta kantri bai kolim yupela lain i gat blesing. Long wanem, yupela bai stap wanpela hap graun i gat gutpela amamas, BIKPELA bilong ol ami i tok.

3:13  ¶ Ol toktok bilong yupela i bin strongpela i birua long Mi, BIKPELA bilong ol ami i tok. Tasol yupela i tok, Wanem samting mipela i bin toktok liklik i birua long Yu?

3:14  Yupela i bin tok, Em i samting nating long bihainim God. Na i gat wanem helpim long en inap long mipela i bin bihainim lo Em i makim, na long mipela i bin wokabaut wantaim pasin bilong soim sori long ai bilong BIKPELA bilong ol ami?

3:15  Na nau mipela i kolim ol hambak man man i gat amamas. Yes, ol husat i wokim pasin nogut i sanap antap. Yes, ol husat i traim God, yes , Em i kisim bek ol.

3:16  Nau ol husat i pret long BIKPELA i toktok planti taim wanpela i go long narapela. Na BIKPELA i putim ia, na harim dispela, na ol i raitim wanpela buk bilong holim tingting long ai bilong Em bilong helpim ol husat i pret long BIKPELA, na husat i tingting long nem bilong Em.

3:17  Na ol bai bilong Mi, BIKPELA bilong ol ami i tok, long dispela de, taim Mi wokim ol bilas i dia tru bilong Mi. Na Mi bai marimari long ol, olsem wanpela man i save marimari long pikinini man bilong em yet husat i bihainim em.

3:18  Nau bai yupela i kam bek, na kamap klia tru namel long ol stretpela man na ol man nogut, namel long em husat i bihainim God na em husat i no bihainim Em.

Chapter 4

4:1  ¶ Long wanem, lukim, dispela de i kam, dispela bai kuk olsem wanpela aven. Na olgeta hambak man, yes, na olgeta husat i mekim pasin nogut, bai stap pipia bilong wit samting. Na dispela de i kam bai kukim ol olgeta, BIKPELA bilong ol ami i tok, inap long em bai i no inap lusim long ol wanpela rop daunbilo o han bilong diwai.

4:2  Tasol long yupela husat i pret long nem bilong Mi San bilong stretpela pasin bai kamap wantaim pasin bilong oraitim sik insait long ol wing bilong Em. Na yupela bai go ausait, na go bikpela olsem ol pikinini bulmakau bilong rum bilong animal.

4:3  Na yupela bai krungutim i go daun ol man nogut. Long wanem, ol bai stap ol sit bilong paia aninit long ol as bilong ol fut bilong yupela long dispela de Mi bai mekim dispela, BIKPELA bilong ol ami i tok.

4:4  ¶ Yupela holim tingting long lo bilong wokboi bilong Mi Moses, husat Mi tok strong long em long Horep bilong helpim olgeta Isrel, wantaim ol lo Mi raitim na ol kot.

4:5  Lukim, Mi bai salim profet Ilaija long yupela bipo long dispela de bilong BIKPELA i kamap i bikpela na i samting bilong pret tru.

4:6  Na em bai tanim bel bilong ol papa i go long ol pikinini, na bel bilong ol pikinini i go long ol papa bilong ol, nogut Mi kam na paitim dispela graun wantaim wanpela tok nogut.