Esperanto - Numbers - 2

2:1  Kaj la Eternulo ekparolis al Moseo kaj al Aaron, dirante:

2:2  La Izraelidoj starigu siajn tendojn ĉiu apud sia standardo, apud la signoj de sia patrodomo; iom malproksime ĉirkaŭ la tabernaklo de kunveno ili starigu siajn tendojn.

2:3  En la antaŭa parto, oriente, staros tendare la standardo de la tendaro de Jehuda, laŭ iliaj taĉmentoj; kaj la princo de la Jehudaidoj estas Naĥŝon, filo de Aminadab;

2:4  kaj lia taĉmento kaj ĝiaj kalkulitoj estas sepdek kvar mil sescent.

2:5  Apude staru la tribo de Isaĥar; kaj la princo de la Isaĥaridoj estas Netanel, filo de Cuar;

2:6  kaj lia taĉmento kaj ĝiaj kalkulitoj estas kvindek kvar mil kvarcent.

2:7  Poste la tribo de Zebulun; kaj la princo de la Zebulunidoj estas Eliab, filo de Ĥelon;

2:8  kaj lia taĉmento kaj ĝiaj kalkulitoj estas kvindek sep mil kvarcent.

2:9  Ĉiuj kalkulitoj de la tendaro de Jehuda estas cent okdek ses mil kvarcent laŭ iliaj taĉmentoj; ili elmoviĝu la unuaj.

2:10  La standardo de la tendaro de Ruben estu sude, laŭ iliaj taĉmentoj; kaj la princo de la Rubenidoj estas Elicur, filo de Ŝedeur;

2:11  kaj lia taĉmento kaj ĝiaj kalkulitoj estas kvardek ses mil kvincent.

2:12  Apude staru la tribo de Simeon; kaj la princo de la Simeonidoj estas Ŝelumiel, filo de Curiŝadaj;

2:13  kaj lia taĉmento kaj ĝiaj kalkulitoj estas kvindek naŭ mil tricent.

2:14  Poste la tribo de Gad; kaj la princo de la Gadidoj estas Eljasaf, filo de Deuel;

2:15  kaj lia taĉmento kaj ĝiaj kalkulitoj estas kvardek kvin mil sescent kvindek.

2:16  Ĉiuj kalkulitoj de la tendaro de Ruben estas cent kvindek unu mil kvarcent kvindek laŭ iliaj taĉmentoj; ili elmoviĝu la duaj.

2:17  Poste elmoviĝu kun la tabernaklo de kunveno la tendaro de la Levidoj inter la tendaroj; kiel ili staros tendare, tiel ili elmoviĝu, ĉiu laŭ sia loko kun siaj standardoj.

2:18  La standardo de la tendaro de Efraim, laŭ iliaj taĉmentoj, estu okcidente; kaj la princo de la Efraimidoj estas Eliŝama, filo de Amihud;

2:19  kaj lia taĉmento kaj ĝiaj kalkulitoj estas kvardek mil kvincent.

2:20  Apude estu la tribo de Manase; kaj la princo de la Manaseidoj estas Gamliel, filo de Pedacur;

2:21  kaj lia taĉmento kaj ĝiaj kalkulitoj estas tridek du mil ducent.

2:22  Poste la tribo de Benjamen; kaj la princo de la Benjamenidoj estas Abidan, filo de Gideoni;

2:23  kaj lia taĉmento kaj ĝiaj kalkulitoj estas tridek kvin mil kvarcent.

2:24  Ĉiuj kalkulitoj de la tendaro de Efraim estas cent ok mil cent laŭ iliaj taĉmentoj; ili elmoviĝu la triaj.

2:25  La standardo de la tendaro de Dan estu norde, laŭ iliaj taĉmentoj; kaj la princo de la Danidoj estas Aĥiezer, filo de Amiŝadaj;

2:26  kaj lia taĉmento kaj ĝiaj kalkulitoj estas sesdek du mil sepcent.

2:27  Apude staru tendare la tribo de Aŝer; kaj la princo de la Aŝeridoj estas Pagiel, filo de Oĥran;

2:28  kaj lia taĉmento kaj ĝiaj kalkulitoj estas kvardek unu mil kvincent.

2:29  Poste la tribo de Naftali; kaj la princo de la Naftaliidoj estas Aĥira, filo de Enan;

2:30  kaj lia taĉmento kaj ĝiaj kalkulitoj estas kvindek tri mil kvarcent.

2:31  Ĉiuj kalkulitoj de la tendaro de Dan estas cent kvindek sep mil sescent; ili elmoviĝu la lastaj kun siaj standardoj.

2:32  Tio estas la kalkulitoj de la Izraelidoj laŭ iliaj patrodomoj. Ĉiuj kalkulitoj de la tendaroj, laŭ iliaj taĉmentoj, estis sescent tri mil kvincent kvindek.

2:33  Sed la Levidoj ne estis kalkulitaj inter la Izraelidoj; kiel la Eternulo ordonis al Moseo.

2:34  Kaj la Izraelidoj faris konforme al ĉio, kion la Eternulo ordonis al Moseo: tiel ili stariĝis tendare kun siaj standardoj, kaj tiel ili elmoviĝadis, ĉiu laŭ sia familio, laŭ sia patrodomo.